инфлуенсер – Kurir.mk

ТРАГЕДИЈА: Познат инфлуенсер почина додека си играл со своите деца – семејството и фановите шокирани

Ивана Ефремовски — Thu, 05 Oct 2023 11:19:46 +0000

Италијанскиот инфлуенсер Лоренцо (40), чии семејни видеа воодушевија многумина, трагично почина пред неколку дена од срцев удар. -Се чувствувам многу лошо. Не ми се верува, изјавила неговата сопруга. Смртта не можеше да биде потрагична. Тоа се случило кога си играл со децата во нивната куќа во близина на Неапол. Човекот само паднал на подот и лежел неподвижен. Сите брзо реагираа, а полицијата и брзата помош беа брзо на терен. И покрај сите напори, инфлуенсерот почина недолго потоа, а три деца останаа без татко. На сите им беше познат по своите тетоважи, а неговиот начин на живот им пречеше на многумина. Тој често објавуваше видеа на кои се вози луксузни автомобили и облечен во луксузни костуми. Сите фанови се длабоко депресивни и шокирани. -Јас сум без зборови. Се слушнавме денес, многу сум тажен, ова е како да не е реално, вели еден коментар под фотографијата. -Во некои лоши моменти од мојот живот, твоите видеа со прекрасно семејство ми донесоа насмевка на лицето. Се чувствувам многу уништено од се, напиша друг.

View this post on Instagram

A post shared by Lorenzo Della Femine (@lorenzodellafemine83)

Трагедија: Загина млад инфуленсер, следниот месец требаше да прави свадба со саканата

Ивана Ефремовски — Tue, 22 Aug 2023 15:07:31 +0000

Популарниот инфлуенсер Бурак Џан Тасан (23) загина во страшна несреќа. Како што пренесува Dailymail, популарниот турски инфлуенсер кој бил љубител на мотоцикли, загинал во несреќа кога паднал од мотоцикл. Бурак паднал од моторот откако удрил во куче додека возел во областа Саријам во Адана, Турција. По несреќата итно бил пренесен во болница, но поради повеќе повреди починал, јавуваат локалните медиуми. Инаку, тој се сврши со девојката, а венчавката беше закажана за септември 2023 година. Неговиот профил на Инстаграм има повеќе од 130.000 следбеници.

Турски инфлуенсер пронајден мртов под урнатините – следбениците го исмејувале дека немал пари, но и поради физичкиот изглед, па направил две операции

Дарко Андоновски — Sun, 19 Feb 2023 18:31:01 +0000

Турскиот инфлуенсер Таха Дујмаз од Хатај беше пронајден мртов во урнатините по серијата разорни земјотреси што ги погодија Турција и Сирија. Оваа вест ја расплака Турција, која се сеќава како младиот Таха бил изложен на насилство на социјалните мрежи, каде го исмевале поради финансиската состојба и физичкиот изглед. Во Турција, Таха бил познат по своите кулинарски вештини, кои редовно ги споделувал со своите следбеници на мрежите. Безживотното тело на Таха е пронајдено во урнатините на зградата на неговата тетка во Кахраманмараш.

View this post on Instagram

A post shared by Taha Duymaz (@tahaduymazz)

Младиот инфлуенсер, инаку, бил жртва на интернет насилство. Популарноста ја стекнал кога во скромната кујна почнал да споделува со семејството рецепти од јадењата што ги правел. Тоа било доволно за поединци да го исмеваат дека е сиромашен. Подоцна почнал да заработува и да го издржува семејството, но потоа истите луѓе почнале да го навредуваат поради неговиот физички изглед, поточно неговиот нос.

View this post on Instagram

A post shared by Taha Duymaz (@tahaduymazz)

Поради притисокот го оперирал и носот, но теророт на мрежите не престанал. Мета биле и неговите уши, кои исто така ги оперирал.

Најбогатиот човек на светот размислува да ги напушти работните места и да стане инфлуенсер

Тале Кристо — Fri, 10 Dec 2021 08:48:46 +0000

Илон Маск, извршен директор на „Тесла“, на Твитер објави дека размислува да ги напушти сите свои работни места и да стане инфлуенсер. -Размислувам да се повлечам од мојата работа и да станам инфлуенсер со полно работно време, напиша Маск, без дополнителни објаснувања. Маск, кој е и основач и извршен директор на „Спеј-Икс“, го води и „Неуролинк“ и „Боринг компани“. Во јануари изјави дека верува оти „неколку години“ ќе биде извршен директор на „Тесла“. – Би било убаво да имам малку повеќе слободно време наместо да работиме цели денови и ноќи – седум дена во неделата, од мигот кога ќе се разбудам до одење в кревет. Тоа е прилично напорно!, рече Маск тогаш. Маск минатиот месец ги праша своите следачи на Твитер дали треба да продаде 10 отсто од својот удел во „Тесла“, на што повеќето одговорија потврдно. Тој потоа продаде акции во вредност од речиси 12 милијарди долари.

Двејн Џонсон најскапо платен „инфлуенсер“ на Инстаграм

Тале Кристо — Mon, 06 Jul 2020 09:34:34 +0000

Холивудската ѕвезда Двејн Џонсон – „Карпата“ е најскапо платениот Инстаграм „инфлуенсер“, според податоците на британската компанија за маркетинг на социјалните мрежи – Хопер ејч-кју. За една спонзорирана објава, американскиот глумец добивал и над милион долари. Со тоа тој ја надмина и најмладата милијардерка во светот – Кајли Џенер, чиишто тарифи достигнуваат околу 986.000 долари за објава. Следни во списокот најплатени „инфлуенсери“ се фудбалерот Кристијано Роналдо, супермоделката Ким Кардашијан, пејачката Аријана Гранде, Селена Гомез, Бијонсе, Џастин Бибер и Тејлор Свифт, како и фудбалерот Нејмар. Листата е создадена по разговори со славните личности, како и со компаниите. За одредувањето на цените се користат јавно достапни информации. Меѓу спонзорите на „Карпата“ се технолошкиот гигант Епл, производителот на спортска опрема Андер Армор и норвешкиот бренд за пакувана вода – Вос, каде што глумецот има свој удел. (МИА)

Инфлуенсер осуден на 14 години затвор- ова е причината

Катерина Бојаџиева — Wed, 11 Dec 2019 13:52:37 +0000

Инстаграм-инфлуенсер од САД е осуден на 14 години затвор поради шема со која уценувал и принудувал интернет-корисници да се откажат од веб-домејни што тој сакал да ги поседува, соопшти американското Министерство за правда. Роси Лоратио Адамс, со прекар Поло или Стејт Снепс, од 2015 година имал повеќе профили на Инстаграм и други платформи, додека бил на факултет на Државниот универзитет на Ајова. На нив обично имало спорни и сексуално експлицитни содржини, често со девојки од самиот факултет. Еден од Инстаграм-профилите имал 1,5 милиони следачи. Проблемите започнале кога Адамс посакал да го купи хаштагот #DoItForState – во сопственост на Итан Дејо. Цената на домејнот doitforstate.com била 20.000 долари, па договорот, и по две години преговарање, не се случил. Потоа Адамс прешол кон заплашување и закани. Прво – преку интернет, а потоа се појавил и на неговата врата… Потоа, летото 2017 година, Адамс испратил свој роднина да провали во домот на Дејо и заради закана да му го предаде домејнот. Натрапувањето преминало во престрелка, при што Дејо е погоден во нога, а роднината на Адамс се здобил со неколку рани во пределот на градите. Обајцата преживеаја. „Посреднкот“, покрај Адамс, исто така е осуден на затворска казна откако признал вина. Адамс е уапсен во април годинава.