инфомакс – Kurir.mk

Голем инцидент на Мечкин Камен: Новинар нападнат од партиското обезбедување на СДСМ – за малку избегната тепачка (ВИДЕО)

Ивана Ефремовски — Tue, 02 Aug 2022 11:53:27 +0000

Она што не можевте да го видите на камерите на Македонската радио телевизија е народот кој му се спротивстави на премиерот, Димитар Ковачевски. Во еден момент поголема група на граѓани започнаа со скандирање на „Никогаш Северна, само Македонија“ што ескалираше со обид за судир помеѓу поддржувачите и противниците на Ковачевски, објави порталот Инфомакс. Проблемите настанаа кога партиското обезбедување на СДСМ, наместо полицијата се обиде да го раздели народот. За време на случувањата беше нападнат репортерот на Инфомакс, Борислав Стоилковиќ од страна на партиското обезбедување на СДСМ кое потоа вербално ја нападна и полицијата на Мечкин Камен. -Кога пристигна Таче поголема група на граѓани почна да скандираат Никогаш Северна, Само Македонија и го исвиркуваа Ковачевски, во тој момент група на СДСМ со партиското обезбедување започна да ги бутка луѓето по што ме нападнаа и мене бидејќи сум бил „партиски снимател“. Им велам јас сум обележан од глава до пети, тргни рацете од мене, јас сум на работа. Викнав полиција која дојде да ме спасува по што вербално ја нападнаа и полицијата, вели репортерот на Инфомакс, Борислав Стоилковиќ.

Повторно нaпaдната екипата на „Инфомакс“: Иcкpшена опремата на новинарите (ВИДЕО)

Тале Кристо — Sat, 30 Oct 2021 21:39:46 +0000

Вчерва повторно нападната е екипата на „Инфомакс“ во Кочани, на истата локација каде што и претходно беа нападнати. Како што пренесуваат, само што се појавијавиле, најмалку 40-тина лица се собраа околу нив и почнаа да викаат и да им се закануваат. Присутните цело време довикувале со навреди и пцовки, а во еден момент, еден од нив им ја турнал и им ја оштетил опремата на новинарот Александар Митовски, кој го снимаше целиот инцидент.

ВИДЕО: Xaоc во Кочани, нaпaднaта екипата на Инфомакс, откако снимаше собирање лични карти во штаб

Дарко Андоновски — Sat, 30 Oct 2021 16:28:16 +0000

Екипата на Инфомакс, пред малку беше нападната во Кочани, откако снимаа штаб во кој се собираа лични карти. Локалните жители вербално ги нападнаа новинарите, по што им го блокираа патот со автомобил. Видеото погледнетего ТУКА.

Екипата на Инфомакс следена во Прилеп од Колашинац и Комицијоски – двајцата членови на инфамозната XXX вибер група

Ивана Ефремовски — Fri, 29 Oct 2021 13:25:29 +0000

Ванеса Колашинац заменик командир на ОВР Прилеп и Трајан Комицијоски командир на сообраќајна полиција Прилеп од попладнево се во Прилеп на задача да ја следат екипата на Инфомакс. Колашинац и Комицијоски станаа неславни по групата ХХХ во која членуваа началници, инспектори и високи раководни лица од МВР, Прилеп која нарачуваше хајки и малтретирања на членови на опозицијата и новинарската екипа на Инфомакс која беше најпрво приведена во Прилеп па физички нападната од членови на СДСМ, пишува Инфомакс. -Ванеса Колашинац од ПС Прилеп и Трајан Комициоски (командир на сообраќајна од Прилеп), седнати на соседната маса, во мисија да ги следат новинарските екипи на Иннфомакс во Битола. И Колашинаци и Комициоски се дел од скандалозната Вибер група „ХХХ“ во која за време на првиот круг се договараше поткуп во Прилеп, спречување на активностите на опозицијата и изживување врз новинарите на Инфомакс. Чисто вака, да ги поздравиме, пишува на Фејсбук уредникот на Инфомакс, Александар Митовски.

Eкипaтa нa Инфомакс пoвтopнo нaпaднaтa пред штаб на СДСМ: „Oвa e мизepиja…Днo нa днoтo“

Ивана Ефремовски — Sat, 16 Oct 2021 21:07:12 +0000

Екипата на Инфомакс во текот на вечерва беше повторно нападната на овој предизборен молк. Уредникот Митовски преку видео детално објаснува за ситуацијата во која се најде екипата на Инфомакс. „Ако на некој досега не му беше јасно со каков хибриден режим се соочуваме во Македонија, верувам ќе ви стане јасно вечерва. Откако во текот на вчерашниот ден екипата на Инфомакс во Прилеп беше задржана, приведена и претресувана во полициската станица во Прилеп по пријава на наводно инспекторката за наркотици, инаку блиска пријателка на уапсениот началник на ПС Прилеп Чипси, кој што беше фатен со 200 килограми дрога од страна на американската агенција за борба со дрога (ДЕА), вечерва повторно екипата на Инфомакс во Прилеп во главниот штаб во градот е нападната и нивната камера е искршена“, истакна Митовски. Целата вест прочитајте ја на ИНФОМАКС

Митовски: Апасиев со 1200 амандмани му купува врема на Заев да се испазари

Ивана Ефремовски — Mon, 15 Feb 2021 10:07:11 +0000

Александар Митовски, уредник на Инфомакс, ги коментираше актуелните случувања поврзани со Законот за лични карти кој предизвика бурни реакции кај јавноста, откако коалициониот партнер на Заев, БЕСА, побара да биде внесена и етничката припадност на граѓаните. Митовски појасни дека според актуелните законски регулативи, во личните карти би стоело граѓанин на Република Северна Македонија, а државјанствата кои што ќе се издаваат ќе бидат за Македонците коси црти, а за другите етнички заедници ќе бидат Албанец, Србин, Ром, Бошњак, кој како сака освен за Македонците за кои ќе биде коса црта. „Ако се донесе овој закон, во таа ситуација ќе бидеме Македонци, за жал, поради договорот од Преспа, од Северна Македонија“, појасни Митовски. Митовски посочи дека прв чекор кон враќање на идентитетот е на Македонецот е токму овој закон. Блокирањето на овој закон е само продолжување на политичка кариера на Зоран Заев, со оглед на тоа дека условот на БЕСА за влез во коалиција со СДСМ беше токму овој закон. „Сега се наоѓа Заев во ситуација тонч, ем мора ваму да исполни ветување, Грците му викаат ако не го исполниш ветувањето нема да идеш у Европска Унија, не само Бугарија, туку и Грција повторно ќе не блокира, и улетува Апасиев со 1200 амандмани, време да се испазари или да се блокира тој закон“, објасни Митовски.

Анкета на Инфомакс од Штип: Ajдyци – caмо ги пoлнaт куфepите…

Тале Кристо — Fri, 16 Oct 2020 15:31:54 +0000

Екипата на Инфомакс утринава беше во градот под Исарот, Штип каде снимивме анкета со граѓаните и ги запрашавме колку се задоволни од локалната и централната власт во Македонија, како се снаоѓаат во време на пандемија и дали и колку добиваат помош од државата. Она што не затекна беше празниот плоштад во центарот на градот по кој на далеку е познат Штип. Голем дел од продавнците и локалите се затворени, дуќаните се издаваат, меѓутоа зад камерите сопствениците ни посочуваат дека имаат невозможна мисија бидејќи никој не сака да ризикува во време на криза. Сопствениците на локалите кои ги затекнавме празни велат, работиме колку да не седиме дома, профит и заработка немаме веќе цела година. Во Штип отсуствува и џагорот на студентите. Лошата атмосфера ја надополнуваше и песимизмот на граѓаните кои пред камерите на Инфомакс не можеа да го сокријат своето незадоволство од состојбата во државата. Мнозинството граѓани се незадоволни од работата на локалната самоуправа и екс градоначалникот актуелен министер за транспорт и врски, Благој Бочварски. Граѓаните не заборавија да го потсетат и на неостварените ветувања. Незадоволство има и од она што го работи централната власт, која според граѓаните лошо се справува со пандемијата. Тие велат дека работа нема, платите се намалени, многумина се останати без работа, бараат повисоки пензии и поголема помош од државата. Погледнете ја во целата анкетата која денес ја снимивме во Штип. Извор: Инфомакс

Нaпaдната екипата на Инфомакс од членови на СДСМ: На новинарите не им било дозволено да ја проследат прес-конференцијата на Заев

Катерина Бојаџиева — Thu, 05 Mar 2020 12:18:34 +0000

Пред малку на новинари од редакцијата на Инфомакс им беше оневозможено да присуствуваат на прес-конференцијата на претседателот на СДСМ, Зоран Заев. Новинарите беа пречекани со пцости и вербални нaпади. Возилото им беше блoкирано и им беше оневозможено да се приближат до седиштето на партијата за да ја проследат најавената прес конфренција, пренесува порталот Инфомакс. Вака Зоран Заев и неговите сопартијци се пресметуваат со неистомислениците и критичарите на нивните кpиминални политики. За потсетување, вчера, главниот уредник на Инфомакс, Александар Митовски, доби зaтворска кaзна од шест месеци поради обелоденување на кpиминалното работење и вмешаноста на врвот на владеачката партија во најголемата кopупциска афера во Македонија „Рекет“.

Нема друга земја, освен Македонија, каде новинар е осуден на затвор, а главата на „Рекет“ е нечепната

Ивана Ефремовски — Thu, 05 Mar 2020 09:44:31 +0000

Главниот и одговорен уредник на порталот „Инфомакс“, Александар Митовски, експресно и на прво рочиште, беше обвинет и осуден на 6 месеци затвор за оддавање службена тајна при објавувањето на исказите на сведокот Орце Камчев. -Тука не важат повеќе закони, не важи Устав, не важат меѓународни договори, не важат повелби за човекови права и слободи, не важи ништо освен политичкиот интерес на Зоран Заев кој што се најде засегнат од текстот кој што е спорен според овој суд и ова обвинителство дека бил споменат како човек кој што ги информирал Бојан Јовановски и Зоран Милевски Кичеец дека против нив е покрената постапка со цел да не биде тој човекот кој што ќе биде фатен како организира рекетарска шема во државава. Јас само од тука можам да порачам дека апсолутно сум горд на ова што го работам, можам да кажам само дека нема да престанам ова да го работам иако како што најави судијката Љубинка Башевска за која што добивме информации дека добивала и нарачки за пресудава, а и некои друг мои колеги ги објавија овие информации, таа ја исполни нарачката, а ја и порачувам побрзо да ја унапредат како награда за ова што таа денес мене успеа да ме осуди на 6 месеци условно.Ова е срамота, срамен ден за Македонија, за слободата на говоро, за слободата на медиумите и човековите права, изјави вчера Митовски. Додека новинар се осудува на казна затвор, најголемите криминални скандали остануваат неразрешени. „Рекет“ обелодени вмешаност на луѓе од врвот на власта и партијата на Зоран Заев, но како единствени обвинети остануваат Боки 13 и Катица Јанева, а осуден по признание е Зоран Милевски-Кичеец. За јавноста е кристално јасно дека овие лица, без поддршка од високи функционери, немало да можат така дрско да рекетираат. За време на судските рочишта, беа наведени имињата на екс-премиерот, на низа функционери од СДСМ, како и на лица блиски до Заев. Но, за нив нема истрага, а уште помалку казна за стореното. Така, на властите им беше полесно да глумат добро судство осудувајќи новинар.

Чадиковски: Јавниот интерес е пред се, обвинителството наместо да го пронајде кртот, го осуди оној кој ги објавил информациите

На пресудата реагираше и претседателот на Здружението на новинари на Македонија, Младен Чадиковски . Тој истакна дека овој процес и ваквата пресуда не води кон подобрување на климата во општеството и деека јавниот интерес е пред се. -И кога беше поднесена пријавата и сега сметам дека гонењето врз основа на искажан збор не води кон подобра клима во општеството. Свесен за улогата и одговорноста на новинарите при вакви сензибилни теми, па дури и кога постојат индиции за прекршување на законите, сметам дека мора да се води сметка за поширокиот јавен интерес. Од друга страна останува нејасно зошто обвинителството не го пронајде кртот кој ги украл исказите од таму, па единствен виновник се бара во тој што ги објавил, вели Чадиковски.

МАН: Судот потврди дека во Македонија владее хибриден режим, заканата кон сите новинари е јасна и директна

Реакција на МАН за одлуката на Судот против новинарот и уредник Александар Митовски, вчера испрати и Македонската асоцијација на новинари. „Македонија се соочи со исклучително силен удар врз новинарската професија, јавниот интерес и основното граѓанско право да се знае вистината за работата на јавните институции, за корупцијата на политичарите и севкупниот судско-обвинителски систем. Со пресудата за затворска казна од 6 месеци за новинарот Александар Митевски, уредник на порталот Инфомакс, судско-обвинителскиот систем ја потврди оценката дека во земјата владее хибриден режим. Митовски е осуден на затворска казна од шест месеци затоа што објавил документ од јавното обвинителството кој е денес во јавна постапка пред судот во случајот “Рекет“. Документот не е со статус ниту на државна ниту службена тајна. Зошто е толку важен тој документ, тој исказ на сведок за “Рекет“ кој се крие од јавноста, за да се објави а денес обвинителството преку одлука на судот да казни новинар со шест месеци затвор, единствена таква казна во Европа. Затоа што јавното обвинителство со недели тврдеше дека во сведочењата за “Рекет“ не се спомнуваат политичари, исказот на сведокот кој го објави уредникот Александар Митевски го покажа – сосема спротивното. Дека во објавениот документ, сведочењето, се спомнуваат политичари почнувајќи од поранешниот премиер Зоран Заев до повеќе негови блиски соработници од власта. Тој објавен документ покажа и докажа дека Јавното обвинителство свесно крие учество во “Рекет“ на премиер и негови блиски соработници. Затоа не смееше да биде објавен, а откако се објави новинарот е осуден на шест месеци затвор како поука до другите новинари дека не смеаат никогаш да напишат ништо што е штетно за оваа власт, за овие обвинители и судии. Заканата е сосема јасна и директна. Од оваа закана на власта и обвинителството и судството кои, очигледно се во служба на една партија, на СДСМ, не е само закана за новинарството, туку и за целата јавност која не смее да ги знае фактите и вистината, јавност која после ова мора да живее во лага и пропаганда на власта затоа што доколку некој има што да каже и објави, ќе биде осуден на затворска казна. Јавноста треба да знае: новинарите имаат што да кажат, имаат и информации, и сведоци и документи но – не смеат тоа да го објават. Оваа стварност која ја креира пропагандата на власта не е вистина, вистината е скриена кај обвинителите и судиите. За оваа режимска и скандалозна одлука на Судот, МАН ги извести Меѓународната и Европската федерација на новинари. За сите следни чекори кои ќе ги преземеме, јавноста ќе биде навремено известена“.

Чадиковски: Јавниот интерес е пред се, обвинителството наместо да го пронајде кртот, го осуди оној кој ги објавил информациите

Дарко Андоновски — Wed, 04 Mar 2020 17:59:58 +0000

Соогласно Уставот на Република Македонија, односно член 16 „се гарантира правото на заштита на изворот на информација во средствата за јавно информирање, а цензурата е забранета“. Токму во духот на овој член од Уставот на Македонија и кодексите на сите еснафски здруженија Инфомакс ја информира македонската јавност. Сепак денеска спроитвно на Уставот и на законите на државата, судот пресуди 6 месеци затвор за главниот и одговорен уредник на Инфомакс, Александар Митовски по што следуваше низа на жестоки реакции во јавноста. На денешната пресуда реагираше и претседателот на Здружението на новинари на Македонија, Младен Чадиковски . Тој истакна дека овој процес и ваквата пресуда не води кон подобрување на климата во општеството и деека јавниот интерес е пред се. -И кога беше поднесена пријавата и сега сметам дека гонењето врз основа на искажан збор не води кон подобра клима во општеството. Свесен за улогата и одговорноста на новинарите при вакви сензибилни теми, па дури и кога постојат индиции за прекршување на законите, сметам дека мора да се води сметка за поширокиот јавен интерес. Од друга страна останува нејасно зошто обвинителството не го пронајде кртот кој ги украл исказите од таму, па единствен виновник се бара во тој што ги објавил, вели Чадиковски.