иницијативен одбор – Kurir.mk

Во Охрид отворена првата канцеларија на иницијативниот одбор за формирање листа на независни кандидати „ОХРИД ПРЕД СЕ“ (ФОТО)

Магдалена Андонова — Wed, 19 May 2021 19:37:08 +0000

Во Охрид вечерва беше отворена првата канцеларија на иницијативниот одбор за формирање листа на независни кандидати „ОХРИД ПРЕД СЕ“. Како што истакна Димитар Велјаноски, еден од иницијаторите, основната цел на оваа граѓанска иницијатива останува активното и масовно учество на граѓаните, со предлози за изработка на изборната програма и предлози за персонализација на изборната листа. Граѓанската иницијатива, преку простории во неколку урбани заедници на територија на град Охрид, ќе им овозможи на граѓаните непосредно запознавање со оперативната методологија и концепт со кој „ОХРИД ПРЕД СЕ“ ќе го разбие сивилото на локалната политичка сцена и ќе го врати Советот на општината во рацете на граѓаните. – Доволно гледавме како судбината на Охрид се управува од политичките центри на моќ во Скопје. Време е охриѓани во сопствени раце да ја земат иднината на својот град, изјави Велјаноски. Просториите на граѓанската иницијатива „ОХРИД ПРЕД СЕ“ ќе бидат отворени за посети од граѓаните секој работен ден од 08.00ч. до 20.00ч. и согласно активните протоколи и ограничувања во време на пандемија.

ВМРО-ДПМНЕ за пропаднатиот вонреден конгрес на иницијативата: Уште една инвестиција на Заев пропадна, ВМРО-ДПМНЕ е реформирана партија

Катерина Бојаџиева — Thu, 18 Mar 2021 17:26:59 +0000

Во врска со откажување на таканаречениот вонреден конгрес на иницијативата Мериот, ВМРО-ДПМНЕ го истакнува следното: Уште една инвестиција на Заев пропадна. Уште еден пораз за тоа да се инсталира контролирана опозиција. Ова е и најголем доказ дека ВМРО-ДПМНЕ пактови со криминал не прави но и дека луѓе кои уценети одработуваат за Заев не може да бидат иднина. ВМРО-ДПМНЕ е реформирана и прочистена партија од компромитирани кадри кои решија да му служат на Заев. Ништо од приказните и лагите дека имале мнозинство делегати па дека нив им била намерата да направат промени во опозицијата со тезата Заев е добар, а ВМРО-ДПМНЕ не чини. ВМРО-ДПМНЕ е отворено за сите чесни и добронамерни луѓе и единствена цел останува пораз на Заев и одговорност за неправдите и криминалите. Македонската пролет доаѓа, велат од ВМРО-ДПМНЕ.

Иницијативата се посрамоти: Откажан вонредниот конгрес!

Ивана Ефремовски — Thu, 18 Mar 2021 17:13:41 +0000

Откако претходно најавија дека настанот ќе се одржи на 28-ми март, денеска испратија соопштение дека се повлекуваат. -Заради влошената епидемиолошка состоба и доцнењето со техничките подготовки, Иницијативниот одбор донесе одлука за одложување на закажаниот Вонреден конгрес, стои во нивното соопштение. Иницијативниот одбор додава дека навремено ќе ги информира делегатите и јавноста откако ќе се утврди новиот термин. Она што е симптоматично е тоа дека датумот за конгресот беше најавен на 10-ти февруари, кога епидемиолошката слика беше иста како и денеска, па оттука останува нејасно како наеднаш се променија работите веднаш откако Мијалков заврши во притвор? - коментира Лидер. Предводниците на иницијативата Ивица Коневски, Филип Петровски и Борче Стамов веќе две недели се отсутни од јавноста.

Формиран Иницијативен одбор за свикување вонредно Собрание на ПФМ

Ивона Петрова — Wed, 07 Feb 2018 09:37:43 +0000

Со поддршка на 15 од вкупно 25 клубови формиран е Иницијативен одбор за свикување и одржување на вонредно легално Собрание на Пливачката федерација на Македонија. - Иницијативниот одбор (ИО) е формиран по писмото и препораките на Агенцијата за млади и спорт во насока на свикување легално и легитимно вонредно собрание на ПФМ усогласено со позитивните законски прописи. Ги повикуваме сите пливачки клубови со решение за дејност спорт, пливачки работници, истакнати пливачи и добронамерни ентузијасти за пливачкиот спорт, да учествуваат на вонредното собрание, апелираат од одборот. Иницијативата за одржување на легално собрание доаѓа по обвинувањата дека претседателот на Пливачката федерација на Македонија, Коцевски Александар, на 19 октомври 2017 година, свика и одржа нелегитимно собрание на ПФМ, нарушувајќи го Статутот на ПФМ, Законот за здруженија и фондации и Законот за спорт, заради што истото не е регистрирано во Централниот регистар на Македонија. Од ИО бараат ново раководство на ПФМ и поради, како што велат, низа неправилности, како што се неподнесување на редовен финансиски извештај и завршна сметка; блокирана сметка на ПФМ заради долг од 18.000.000 денари; нереализација на годишна програма на ПФМ; немање на организиран систем на натпревари - државни првенства; неусогласување на нормативни акти на ПФМ со позитивните законски прописи; целосно уништување на ватерполо спортот од лични интереси. Според ИО сето тоа придонеле до рушење на угледот на Македонија во меѓународните институции.