иницјатива – Kurir.mk

Владата ќе ја разгледува Предлог-иницијативата за уставни измени на некоја од наредните седници

Тале Кристо — Mon, 05 Jun 2023 13:03:35 +0000

Владата ја доби Предлог-иницијативата за устави измени од Министерството за правда и таа ќе биде разгледана на некоја од наредните седници, информираат за МИА од владината прес-служба. Јавноста, како што нагласуваат од таму, ќе биде информирана за одлуката. Министерството за правда минатата недела работеше на номотехничко прочистување на предлогот, а тој беше преведен и на албански јазик. Работната група на седница одржана пред десетина дена ја усвои Предлог-иницијативата за потребата од измени на Уставот со насоки за изменување и дополнување. Промените се во делот на Преамбулата со тоа што се додаваат неколку народи. Во Преамбулата после „... бошњачкиот народ“ се додаваат зборовите „бугарски народ, хрватски народ, црногорски народ, словенечки народ, еврејски народ, египќански народ“, изјави по состанокот претседателката на работната група, Маргарита Цаца Николовска. Втората измена, како што дополни таа, е во делот за дијаспората и во Амандманот 34, кој е заменет со член 49 и Амандманот 2. Во овој Амандман на Уставот на Република Северна Македонија со кој се заменува членот 49 и Амандманот 2, после „... бошњачкиот народ“ исто така се додаваат зборовите „бугарски народ, хрватски, црногорски народ, словенечки народ, еврејски народ, египќански народ“. Засега е неизвесно дали во Собранието ќе бидат прифатени уставите измени имајќи предвид дека опозициската ВМРО-ДПМНЕ најавува дека нема да ги поддржи. За носење на уставните измени е потребно двотретинско мнозинство или најмалку 80 пратеници. За в среда е најавена средба на премиерот Димитар Ковачевски и лидерот на ВМРО-ДПМНЕ Христијан Мицкоски. Како што соопштија од Владата, на средбата ќе се разговара пред сѐ за одлуките кои треба да се донесат во Собранието со цел продолжување на европската интеграција на земјата, како и за пристапот на државата, институциите и сите политички чинители во насока на градење и одржување на добрососедски односи со сите наши соседи. Претседателот на Собранието Талат Џафери минатата недела изјави дека постапката за уставните измени може да почне и паралелно да траат политичките разговори, имајќи предвид дека од доставувањето на Предлог-иницијативата до седницата мора да поминат 30 дена за да можат пратениците да ја разгледаат. Очекувањата се дека уставните измени би биле испратени во Собранието кон средината на овој месец.

ВМРО-ДПМНЕ: Taлат ја одби иницијативата за референдум зошто најмалку еден милион гласачи ќе го отфрлеа договорот со Бугарија

Тале Кристо — Thu, 15 Sep 2022 06:36:28 +0000

Taлат ја одби иницијативата за референдум зошто најмалку еден милион гласачи ќе го отфрлеа договорот со Бугарија, велат во паартиското соопштение од ВМРО-ДПМНЕ. Власта предводена од антимакедонската СДС со одлуката да се отфрли иницијативата за Референдум покажа дека се плаши од соочување со народот и нема апсолутно никаков демократски капацитет. Тие го измолија Талат Џафери да изигрува Уставен судија и да прекршува закони само и само да му ја спаси привремено кариерата на Ковачевски. Нивната одлука е резултат на паника и страв. Тие само покажаа дека имаат уплав од народот. Свесни се дека огромно мнозинство на граѓани се спремни да излезат на референдумот и да гласаат за отфрлање на договорот со Бугарија. Народот гледа дека овој договор кој го потпиша антимакедонската СДС е извор на асимилаторската и негаторска политика кон Македонија. Овој Договор е штетен и задира во македонскиот идентитет, култура и историја. СДС сега бранејќи ја одлуката на Талат уште повеќе се препелкаат во лаги и манипулации. Но сите манипулации паѓаат во вода пред фактите. Прво, Иницијативата за референдум е согласно Уставот и согласно членот 24 од Законот за референдум и се однесува на прашање од надлежност на Собранието, односно за поништување на Законот за ратификација на договорот со Бугарија. Второ, референдумот не се однесува на промена на меѓународен договор, туку негово дефакто поништување преку поништување на Законот за ратификација. Впрочем самиот Договор со Бугарија во член 13 предвидува дека тој може да биде раскинат. Ако мислат во СДС дека Талат Џафери му фрлил гума за спасување на давеникот Ковачевски, многу се лажат. Ковачевски веќе покажа дека не ги слуша граѓаните и затоа ќе тоне се подлабоко и подлабоко. Секој човек може да види колку антимакедонската СДС се плаши и бега од соочување. Оваа ненародна власт изгуби секаков легитимитет. Може да се кријат, ама нема да избегаат од народната казна, се вели во соопштението на паријата.

Мицкоски: Ќе поднесеме иницијатива до Уставниот суд за да не може ЕВН да исклучува броила на социјално загрозени семејства

Тале Кристо — Sun, 01 Nov 2020 20:50:39 +0000

Претседателот на ВМРО-ДПМНЕ, Христијан Мицкоски одговарајќи на прашањето кога ВМРО-ДПМНЕ ќе ја поднесе иницијативата до Уставен суд ЕВН да не може да ги исклучува броилата поставено на Фејсбук сесијата во живо рече дека истата ќе биде поднесена во среда. -Јавноста ќе биде информирана и за деталите од оваа Иницијатива, кажа Мицкоски. Мицкоски укажа дека очекува непристрасно разгледување на истата од страна на Уставниот суд. -Со Иницијативата се забранува да бидат исклучени броилата доколку не бидат сервисирани обврските од страна на граѓаните, посочи Мицкоски и укажа дека граѓаните во оваа ситуцаија посебно не можат да го сторат тоа навремено.

ВМРО-ДПМНЕ размислува да поднесе иницијатива до Уставниот суд за одлуката на Пендаровски со која мандатот му го додели на Заев

Тале Кристо — Sat, 15 Aug 2020 09:45:15 +0000

ВМРО ДПМНЕ размислува да поднесе иницијатива до Уставниот суд за преиспитување на одлуката со која Претседателот Стево Пендаровски го додели мандатот на Зоран Заев. Од ВМРО ДПМНЕ брифираат дека постои сериозна повреда на Уставот бидејќи мандатот е доделен без доказ за поседување на парламентарно мнозинство. Мандатот е узурпиран во овој момент од пратеникот Зоран Заев кој нема мнозинство, а чекорот со кој Пендаровски направи повреда на Уставот е за купување на време, за давање на простор за непринципиелно купување на пратеници. Кога уставот е повреден Уставниот суд е должен да го заштити и од тој аспект веќе сериозно се разгледува опцијата за преставка до Уставниот суд за таквата одлука на Пендаровски. Веќе правниците од партијата започнале со пишување на преставката.

Иницијатива за дисциплинска одговорност против двајца полицајци

Тале Кристо — Sat, 01 Feb 2020 12:32:18 +0000

Против двајцата полициски службеници од Одделот за внатрешна контрола, криминалистички истраги и профисионални стандарди се поднесени иницијативи за постапка за утврдување дисциплинска одговорност. Едниот од нив е полицаец кој на 30 ноември 2019 додека не бил на должност, во хотел во Скопје попречувал полицајци од единицата „Алфа“ да легитимираат лица што биле во негово друштво и не дозволувал да им бидат прегледани возилата. Со тоа, како што соопшти МВР, тој постапил спротивно на член 2 став 3 и став 6 од Правилникот за начинот на однесување и меѓусебните односи на полициските службеници. Биле упатени закани кон полицајците од „Алфа“ за што на 2 декември 2019 во СВР Скопје биле поднесени материјали за пријава за „Загрозување на сигурноста“. Но по извршените проверки и увидот во службените материјали, констатирано е дека раководителот на смена во „Алфа“ при СВР Скопје, кој бил присутен при контролата на 30 номеври 2019, не го документирал и не го пријавил на надлежните служби кривичното дело и прекршоците што се случиле во хотелот. -Целосното документирање и пријавување на настаните од 30 ноември 2019 го организирал на 2 декември 2019, и тоа по барање на заменикот началник на ЕПОИ Алфа, со што постапил спротивно на член 11 став 2 од Правилникот за начинот на вршење на полициските работи и спротивно на член 14 од Закон за полиција, наведува МВР.