инјекција – Kurir.mk

Мадона ја оживувале со инјекција која се користи за предозирање!

Дарко Андоновски — Fri, 07 Jul 2023 13:19:39 +0000

Поп-иконата Мадона (64) наводно оживеала со Наркан пред минатиот месец да биде примена на интезивна нега, пишува „RadarOnline“. Според новиот извештај на порталот, кога била најдена пејачката во бесознание во својот дом на 24 јуни, тие кои го пронашле „безживотното тело“ наводно и дале инекција Наркана. Овој лек најчесто се користи за брзо уништување на наркотиците во итна ситуација. Меѓутоа, тие наведуваат дка Наркан е користен во борбата против септичкиот шок, а не за употреба на дрога. Според порталот, нема докази кои укажуваат на тоа дека поп-ѕвездата се предозирала.

Се развива инјекција против мамурлак

Ивона Петрова — Fri, 10 Mar 2023 20:36:00 +0000

Американските научници истражуваат дали „инјекцијата за трезвеност“ би можела да им помогне на алкохоличарите да се опорават од негативните последици од мамурлакот. Истражувачите од Универзитетот „Саутвестерн“ во Тексас на лабораториските глувчиња им инјектирале „прекумерна“ доза на етанол, што е еквивалент на прекумерното консумирање алкохол кај луѓето. Потоа, како дел од истражувањето, на „алкохолизираните“ глувчиња им бил вбризган хормонот FGF21 кој се наоѓа во црниот дроб. Хемикалијата испратила сигнал до мозокот да се заштити од штетното дејство на алкохолот. Тие откриле дека на глувците со пониски природни нивоа на хормонот им требало подолго време да се опорават од другите. Се покажало дека високите дози на FGF21 „значително го забрзуваат“ процесот на отрезнување преку стимулирање на мозочните клетки поврзани со возбудувањето - дури и кога нивото на етанол во нивното тело е променето. Водачот на студијата д-р Стивен Клив од Универзитетот во Тексас изразил надеж дека FGF21 ќе биде корисен во лекувањето на пациентите кои пристигнуваат во болница од акутно труење со алкохол. -Зголемената внимателност на пациентот би ни користела во вакви ситуации, пред се затоа што би ја избегнале потребата од интубација, а треба да запомниме дека пациентите во несвест може да се задушат во сопствената плунка, рече тој. Резултатите од студијата се објавени во стручното списание „Cell Metabolism“.

Инјекција за слабеење пуштена во продажба

Ивона Петрова — Mon, 07 Mar 2022 08:25:42 +0000

Аптеките во Велика Британија од денoвиве почнаа со продажба на „инјекција за слабеење“, за која не е потребен рецепт, а функционира така што го потиснува апетитот и „ветува губење на пет отсто“ од телесната тежина за три месеци. Инјекцијата е одобрена од Британската здравствена служба (НХС), и е наречена „Лираглутајд“ (Liraglutide) (а позната и како „Саксенда“). Заинтересираните ќе треба да се пријават и за брза интернет-консултација. Инјекцијата го имитира хормонот ГЛП-1 за ситост. -„Лираглутајд“ е лек за слабеење кој делува да се чувствувате сити или помалку гладни. Се зема како инјекција еднаш дневно. Вашиот лекар или медицинска сестра ќе Ви покажат како да го земате лекот, се наведува на интернет-страницата на НХС. Здравствени стручњаци нагласуваат дека инјекцијата сепак не е чудесен лек за слабеење и треба да се комбинира со диета за да се постигне какво било губење на тежината. НХС посочува дека „Лираглутајд“ е погоден за возрасни помлади од 75 години и треба да го избегнуваат бремени жени и доилки, како и оние со проблеми со црниот дроб и бубрезите.

Катица соблечена ја чекала брзата помош, кога дошле и дале инјекција- еве ги пикантните детали

Дарко Андоновски — Wed, 03 Jun 2020 16:38:18 +0000

Поранешната специјална обвинителка Катица Јанева денеска во Државниот завод за ревизија почнала да се соблекува и останала во долна облека додека ревизорите и ги презентирале наодите од ревизијата за финансиското работење на СЈО. На полицајците Јанева прво им кажала дека и е доста од сè и почнала да се соблекува. Потоа била повикана итна помош и и е дадена инекција за смирување, а таа е префрлена во станот каде ја издржува мерката домашен притвор, објавува Телма. -Во 10:30 часот К.Ј (1965) по наредба од Основен кривичен суд Скопје била спроведена во Држвен завод за ревизија во Палатата „Емануел Чучков”, каде го нарушила јавниот ред и мир со дрско и непрстојно однесување на јавно место. Сочинет е записник за констатираниот прекршок, соопштија од МВР. Од ДЗР велат дека Јанева била повикана во својство на одговорно лице на СЈО. -Јанева беше повика во врска со извршената ревизија на усогласеност, согласно Годишната програма за работа на ДЗР за 2020 година, а за потребите на одржување на завршен состанок- велат за „Слободен печат“ од ДЗР.

Дошла на рутинска операција, излезе во мртовечки сандак: На 28 годишна девојка и згрешиле инјекција, починала во големи маки (ФОТО+ВИДЕО)

Матеја Петровски — Mon, 09 Apr 2018 12:11:30 +0000

Екатерина Федјаева (28) од Уљановск, на западот на Русија почина во страшни маки зошто во текот на рутинска операција, наместо физиолошки раствор, по грешка и вбризгале формалдехид, кој се користи за балсамирање. Екатерина отишла на обична лапораскопска операција на циста на јајникот. Неодамна се омажила и таа со сопругот сакале бебе, а цистата и правела проблеми. Постапката била рутинска и таа е оперирана на 15. март. Меѓутоа, медицинската сестра по грешка во стомачната празнина наместо физиолошки раствор и вбризгала формалдехид. На Екатерина и се покачила температурата и и почнале страшни болки во стомакот. Лекарите и дале сметка, а на сопругот Игор, мајката Галина и свекрвата Валентина и рекле да си одат дома. -Катја лежела во заедничка соба, каде имало уште осум кревети, жените се одмарале, па Игор рано заминал. И Галина во 7 часот ја замолиле да оди и и рекле да се врати утрото. Ми телфонираше дека Катјуша спие и дека притисокот и е многу низок, и дека и рекла „мамо, умирам“, раскажува потресената свекрва Валентина. Галина отишла утрото кај ќерката, но Екатерина била во многу тешка состојба. Прво ја префрлиле во регионалната болница, а на 17 март во болница во Москва. Таму веднаш почнале да ја реанимираат, но веднаш рекле дека премногу време поминало. -Девојката пристигна во многу тешка состојба, повеќе органи и откажаа, во таква состојба не можеше да живее, соопшти Федералната агенција за медицина и биолигија. На Екатерина и откажаа белите дробови и бубрезите. Ја разбудиле од кома само за да се прости со семејството. -Ова е чисто убиство. Таа течност едноставно го уништи нејзиното тело од внатре, вели огорчената мајка Галина. -Целото тело и се тресеше. Ја отруја и ништо не направија да и помогнат. Луѓето кои ја направија операцијата знаеја дека и е вбризгана погрешна течност. Мораа да преземат итни мерки, но не реагираа на време. Ги проколнував да направат нешто, а тие само само сакаа што побрзо да си одам и се да скријат под тепих, вели таа. Во Уљановск почна истрага за овој случај, а го надгледува лично гувернерот на Уљановскиот регион Сергеј Морозов. Тој рече дека ќе се состане со семејството на Екатерина и дека државата ќе ги подмири сите трошоци за погребот.

Лек кој го уништува ракот ќе почне да се тестира на луѓе

Ивана Ефремовски — Fri, 02 Feb 2018 09:11:43 +0000

Научен тим од Универзитетот Стенфорд, развил лек за рак, за кој тврди дека само со една инјекција во туморот стимулира имунолошка реакција на организмот која ги напаѓа и сите други тумори кои можеби метастазирале во телото. Ова значи дека лекот може да биде надеж, па дури и повеќе од тоа, за пациентите со поодмината фаза на рак, чии шанси за лекување во денешни услови се сметаат за минимални. Според „The Week“, се подготвува тестирање на лекот на луѓе бидејќи тестирањето на глувци, според истражувачите, минало „неверојатно добро“. Деведесет проценти од третираните животни биле излечени само по една инјекција, а останатите по уште една. Лекот дејствувал дури и кај глувци кај кои ракот се проширил по целото тело. Бидејќи една доза на лекот се чини дека е доволна, истражувачите тврдат дека ќе биде ефикасен и што е уште поважно, дека веројатно нема да има несакани ефекти по организмот какви што предизвикуваат другите медоти за лекување на рак. Истражувањето во врска со овој неверојатен лек беше објавено во научното списание, Science Translational Medicine. Иако оваа терапија се нарекува вакцина против рак, разликата во однос на вакцината против грип и другите инфекции е дека оваа вакцина се дава на луѓе кои се веќе заболени, а не како превентивна мерка.