инсекти – Kurir.mk

Јадењата со инсекти се враќаат на менијата во Јапонија

Катерина Бојаџиева — Fri, 28 Jul 2023 07:15:45 +0000

Сашими од свилена буба или кари од штурец се враќаат на менито во Јапонија бидејќи инсектите полека стануваат поодржлив извор на храна - и додека на некои им се едноставно одвратни, други ги сметаат за обично јадење, па дури и деликатес. Ентомофагијата, т.е. јадењето инсекти, почна сериозно да се сфаќа на светско ниво, откако Обединетите Нации ги прогласија инсектите за остварлив извор на протеини за исхрана на населението во цел свет коешто, се проценува, ќе порасне на 9,7 милијарди до 2050 година. Влијанието на сточарството врз климатските промени, заедно со глобалните проблеми со безбедноста на храната поради екстремните временски услови и политичките судири, исто така го зголемија интересот за висококвалитетна, исплатлива исхрана обезбедена од инсекти. Додека некои потрошувачи мислат дека јадењето инсекти е „забавно“, Јапонија има богата кулинарска историја на инсекти како храна. Скакулци, оси, мравки, лебарки и разни бубачки традиционално се јаделе во подрачјата без излез на море каде што има малку месо и риба - практика што се интензивирала поради недостигот на храна и за време и по Втората светска војна.

Ниеден инсект нема да и се приближи на вашата куќа: Само закачете тегла со овие намирници

Дарко Андоновски — Tue, 22 Jun 2021 19:17:21 +0000

Веќе со мало зголемување на температурата, почнуваме да уживаме во природата, но со потопло време, несаканите гости - инсекти - неизбежно доаѓаат во домот и во дворовите на сите. Комарци, муви, стршлени, оси, пајаци и разни мали бубачки прогонуваат куќи и станови, но, за среќа, постојат сосема природни начини да ги задржите засекогаш далеку од вашиот дом! Дефинитивно ќе ви треба една стаклена тегла со широк отвор и ќе изберете други состојки според вашите потреби: Против комарци Состојки: 5 капки есенцијално масло од лимон, еукалиптус и цитронела, половина лимон и половина лимета исечени на парчиња, 2 гранчиња рузмарин, пловечка свеќа (мала свеќа во метален држач). Ставете ги сите состојки во тегла, без мешање, истурете вода скоро до врвот, ставете свеќа одозгора и запалете ја. Оваа тегла можете да ја чувате на тераса, на прозорците и на другите отвори во куќата. Доколку ви пречи мирисот на цитрус, пробајте го рецептот со лаванда и ванила: Состојки: 15 капки есенцијално масло од лаванда, 3-4 лажици екстракт од ванила, 3-4 лажици сок од лимон. Измешајте ги состојките во тегла или шише со спреј и користете секој ден - оставете ја теглата на критични места или испрскајте го воздухот во просториите два до три пати на ден. Против оси и стршлени За овој рецепт, треба да отворите дупки во капакот на теглата. Ставете мед на дното од теглата и разредете со малку вода или додадете лажица џем. Слаткиот мирис ќе ги привлече инсектите, ќе влезат низ дупките, но нема да можат да се одделат од смесата со мед. Заменете ја теглата ако е потребно. Против разни бубачки Ако вашата цел е да се ослободите од неколку видови инсекти истовремено, овој рецепт е за вас! Состојки: 30 мл маслиново масло, една капка есенцијално масло од цитронела, еукалиптус, нане, чајно дрво, мирта и чемпрес. Измешајте ги сите состојки во тегла, додадете малку вода и измешајте - само внимавајте да не ја држите смесата близу до очите, дури и додека ја правите. Против муви За да ги одбиете досадните муви, можете да ја користите истата стапица како и за оси, но постои поедноставен начин - наполнете ја теглата со вода, ставете една паричка и ставете ја на добро осветлено место. Мувите чувствуваат дека ова ги загрозува и тие брзо ќе почнат да бегаат од вашиот дом. Можете исто така да користите пластична кеса наместо тегла. Против пајаците Состојки: 1,5 чаша вода, половина чаша алкохолен оцет, 20 капки есенцијално масло од луто нане. Подготовка: Ставете ја водата и оцетот во шишето со спреј, а потоа додадете го есенцијалното масло. Добро протресете ја смесата. Попрскајте ги местата зад плакарите, мијалниците, аглите во бањата или сите места каде се појавуваат пајаци. Оваа мешавина нема да ги убие инсекти, но ќе ги оддалечи од вашиот дом. Повторувајте ја постапката од време на време за да не се вратат. Можете исто така да користите есенцијално масло од еукалиптус наместо луто нане. Ефектот ќе биде ист, но нането има попријатен, поблаг мирис.

Високите температури ги разбудија инсектите: Граѓани се жалат на убоди од оси, пчели и крлежи-совет за алергичните

Ивана Ефремовски — Sat, 23 Mar 2019 14:39:25 +0000

Високите температури за овој период од годината ги разбудија и инсектите. На клиниката за кожни болести се почесто доаѓаат граѓани кои се со убоди од оси, пчели и крлежи. Докторите апелираат алергичните граѓани на инсекти секогаш со себе да ја носат потребната терапија. На оваа тема во вестите на Канал 5 Мирјана Мирчевска Јовановиќ разговараше со др. Дејан Филиповиќ од клиниката за кожни болести. Целиот разговор погледнете го во видеото.

Празниците и се претвориле во пекол: Откако ја донела новогодишната елка во домот од неа почнале да излегуваат страшни работи (ФОТО)

Дарко Андоновски — Sun, 13 Jan 2019 11:32:49 +0000

Повеќе од 100 богомолки го нападнале домот на една жена во Вирџинија откако таа ја донела својата новогодишна елка во домот. Како што пренесуваат тамошните медиуми станува збор за Моли Кревзеј во чиј дом овие инсекти се насекаде. Интересно е тоа што таа овие инсекти ги храни со муви и сака да ги подари на некого кој може да води грижа за нив.

CREEPY: Before it was tossed in the trash— a #Virginia woman’s Christmas tree gave her one last gift... 100+ new friends.
Story on @ABC7News at 6pm. #Springfield #FairfaxCounty #Bugs #Insects #Creepy #PrayingMantis pic.twitter.com/jvpnx0vbA6 — Tim Barber (@ABC7TimBarber) January 4, 2019

-Додека пребарував се уверив дека луѓето сакаат богомилки. Тие се корисни бидејќи јадат други инсекти, а луѓето најчесто ги користат за во земјоделиото, вели таа. Таа додава дека следната година ќе користи вештачка новогодишна елка.

“They are crawling on the ceiling, crawling on the windows...” @ABC7News at 6pm... pic.twitter.com/AqjlG12JbU
— Tim Barber (@ABC7TimBarber) January 4, 2019

Инсектите ќе го намалат грчкото производство на маслиново масло за 40 отсто

Ивона Петрова — Tue, 11 Dec 2018 18:40:52 +0000

Производството на маслиново масло во Грција ќе биде помало за 30 до 40 проценти оваа година поради временските услови кои помогнаа за размножување на маслиновите муви – инсекти што наштетуват на оваа култура, соопштија официјални претставници од Министерството за земјоделство. Портпаролот на Министерството истакна дека тоа ќе биде „најголемиот пад на производството во последните три години”. Според експертите, причина за тоа се пониските од вообичаено зимски температури и обилните врнежи во јуни, кои создадоа поволни услови за размножување на маслиновите муви. Во ноември Министерството за земјоделство започна научно истражување за да се анализира тој феномен и можната поврзаност со климатските промени. Најмногу погодени се плантажите за маслинки во Месинија и областа Лаконија на полуостровот Пелопонез, кои се воедно и најважните области за производство на маслиново масло во Грција. Само островот Крит е поштеден од ширењето на инсектите. На министерскиот состанок за ова прашање, кој беше организиран минатата недела, Атина побара помош од средствата на ЕУ за спаравувањесо кризи за да ги покрие загубите на производителите. Грција е трет по големина производител на маслиново масло, по Шпанија и Италија. МИА

Внимателно погледнете го ова видео: Тие се мали инсекти, но нивниот убод е смртоносен

Ивана Ефремовски — Thu, 29 Nov 2018 17:41:47 +0000

Можеби се минијатурни, но тоа не значи дека се безопасни. Далеку од тоа. Овие инсекти се мали, па кога ќе ги видите страв во вас сигурно нема да се појави. Но, освен што се опасни, тие се и смртоносни. Внимателно погледнете го ова видео и дознајте кои се најопасните мали инсекти.

Што ќе му се случи на светот ако ги снема инсектите?

Предраг Кукиќ — Mon, 05 Nov 2018 19:49:42 +0000

Тешко е да се поверува, но светот нема да опстане без инсекти. Еве и зошто: Во светот има околу 80 проценти од растенијата, кои цветаат. Тоа значи дека тие бараат опрашување од страна на инсектите, како што се пчели или пеперутки. Понекогаш ветерот и другите животни ненамерно вршат опрашување, но тоа не е доволно. Поголемиот дел од оваа работа ја прават инсектите. Без опрашување, на Земјата не би опстанала ниту една билка. Без инсекти, ќе исчезне прехранбениот синџир. Ако исчезнат инсектите, ќе исчезнат и сите птици и цицачи. Малку по малку, исчезнување на инсектите ќе доведе до масовно уништување на животот на Земјата.

Сите стават кеси со вода и пари над вратата, еве зошто…

Катерина Бојаџиева — Mon, 07 May 2018 20:29:21 +0000

Го пронајдовме наједноставниот рецепт кој успешно ќе ги истерува инсектите надвор од куќата. Иако летото се уште не е започнато, штом температурата почнува да расте, почнуваат да се појавуваат во куќата, зујат, застануваат на нас и слетуваат и на храна. Како да ги спречите досадните муви да не влегуваат во вашиот дом? Набавете си пластични ќеси за замрзнување, кои имаат вакумски затворач, ставете две шолји вода, малку сол и две три дози сок од лимета. Сево ова добро измешајте го и ставете во ќесето. Потоа додадете внатре 5-6 монети и ставете ја затворената ќеса до вратата. Состојките сите заедно се најдобар природен рецепт кои нема да им дозволат на инсектите да влезат во вашиот дом.

Ако најдете ваква стоногалка дома, не ја убивајте – еве зошто!

Ивана Ефремовски — Thu, 26 Apr 2018 09:33:53 +0000

Кога ќе забележите стоногалка во вашиот дом – провидно, прилично брзо и издолжено суштество – веројатно првата реакција ќе ви биде да вреснете и да ја згазнете. Немојте да го правите тоа! Таа е предатор, членконога, која е исклучително корисна во домот. Стоногалката уништува многу поштетни инсекти отколку што е таа самата, како што се бубашваби, молци кои јадат книги, облека и ѕидни тапети, мравки. Тие бараат влажни места во домот и го демнат пленот и воопшто не се двоумат да го отстранат секој инсект кој шета низ вашиот дом. Овие стоногалки ги уништуваат останатите бубачки со помош на две работи – тие се неверојатно брзи, а притоа првите две нозе им служат како канџи со отров (не грижете се, со него можат да убијат други инсекти, но вам не можат да ви наштетат). Освен тоа, имаат многу брз метаболизам што значи дека постојано се гладни и секогаш се во потрага по нов залак. Иако името стоногалка сугерира дека имаат сто нозе, повеќето немаат повеќе од триесет. Двете предни нозе служат како клешти за да му вбризгаат отров на пленот, но тие се премногу слаби за да продрат во човечката кожа, па не мора да се плашите. Другите нозе им овозможуваат брзо да се движат и да ги прогонуваат инсектите, користејќи тактика на заплеткување на пленот со нозете. Ако и покрај овие информации не сакате да имате стоногалка како цимер, фатете ја во некоја тегла и исфрлете ја надвор, и задолжително потполнете ги сите дупки во ѕидовите и во домот од каде што можат да влезат.

Ќе ви се згрози кога ќе видите што јаде Никол Кидман (ВИДЕО)

Ивана Ефремовски — Sun, 04 Feb 2018 08:17:44 +0000

На многумина ќе им се преврти желудникот кога ќе ја видат 50- годишната актерна Никол Кидман како јаде црви и тоа живи. Имено, холивудската актерка се одзва на еден предизвик од еден магазин, да започне гозба со два живи црва. Ќе се сложите дека ова е храбар потег од актерката, но тоа не е се. По црвите таа преминала на азискиот специјалитет - штурци, за на крајот да изеде и печени скакулци. Никол минатата година открила дека има фобија од инсекти, поточно пеперутки.