инстанбул – Kurir.mk

ПО 212 ГОДИНИ СЕ ЗАТВОРА – илјадници туристи разочарани од тоа што веќе нема да можат да го јадат во Истанбул

Дарко Андоновски — Mon, 31 Oct 2022 09:10:13 +0000

Легендарната слаткарница „Лебон“, којашто се наоѓа во центарот на Истанбул, Турција, ги затвора вратите поради превисока кирија. Слаткарницата, според сопствениците, во Турската Држава работи веќе 212 години. Но, сега луѓето кои ја водат, се принудени да ја затворат, откако сопственикот на просториите на „Истиклал“ ја зголемил киријата. Претходната цена од 42.500 турски лири (околу 2.300 евра) е покачена на 185.000 лири (10.000 евра), според Абдурахман Џенгиз, еден од одговорните во слаткарницата. – Оваа слаткарница е прва во отоманската и републиканската историја на земјата. Би сакал брендот да опстои, но тоа не успеа. За да се преселам на друго место, пак, ми требаат 10 милиони турски лири. И тоа е невозможно, додаде Џенгиз. Според него, во слаткарницата се инвестирани 10 милиони евра, а по затворањето, 12-мина вработени ќе останат без работа. Слаткарницата „Лебон“ била отворена 1810 година, од Едуард Лебон во областа Бејоглу. Џенгиз и неговиот партнер Шаќир Екинчи го купиле брендот во 1985 година.

Анастасија објави фотографија прегрната со нејзиниот татко Аркан во Инстанбул (ФОТО)

Тале Кристо — Mon, 18 Nov 2019 15:37:51 +0000

Анастасија Ражњатовиќ објави фотографија прегрната со нејзиниот татко Аркан во Инстанбул (ФОТО) Ќерката ма една од најпознатите пејачки во регионот Светлана Цеца Ражњатовиќ секојдневно на Инстаграм објавува фотографии од нејзиниот приватен живот. Неодамна таа со пријателите отпатувала во Инстанбул и се прошетала во досега невиден стајлинг што го привлече вниманието и на нејзините пријатели, станува збор за тексас јакна со фотографија на која се прегрнати таа со нејзиниот татко Жељко Ражњатовиќ Аркан.

Бројот на загинати во уривањето на зградата во Истанбул се зголеми на 21 жртва

Ивана Ефремовски — Sun, 10 Feb 2019 11:20:40 +0000

Бројот на жртвите при уривањето на зградата во Истанбул, што се случи во средата, се зголеми на 21 лице, соопшти турскиот министер за внатрешни работи Сулејман Сојлу, јави агенцијата Анадолија. Во изјавата за новинарите што ја даде на местото на несреќата, Сојлу истакна дека се смета оти под урнатините се наоѓале вкупно 35 лица, и оти сите се извлечени. – Четиринаесет од 35-те лица се спасени од под урнатините, додаде тој, нагласувајќи дека оние кои се одговорни за оваа несреќа ќе одговараат пред законот. Турскиот министер за здравство, Фахретин Коџа вчера информираше дека 13 повредени се наоѓаат во болница, од кои две лица се во сериозна состојба, јави Анадолија. Претседателот Реџеп Тајип Ердоган, исто така, изрази сочувство за жртвите од уривањето на зградата. – Има лекции што треба да ги научиме, изјави Ердоган за време на посетата на местото. Седумкатницата во истанбулската населба Картал се урна во средата, поради сѐ уште непознати причини. Во мометот на уривањето во зградата имало 35 станари.(МИА)