институт за јавно здравје – Kurir.mk

ИЈЗ: Намалување од 39,3 проценти на ковид-позитивни минатата недела, хоспитализирани вкупно 83 лица

Магдалена Андонова — Tue, 06 Sep 2022 12:43:42 +0000

Согласно податоците од Институтот за јавно здравје, минатата недела се регистрирани вкупно 1.069 нови случаи на КОВИД-19, со намалување од 39,3 проценти во однос на минатата недела. Пријавени се пет смртни случаи, а во моментов се хоспитализирани 83 лица, од кои 34 се на кислородна поддршка. Новорегистрираните се од 31 град во државата. Со статус „оздравени“ се стекнале 1 582 лица во хоспитални услови или на домашно лекување, што е за 37,7 отсто помалку во споредба со претходната недела. Во соопштението од ИЈЗ се наведува дека минатата недела се пријавени 269 реинфекции, со намалување од 33,9 проценти во однос на претходната недела. -Пријавени се пет смртни случаи со датум на смрт во текот на изминатата недела со намалување од 58,3 отсто во споредба со минатата недела. Двајца починати се од Скопје, а пријавени се и по еден смртен случај од Кичево, Виница и Пробиштип. Во однос на возрасната група сите починати се над 60 години, сите се починати во болнички услови и кај сите се регистрирани коморбидитети, велат од ИЈЗ. Во однос на хоспитализација, од Институтот додаваат дека минатата недела се примени 14 нови пациенти, а вкупно се хоспитализирани 83 лица што е за 30,8 отсто помалку во споредба со претходната недела. Од нив, 34 се на кислородна поддршка, а нема пациенти на инвазивна/неинвазивна механичка вентилација. Заклучно со 3 септември 2022 година, вакцинирани се вкупно 875 606 лица со барем една доза на вакцина против КОВИД-19 во државата и странство. Комплетно вакцинирани со две дози се вкупно 856 624 лица. Бројот на аплицирани дози измината недела изнесува вкупно 317, од тоа 40 се прва доза, 26 како втора доза, 108 аплицирани како трета доза и 143 аплицирани како четврта доза. (МИА)

Се уште се испитува примерокот од пациентот од Кичево за мајмунски сипаници, резултати во текот на денот

Ивона Петрова — Thu, 11 Aug 2022 11:16:53 +0000

Во Институтот за јавно здравје во тек е испитувањето на примерокот земен од пациент од Кичево кој се води како сомнителен случај со мајмунски сипаници. Се очекува во текот на денот здравствените власти да информираат дали пациентот е заразен со мајмунски сипаници. Доколку се потврди, тоа ќе биде првиот регистриран случај во земјава. Во текот на вчерашниот ден до Институтот за јавно здравје беше доставен примерокот за тестирање. Пациентот e од Кичево и тој пред неколку дена добил осип на телото, што е еден од симптомите на мајмунските сипаници. Претседателот на Комисијата за заразни болести Александар Петличковски вчера изјави дека пациентот е во добра здравствена состојба. Вчера, состанок одржа и Комисијата за заразни болести која препорача воведување на изолација во домашни или болнички услови за сите сомнителни и потврдени случаи и секојдневно епидемиолошко следење на лицата кои имале контакт со потврдени случаи. – Комисијата за заразни болести препорача воведување мерки изолација/карантин и тоа изолација во домашни или болнички услови на сомнителните случаи за мајмунски сипаници до нивно тестирање, изолација на потврдени случаи во домашни или болнички услови до завршување на болеста или зацелување на крастите, секојдневно епидемиолошко следење на контакти на потврдени случаи со мајмунски сипаници за време на траење на инкубацискиот период од 21 ден, соопштија од КЗБ. Комисијата ја повтори и препораката до Министерството за здравство да се преземат сите неопходни превентивни мерки.

ИЗЈ: Минатата недела раст на бројот на новозаболени од Ковид-19 за 0,9 отсто

Магдалена Андонова — Tue, 22 Mar 2022 08:55:00 +0000

Во периодот од 14 до 20 март тестирани се вкупно 15.577 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 2,1 отсто во однос на минатата недела. Регистрирани се 1.834 нови позитивни случаи од 32 градови во државата, со зголемување од 0,9 отсто во однос на минатата недела (n=1.818). Процентот на позитивност се движи од 6,6 отсто до 14,2 отсто, просечно 11,4 отсто, се наведува во неделниот извештај објавен на веб страницата на Институтот за јавно здравје. Најголем дел од регистрираните случаи се од Скопје (n=1.076; 58,7 отсто), а највисока неделна инциденца е регистрирана во Кавадарци – 198,2/100.000 и Скопје – 169,6/100.000. Регистрирани се заболени лица во сите возрасни групи. Најзастапена е возрасната група на лица на возраст над 60 години (n=451; 24,6 отсто). Најмал број е регистриран кај возрасната група до девет години (n=62; 3,4 отсто) . Во однос на претходната недела, се регистрира зголемување на бројот на заболени кај лицата на возраст до 49 години, со најзабележително зголемување од 19,5 отсто во возрасната група од 40 до 49 години и 14,5 отсто во возрасната група од 20 до 29 години. Кај возрасните групи над 50 години се забележува намалување во споредба со минатата недела, 12,3 отсто помалку кај лицата на возраст од 50 до 59 и 10,7 отсто кај лицата над 60 години. Во текот на минатата недела со статус „оздравени“ се стекнале 1.772 лица во хоспитализирани услови или на домашно лекување, 26,2 отсто помалку споредено со минатата недела (n=2.400). Во текот на минатата недела вкупно се пријавени 309 реинфекции, со зголемување од 15,7 отсто во однос на претходната недела. Пријавени се 15 смртни случаи во 9 градови со датум на смрт во текот на изминатата недела (14 до 20 март), за 55,9 отсто помалку во однос на претходната недела (n=34). Најголем дел од нив се од Скопје (4). Во однос на возраста, регистрирани се 13 починати од возрасната група над 60 години и по еден починат од возрасната група од 40 до 49 години и 50 до 59 години, се вели во извештајот на Институтот за јавно здравје.

Намалување на бројот на позитивни случаи, за една недела регистрирани 543 реинфекции

Ивона Петрова — Tue, 01 Mar 2022 07:10:44 +0000

Институтот за јавно здравје го објави неделниот извештај за состојбата со коронавирус во Македонија, а кој се однесува за периодот од 21 до 27 февруари. Регистрирани сe 3.702 нови позитивни случаи од 34 градови во државата, со намалување од 39,5% во однос на минатата недела (n=6.120). Процентот на позитивност се движи од 13,1% до 24,2%, просечно 18,6%. Тестирани се вкупно 19.217 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 17,9% во однос на минатата недела. Најголем дел од регистрираните случаи се од Скопје (n=1.975; 53,3%), а највисока неделна инциденца е регистрирана во Кавадарци – 394,1/100.000, Скопје – 311,4/100.000 и Гевгелија – 285,3/100.000. Процентот на позитивност се движи од 13,1% до 24,2%, просечно 18,6%. Регистрирани се заболени лица во сите возрасни групи. Најзастапена е возрасната група на лица на возраст над 60г (n=951, 25,7%). Најмал број е регистриран кај возрасната група од 0-9 години (n=194; 5,2%). Во однос на претходната недела, се забележи намалување на бројот на заболени кај сите возрасни групи, со најзабележително намалување од 43,6% во возрасната група од 10-19 години и 43,5% кај лицата на возраст од 50-59 години. Согласно новиот алгоритам за оздравување во текот на минатата недела со статус „оздравени“ се стекнале 6.094 лица во хоспитализирани услови или на домашно лекување. Во текот на минатата недела вкупно се пријавени 543 реинфекции,од кои една е втора реинфекција, со намалување за 37,2% во однос на претходната недела. Пријавени се 68 смртни случаи во 19 градови во текот на изминатата недела, за 45,6% помалку во однос на претходната недела. Најголем дел од нив се од Скопје (27). Во однос на возраста, најголем број (n=63; 92,6%) од починатите припаѓаат на возрасната група над 60 години, а регистрирани се починати лица и кај возрасната група од 50-59 години (2) и 40-49 години (3). На 17.02.2021 во Македонија започна вакцинацијата против COVID-19. Заклучно со 28.02.2022, вакцинирани се вкупно 870.405 лица со барем една доза на вакцина против COVID-19 во државата и странство. Комплетно вакцинирани (со две дози) се вкупно 849.727 лица, а со трета доза се вакцинирани 142.201 лица.

ИЈЗ: Вакцинацијата против КОВИД-19 се препорачува за трудници и за тие кои се обидуваат да забременат

Ивана Ефремовски — Mon, 07 Feb 2022 10:13:21 +0000

Вакцинацијата против КОВИД-19 се препорачува за трудници. Сите кои имаат 18 години и се постари од 18, вклучително и оние кои се бремени, кои дојат, се обидуваат да забременат сега или планираат во иднина, треба да бидат целосно вакцинирани. Вакцината може да заштити од сериозни(тешки) компликации при КОВИД-19, а здравата мајка е важна за здраво бебе, се вели во извештајот што на својата веб страница денеска го објави Институтот за јавно здравје. Ако жената забремени откако ја добила првата вакцина против КОВИД-19, а се потребни две дози (т.е.„Фајзер“ или вакцина „Модерна“), треба да ја прими втората вакцина за да добие што е можно поголема заштита. Пред вакцинација против КОВИД-19 во бременоста се препорачува задолжителна консултација со матичниот гинеколог во врска со процената на возраст на пациентката, потоа гестациската старост на плодот и секако претходни индивидуални здравствени состојби, ризици и заболувања. Потребно е да се знае дека бремените жени имаат поголема веројатност да се разболат од КОВИД-19 (со последици) во споредба со останатите жени кои не се бремени, вакцинацијата може да заштити од тешки заболувања кои може да ги предизвика КОВИД-19 и се препорачува на жени кои планираат да забременат во иднина, се бремени или пак се доилки, бремените жени можат да примат бустер доза, доказите за безбедност и ефективност на вакцината против КОВИД-19 за време на бременоста растат, во моментов нема докази дека која било вакцина, вклучувајќи ја и вакцината против КОВИД-19, предизвикуваат проблеми со плодноста кај жените или мажите. Раните податоци за безбедноста на примањето на вакцина против mRNA („Модерна“ или „Фајзер“) за време на бременоста се смирувачки. Податоците од системите за следење на безбедност не откриваат никакви грижи и сомнежи за жени кои примиле вакцина против mRNA КОВИД -19 доцна во бременоста или за нивните бебиња. Научниците не откриле зголемен ризик за спонтан абортус кај жените кои примиле вакцина против mRNA КОВИД-19 непоосредно пред и за време на раната бременост (пред 20-та недела од бременоста). Центарот за контрола на болести (CDC) постојано ги следи и ќе продолжи да ги следи жените вакцинирани во текот на сите триместри од бременоста за подобро да се разберат ефектите врз бременоста и бебињата. Вакцинацијата за време на бременоста создава антитела кои би можеле да го штитат бебето. Потребни се повеќе податоци да се утврди како овие антитела, слични на оние произведени и од други вакцини можат да обезбедат заштита на бебето. Ретко можат да се појават несакани ефекти по примањето на која било од достапните вакцини за КОВИД-19, особено по втората доза на вакцина. Жените кои се бремени не пријавиле различни несакани ефекти од жените кои не се бремени и останатите вакцинирани луѓе по вакцинацијата со mRNA КОВИД -19 („Модерна“ или „Фајзер“). Некои луѓе имаат несакани ефекти од вакцината, што се нормални знаци дека нивното тело гради заштита. Овие несакани ефекти можат да влијаат на нивната способност да вршат секојдневни активности, но тие треба да исчезнат за неколку дена. Некои луѓе немаат несакани ефекти, а алергиските реакции се ретки. Несаканите ефакти кои можат да предизвикаат долгорочен здравствен проблем се крајно невообичаени по каква било вакцинација, вклучително и вакцинација против КОВИД-19. Ако се појават негативни ефекти, тие вообичаено се случуваат во рок од 6 недели од примање на доза на вакцина. Вообичаени ефекти се болка, црвенило, оток, замор, главоболка, мускулна болка, треска и гадење. Тешки алергиски реакции по вакцинацијата со КОВИД-19 се ретки, речиси и да ги нема. Секој што имал тешка алергиска реакција откако примил вакцина против КОВИД-19 не треба да добие друга доза од која било од вакцините mRNA КОВИД -19 („Модерна“ или „Фајзер“). Досега не се пронајдени податоци за штетни состојки кои би можеле да и наштетат на бремената жена како и на нејзиниот плод, ниту пак можат да предизвикаат КОВИД -19 акутни инфекции, стои во извештајот на Институтот за јавно здравје.

Минатата недела скоро 12.000 нови случаи на Ковид-19 – речиси секој трет тестиран бил позитивен

Магдалена Андонова — Tue, 01 Feb 2022 08:51:05 +0000

Во периодот од 24 до 30 јануари годинава во земјава се регистрирани вкупно 11.916 нови позитивни случаи на Ковид-19, што е зголемување од 2,7 % во однос на претходната седмица. Тестирани се вкупно 38.518 материјали, за 2,0 % помалку од претходните седум дена, а процентот на позитивност се движел од д 22,5% до 35,8%, просечно 30,3%, покажува неделниот извештај на Институтот за јавно здравје. Најголем дел од регистрираните случаи се од Скопје (n=6.033; 50,6%), а највисока неделна инциденца е регистрирана во Кавадарци – 1.420,7/100.000. Регистрирани се заболени лица во сите возрасни групи. Најзастапени се возрасните групи над 60 години (22,1%) и од 30 до 39 години (22,1%). Најмал број има кај децата до девет години. Се забележува намалување на бројот на заболени кај скоро сите возрасни групи, а најмногу кај лицата од 10 до години (11,0%). Раст има кај возрасните групи од 50-59 со 3,3% и над 60 години со 25,3%. Во однос на дистрибуцијата по пол, пријавени се 6.359 (53,4%) лица од женски и 5.557 (46,6%) од машки пол. Согласно новиот алгоритам за оздравување во текот на минатата недела со статус „оздравени“ се стекнале 13.041 лице кои биле хоспитализирани или на домашно лекување. Во текот на минатата недела вкупно се пријавени 1.558 реинфекции, речиси идентично како и претходната недела. Пријавени се 148 смртни случаи во 26 градови, за 38,3% повеќе во споредба со претходните седум дена. Најголем дел се од Скопје (48). Во однос на возраста, 89,2% од починатите се над 60 години. Според извештаите од болниците, моментално се хоспитализирани 671 лице (22,0% повеќе од претходна недела), а од нив 390 се на кислородна поддршка и 31 на инвазивна/неинвазивна механичка вентилација. Заклучно со 30 јануари, пријавени се вкупно 268.901 случај на COVID-19. Регистрирани се 8.409 смртни случаи. Активни во моментов се 13.628 лица, а 246.864 се водат како оздравени. Вкупно 866.227 лица се вакцинирани со барем една доза вакцина. Комплетно вакцинирани (со две дози) се 842.917, а трета доза примиле 128.268 лица. Опфатот со две дози на вакцина против COVID-19 кај населението над 18 годишна возраст изнесува 50,6%, односно 46,7% над 12 годишна возраст. Опфатот со две дози кај вкупната популација е 40,7%.

ИЈЗ: Минатата недела за 8,0 отсто помалку заразени од Ковид-19

Магдалена Андонова — Tue, 21 Dec 2021 09:23:00 +0000

Намалување од осум отсто на бројот на новозаразени од Ковид-19 минатата седмица во споредба со претходната, бележи Институтот за јавно здравје (ИЈЗ) во неделниот извештај за состојбата со коронавирусот во земјава. Од 13 до 19 декември од Ковид-19 заболеле 1.922 лица. Тестирани се 19.943 лица, за 8,1 отсто повеќе од претходната седмица. Процентот на позитивност се движи од 6,9 до 12,4 отсто, а просечно 9,6. Најмногу новозаразени има во Скопје. Регистрирани е намалување на заболени лица во сите возрасни групи, а најзастапени се лицата над 60 години (22,8%). Најмалку заболени се регистрирани кај возрасната група од 0-9 години (3,5%). Според полот, 52,8 отсто од заболените се жени, а 47,2 машки. Пријавени се 66 смртни случаи, најмногу во Скопје (19) и од возрасната група над 60 години (80,3%). Активни на Ковид-19 се 5.376 лица лица, хоспитализирани се 347 што е за 18,7% помалку од претходната недела, од кои 243 се на кислородна поддршка и 12 на инвазивна/неинвазивна механичка вентилација. Минатата седмица се евидентирани и 1.963 оздравени лица. ИЈЗ регистрирал и 36 реинфекции. Заклучно со 19 декември вкупно се пријавени 1.013 реинфекции, што е 0,46 отсто од вкупниот број на досега заразени кој изнесува 221.411 лица. (МИА)

За една недела: 68 македонски граѓани починале од коронавирус, се заразиле 2.275 лица

Ивана Ефремовски — Tue, 07 Dec 2021 14:07:44 +0000

Во периодот од 29 ноември до 5 декември тестирани се вкупно 16.948 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 9,8 отсто во однос на минатата недела. Регистрирани сe 2.275 нови позитивни случаи од 35 градови во државата со намалување од 17,3 отсто во однос на минатата недела. Процентот на позитивност се движи од 7,8 отсто до 19 отсто, просечно 13,1 отсто. Најголем дел од регистрираните случаи се од Скопје (n=1.000; 43,9 отсто), со неделна инциденца – 157,7/100.000. Највисока неделна инциденца е регистрирана во Берово 324,6/100.000, се наведува во извештајот што денеска на својата веб страницата го објави Институтот за јавно здравје. Регистрирани се заболени лица во сите возрасни групи. Најзастапена е возрасната група на лица на возраст над 60 (n=521, 22,9 отсто). Најмал број е регистриран кај децата на возраст до девет години (n=92; четири отсто). Се забележува намалување на бројот на заболени кај сите возрасни групи. Во однос на дистрибуцијата по пол, пријавени се 1.215 (53,4 отсто) лица од женски и 1.060 (46,6 отсто) од машки пол. Со статус „оздравени“ се стекнале 2.540 лица кои биле хоспитализирани или на домашно лекување. Во текот на минатата недела вкупно се пријавени 40 реинфекции, со намалување од 9,1 отсто во однос на претходната недела. Пријавени се 68 смртни случаи во 18 градови во текот на изминатата недела, со намалување од 30,6 отсто во однос на претходната недела. Најголем дел од нив се од Скопје (27). Во однос на возраста, најголем број (n=54; 79,4 отсто) од починатите припаѓаат на возрасната група над 60 години, а регистрирани се починати лица и кај возрасната група од 50 до 59 години (10), од 40 до 49 години (1) и од 30 до 39 години (3), стои во извештајот на Институтот за јавно здравје.

ИЈЗ: Минатата недела за 8,9 отсто помалку заразени од Ковид-19

Катерина Бојаџиева — Wed, 24 Nov 2021 07:33:22 +0000

Намалување од 8,9 отсто на бројот на новозаразени од Ковид-19 минатата седмица во споредба со претходната, бележи Институтот за јавно здравје (ИЈЗ) во неделниот извештај за состојбата со коронавирусот во земјава. Од 15 до 21 ноември од Ковид-19 заболеле 2.929 лица, што е за 288 помалку од периодот меѓу 8 и 14 ноември. Минатата недела се тестирани се 19.791 лица, за 7,3 отсто помалку од претходната седмица. Процентот на позитивност се движи од 11,6 до 16,9 отсто, а просечно 14,8. Најмногу новозаразени има во Скопје. Регистрирани се заболени лица во сите возрасни групи, а најзастапени се лицата над 60 години (23,3%). Најмалку заболени се регистрирани кај возрасната група од 0-9 години (3,6%). Се забележува намалување на бројот на заболени кај сите возрасни групи, освен кај возрасната група од 0-9 години (+2,0%). Најзабележително е намалувањето кај возрасната група на лица над 60 години (-13,7%) Според полот, 54,3 отсто од заболените се жени, а 45,7 машки. Кај сите секвенционирани примероци е докажана Делта варијантата, како и присуство на различни нејзини сублинии. Сублинијата позната како Делта плус не е детектирана кај ниту еден од секвенционираните примероци. Пријавени се 91 смртен случај, најмногу од возрасната група над 60 години (89%). Активни на Ковид-19 се 8.290 лица, хоспитализирани се 495, од кои 330 се на кислородна поддршка и 14 на инвазивна/неинвазивна механичка вентилација. Минатата недела се евидентирани и 2 855 оздравени лица. ИЈЗ регистрирал и 49 реинфекции. Заклучно со 21 ноември вкупно се пријавени 870 реинфекции, што е 0,4 отсто од вкупниот број на досега заразени кој изнесува 212 375 лица.

Статистика: Колку деца заразени со коронавирус има во основните и средните училишта ширум Македонија?

Ивана Ефремовски — Mon, 20 Sep 2021 14:05:27 +0000

За 40% е намелена инциденцата на ширење на вирусот кај населението на ниво на цела држава со почетокот на училишната година, споредбено со ширење на вирусот во последните две недели во август, покажува последната епидемиолошка анализа на Институтот за јавно здравје. Во епидемиолошката анализа на Институтот опфатена е возрасна популација од претшколска, основно, средно и академска. Во предучилината и училишната возраст најмал е бројот на заразени споредбено и по возрасни групи, односно на возраст од 0-9 години има само 3,9% во државата се ковид позитивни. По дистрибуција по градови, во Скопје има 139 заразени основци, 70 средношколци, 72 од академската популација и 28 деца во претшкослка возраст. Во Куманово, има 5 заразени основци, 8 средношколци, 18 од академската популација и 3 деца во претшколска возраст. Штип 2 деца од претшколска возраст се ковид позитивни, 5 основци, 8 средношколци и 3 од академската популација. По 2 заразени деца од претшколска возраст има и во Велес и Ресен, и 1 е заразено во Прилеп. Од популацијата во основно, во Велес и Ресен има по 5 ученици, 6 има во Струмица и Кавадарци, а 8 во Прилеп. Средношколци позитивни на ковид има 3 во Велес, 7 во Кавадарци, 4 во Прилеп и 2 во Струмица. И од академската популација заразени со вирусот се 6 во Велес, по 2 во Кавадарци и Прилеп и по 3 во Струмица и Ресен. Согласно овие податоци и намалената инциденца на ширење на вирусот, нема потреба од промена на моделот на настава, сметаат од Комисијата за заразни болести.