институт – Kurir.mk

Украина: Русија го бомбардираше институтот во кој се наоѓа експериментален нуклеарен реактор

Ивона Петрова — Fri, 11 Mar 2022 06:24:45 +0000

Украинскиот парламент соопшти дека руските сили нападнале институт во градот Харков во кој се наоѓа експериментален нуклеарен реактор, јави Скај њуз. Се додава дека пожар избувнал во соседен хостел. Антон Герашченко, советник на министерот за внатрешни работи, рече дека институтот содржи „извори на радијација кои се користат за научни цели“. Подоцна, украинската новинска агенција Интерфакс објави дека пожарникарите го гаснат пожарот во хостелот, кој се простира на околу 100 квадратни метри, пренесува Хина. Украинскиот нуклеарен регулатор соопшти дека „Русија уште еднаш изврши чин на нуклеарен тероризам“.

Конзервативниот караван на Институтот „САРИСА“ на трибина во Битола

Тале Кристо — Sat, 23 Jan 2021 09:30:23 +0000

Институтот „Сариса“ денеска со почеток од 13:00 часот во хотел Епинал во Битола ќе одржи јавна дебата под наслов „Традицијата, историјата, конзервативизмот: столбови на државата”. Денешниот настан од таканарачениот Конзервативен караван се случува по терти пат, а претходно институтот „Сариса“ трибини од ваков карактер одржа во Гостивар и Штип. Во иднина како што информираат од институтот вакви трибини ќе бидат и во други градови ширум Република Македонија На трибината во Битола се очекува говорниците ќе се осврнат на политичка филозофија, конзервативна идеологија, управување со државни институции, како и за плановите и програмите на Институтот.

Претставници на институтот „Сариса“ положија свежо цвеќе пред споменикот на основачите на ВМРО

Тале Кристо — Fri, 23 Oct 2020 10:22:19 +0000

Делегација на Институт за конзервативни политики предводена од директорот м-р Сашо Марковски по повод денешниот голем македонски празник, положи свежо цвеќе на споменикот на основачите на ВМРО. Нека ни е честит Денот на македонската револуционерна борба, 23ти Октомври!, велат во нивнта Фејсбук објава. Инаку, институтот за конзервативни политики САРИСА е политички институт чија цел е промоција на конзервативни вредности во Република Македонија и креирање и развој на конзервативни политики. Институтот врши истражувања и анализи, организира обуки и конференции и одржува јавни расправи и дебати, во насока на приближување и елаборација на конзервативната мисла во Република Македонија. https://www.facebook.com/InstituteForConservativePoliticsSARISSA/posts/295497295209796

Пет години од отворањето на Институтот „Конфуциј“ во Скопје

Дарко Андоновски — Fri, 05 Oct 2018 05:58:35 +0000

Институтот „Конфуциј“ при Универзитетот „Св. Кирил и Методиј“ во Скопје вечер во Македонската опера и балет свечено ќе одбележи пет години постоење во Македонија. На свечената програма, на која реч ќе има ректорот на УКИМ Никола Јанкуловски, на кинеска цитра ќе настапи младата уметница од Кина Лијао Шинран, ќе има модерен танц на кинески теми во кореографија на Леонина Пекеска-Корнети, таи чи чуан во изведба на Здружението за кинески вежби „Јин-јанг“, како и претставување на македонскиот фолклор со настап на АКУД „Мирче Ацев“. Македонската естрадна уметница Сузана Спасовска, која е и курсист на Институтот „Конфуциј“, ќе настапи со традиционални кинески песни. Институтот „Конфуциј“ беше отворен на 3 септември 2013 година, основан согласно со потпишаниот договор помеѓу Универзитетот „Св. Кирил и Методиј“ во Скопје со Централната управа на институтите „Конфцуиј“ и во соработка со Југозападниот универзитет за финансии и економија од Ченгду во Кина. Неговото отворање пред пет години се совпадна со одбележувањето 20 години од воспоставувањето дипломатски односи помеѓу Народна Република Кина и Република Македонија. Институтите ,,Конфуциј” се непрофитни образовни институции, чија цел е да се промовира кинескиот јазик и култура, да се поддржи локалната настава по кинески јазик и да се овозможи културната размена.