Институтот за белодробни заболувања „Козле“ – Kurir.mk

Во болницата во Козле хоспитализирани шест деца и шест мајки, ГОБ „8 септември“ преполна, алармантна бројка и во болницата во Штип

Дарко Андоновски — Mon, 19 Oct 2020 08:35:29 +0000

Во последниот извештај на Министерството за здравство за развојот на епидемијата на Ковид-19 во Македонија се наведува дека во последните 24 часа на Инфективната клиника се примени седум пациенти. Со тоа, вкупниот број на хоспитализирани се искачи на 100 пациенти. На кислородна поддршка се 62 пациенти, нема пациенти на механичка вентилација. Во болницата во Козле се хоспитализирани шест деца и шест мајки позитивни на Ковид-19, како и едно дете и две мајки сомнителни за вирусот. Во ГОБ „8 Септември“ се хоспитализирани 45 пациенти. На респиратор се двајца од нив. Во болницата во Битола се хоспитализирани 36, а во болницата во Штип 56 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга и Кочани се хоспитализирани вкупно 223, позитивни и сомнителни на Ковид-19.

Сѐ повеќе деца се хоспитализираат во Козле- короната коси се пред себе, болниците се преполнија за само 24 часа

Дарко Андоновски — Mon, 28 Sep 2020 11:32:07 +0000

Министерството за здравство информира дека во последните 24 часа се направени 387 тестирања, а регистрирани се 48 нови случаи на ковид-19 во: Скопје-20, Куманово-3, Дебар-1, Прилеп-3, Тетово-1, Струмица-4, Кочани-9, Пробиштип-1, Пехчево-1, Виница-2, Делчево-1, Свети Николе-2. На Инфективната клиника во изминативе 24 часа примени се 6 пациенти. Вкупно се хоспитализирани 70 пациенти. На кислородна поддршка се 33 пациент, нема пациенти на механичка вентилација. Во болницата во Козле хоспитализирани се 4 деца и 3 мајки позитивни на ковид-19, 7 деца и 7 мајки суспектни на вирусот. Во ГОБ „8 Септември“ примени се 3, а вкупно хоспитализирани се 36 пациенти. На респиратор се 6 пациенти. Во болницата во Битола се хоспитализирани 17, а во болницата во Штип се 36 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 173, позитивни и сомнителни на Ковид-19.

Децата со температура од денеска да се носат во болницата „Козле“

Ивона Петрова — Mon, 16 Mar 2020 06:33:22 +0000

Почнувајќи од денеска сите родители и матични лекари кои ќе имаат итна потреба децата со температура да ги донесат во болница, тоа да го сторат во Институтот за белодробни заболувања „Козле“, наместо во Клиниката за детски болести. Исто така, ако има деца кои живеат во регионот кој сега е ставен под режим за движење (дебарско), за преглед да се упатуваат кон Институтот, со претходна најава. Ова е одлука на Комисијата за заразни болести и министерот за здравство Венко Филипче, со цел да се заштитат децата кои се хоспитализирани на Клиниката за детски болести. Институтот Козле има капацитет да ги згрижи децата со температура, суспектни на коронавирус и децата кои доаѓаат дебарскиот регион. Хоспитализираните пациенти кои сега се во Козле во текот на вчерашниот и денешниот се префрлуваат на лекување на Клиниката за детски болести.