интегра – Kurir.mk

Ристовски од ИНТЕГРА јавно му се извини на Мицкоски: Партијата СДСМ молчи и покрај тужбата дека изнесувала лаги за лидерот на ВМРО-ДПМНЕ

Ивана Ефремовски — Fri, 13 Jan 2023 09:38:42 +0000

Основниот граѓански суд во Скопје, во април минатата година, ги усвои тужбите на претседателот на ВМРО-ДПМНЕ, Христијан Мицкоски за клевета. Покрај добиената тужба поднесена против СДСМ, Мицкоски по судски пат за клевета и навреда го доби и Љупчо Ристовски од Интегра. Судот утврдил дека тужениот Ристовски со цел да го наруши угледот на Мицкоски изнел невистини дека ВМРО-ДПМНЕ и лидерството било против македонските национални интереси. Љупчо Ристовски од ИНТЕГРА јавно му се извини на лидерот на ВМРО-ДПМНЕ, Христијан Мицкоски, преку денешната објава во Нова Македонија. Но, од СДСМ не покажаа доблест да се извинат и покај судската одлука, па партијата молчи. Во судската пресуда за случајот против СДСМ, судот пресудил дека партијата на својата официјална страна, а пред пошироката јавност со намера да нанесе штета на честа и угледот на тужителот изнел невистини факти дека „Мицкоски му е вечен должник на Груевски. Тој мора да го штити и прави онака како што сака Груевски. Политиките на Мицкоски се политики на Никола Груевски.“

Екс потпретседателот на Интегра: Љупчо Ристовски се претставуваше како спасител и месаја, а во партијата се случуваа многу сомнителни работи

Дарко Андоновски — Thu, 17 Sep 2020 09:05:06 +0000

Екс потпретседателот на Интегра, Воислав Зафировски кој пред само неколку дена премина во ВМРО-ДПМНЕ заедно со голем број членови на партијата, во емисијата „Заспиј ако можеш“ на телевизија Алфа говореше за случувањата во неговата поранешна партија. Тој посочи дека претседателот на партијата Љупчи Ристовски се однесувал како да е „спасител“, односно „месија“, а притоа во партијата се случувале многу сомнителни работи пред се од финансиски аспект. -Никој во претседателството не знаеше од каде се финансира партијата, никој не знаеше какви зделки се склучуваат во име на партијата. Сето тоа беше под негова капа и во најголема тајност водено. Мене ме избраа за претседател на Републичкиот штаб и воедно потписник на изборната сметка. Пазете изборниот законик вели се отвара изборна сметка и сите плаќања кои се поврзани со изборната кампања одат преку таа сметка. Јас ниту знам дали имало и колку пари имало во таа сметка, ниту имам потпиѓшано една фактура од таа сметка, нити пак знам од каде се тие пари. И на крај кога побарав дека треба тој финансиски извештај кој се поднесува 20-тиот ден до ДИК, до Државниот завод за ревизија, до ДКСК ми беше одговорено дека тоа не е моја работа. А јас сум формално еден од потписниците на таа сметка. Јас ниту сум видел состојба на сметка, ниту за што се употребени парите ниту каде се отидени, вели Зафировски.

Зафировски: Раководни структури од ИНТЕГРА преминуваат во ВМРО-ДПМНЕ, таму ќе продолжиме да се бориме против власта

Магдалена Андонова — Sun, 13 Sep 2020 13:12:17 +0000

Веќе слушнавте, поголемиот дел од членовите на претседателството вклучувајќи ме мене како потпретседател и меѓународниот секретар на ИНТЕГРА МАКЕДОНСКА КОНЗЕРВАТИВНА ПАРТИЈА, потоа носителот на петтата Изборна единица, координаторот на ИЕ 6, како и бројни носител на различни функции во рамките на претседателството но и во лидерските тимови на ИНТЕГРА одлучивме од денес да поминаме, да се интегрираме во ВМРО-ДПМНЕ. Покрај членовите од претседателството, во ВМРО-ДПМНЕ поминуваат поголемиот број претседатели и членови од ОК на ИНТЕГРА од Карпош, Центар, Битола, Штип, Велес, Демир Хисар, Ресен, Новаци, Могила а таква најава има и од поголем број други ОК, денес за медиумите изјави Воислав Зафировски, потпретседател на ИНТЕГРА. Тој истакна дека причината е многу едноставна. -Сите ние сме со десничарска политичка ориентација, ние до сега ги застапувавме и ги застапуваме либертаријанските принципи кои подразбираат слобода на мислата, слобода на иницијативноста, владеење на правото подеднакво за сите и се разбира бескомпромисна борба против криминалот во сите негови појавни форми, вели Зафировски. -Деспотскиот однос на лидерот на ИНТЕГРА Љупчо Ристовски и неговата фикција дека тој е пророк и месија испратен од Бога и неговата фикција дека ќе ја спасува Македонија на еден волшебен начин, ги сруши сите либертаријански принципи за кои заеднички се боревме и настапувавме. Едноставно партијата ја претвори во трговско друштво каде што тој е трговец поединец, ја претвори партијата во некаква секта каде што тој самиот е партијата. Простете, меѓутоа во такви околности, во такви услови ние одбиваме да работиме и да се декларираме како дел од таа ИНТЕГРА. Затоа сакам да нагласам дека сите се определивме да преминеме во ВМРО-ДПМНЕ и оттука испраќаме повик до сите оние десно ориентирани политички партии, па и оние кои не се десно ориентирани да ни се придружат да направиме блок кој ќе ја реализира онаа идеја која беше присутна уште пред изборите. А таа идеја беше да се сруши оваа власт која ја обезличи и обесчести Република Македонија. Затоа повикот е отворен, затоа прифативме да бидеме дел од опозицијата а не дел од власта. Морам да напоменам дека Ристовски и ИНТЕГРА за жал во која и ние дадовме придонес во изборниот период изработија за актуелната власт, посочи потпретседателот на ИНТЕГРА.

Кандидатите од Интегра на средба со граѓани во Тетово

Дарко Андоновски — Wed, 01 Jul 2020 18:59:16 +0000

Средби со граѓани во Тетово вечерва остварија кандидатите за пратеници од македонската конзервативна партија Интегра предводени од претседателот Љупчо Ристовски и носителката на листата во Шестата изборна единица, Виолета Србиновска. Партискиот лидер ја посочи програмата насоловена „Нова македонска ренесанса како визија за подобар живот во Македонија“. – Мора да настапи новата македонска ренесанса бидејќи не се гледа крајот на тунелот чија темнина ја создаваа во овие 30 години двете најголеми партии кај Македонците. Периодот на просперитет и ренесанса ќе настапи доколку ја добиеме вашата поддршка, рече Ристовски. Според него, државата нуди многу можности за заработка кај македонскиот народ. –Наоѓалишта со нафта и гас се кријат од нас дека постојат, а ги има, и многу може да се заработи. Има можности за нова транспортна стратегија и возови за еден час до секоја точка во Македонија, геотермалните води да се искористат за термален туризам и слични проекти за привлекување посетители, рече Ристовски. Носителката на листата во Шестата изборна единица Виолета Србиновска се обрати пред своите сограѓани од Тетово. -Македонскиот народ мора со поддршка на Интегра да придонесе во зачувување на македонскиот идентитет и суверенитет во услови кога Македонецот е граѓанин од втор ред во својата држава. Мора да ги задржиме младите со чесна и одговорна работа и посветеност, рече Србиновска.

Претставување на кандидатите за пратеници од ИЕ-3 и програмата на ИНТЕГРА

Дарко Андоновски — Tue, 30 Jun 2020 15:17:18 +0000

Претседателот Љупчо Ристовски ги поздрави присутните, после претставувањето на изборната платформа “Нова македонска ренесанса” посочи дека ИНТЕГРА е автохтон, чист македонски производ. Тој истакна дека Македонецот пред никого не виткал кичма во историјата, нема ниту сега. Немајте страв од новата македонска ренесанса на ИНТЕГРА, гласајте за ИНТЕГРА, заокружете го бројот 8, истакна Ристовски пред присутните и пренесете ја оваа идеја до вашите блиски.

Ристовски вети дека секој избран функционер на ИНТЕГРА ќе потпише согласност да биде прислушкуван од финансиската полиција во периодите кога ќе има тендери во неговиот ресор. ИНТЕГРА е против корумпирана држава и корумпирани политичари. На секои две години ИНТЕГРА ќе биде испитана на референдум, народот одлучува.

-Малите бизниси ќе бидат во фокусот на економските политики на ИНТЕГРА, истакна Ристовски.

Носителот на листата за пратеници за ИЕ-3, м-р Сузана Чесмаџиска, ги повика кратовчани да му веруваат на лидерскиот тим на ИНТЕГРА, да заокружат бр. 8 за подобро здравство, за подобро образование, за иднината на Македонија.