интензивна нега – Kurir.mk

Интензивната нега во Белгија под огромен притисок, зафатени 96 отсто од креветите

Тале Кристо — Thu, 15 Apr 2021 12:15:56 +0000

Помалку од еден кревет е слободен на одделите за интензивна нега во белгиските болници, предупреди Министерството за здравство. Според статистиките на министерството, 96 отсто од креветите на интензивна нега во цела држава се зафатени, само 86 се слободни, што претставува помалку од еден кревет по болница. И покрај охрабрувачките трендови во другите области како новозаразените, болниците во земјата се под огромен притисок, но не само поради Ковид-19, објаснуваат здравствените власти. Проблемот е што бројот на пациенти што излегуваат од болница не го надоместуваат бројот на пациенти што влегуваат, а пикот на пациенти на интензивна нега сѐ уште не е постигнат, велат од министерството за здравство. Поради ова некои операции кои не се поврзани за коронавирусот се одлагаат, а земјата не може да додаде нови кревети поради тоа што нема доволно персонал. Здравствените работници во Белгија една година апелираат на поддршка и разбирање бидејќи работат со максимален капацитет.

Бразил: На интензивна нега се повеќе помлади од 40 години

Ивона Петрова — Wed, 14 Apr 2021 05:22:26 +0000

Кризата предизвикана од пандемијата со Ковид-19 во Бразил, се повеќе ги погодува младите, покажуваат податоците од болниците собрани минатиот месец, според кои повеќето пациенти на интензивна нега се помлади од 40 години. Извештајот е објавен од бразилската Асоцијација за интензивна нега и се базира на податоци од повеќе од една третина од одделите за интензивна нега во државата, кои бележат голем пораст на бројот на пациенти кај помладата популација на кои им треба интензивна нега. За првпат од избувнувањето на пандемијата во Бразил, 52 проценти од капацитетот за интензивна нега се пополнети од пациенти помлади од 40 години. Повеќе од 82.000 нови случаи на заразени со Ковид-19 се регистрирани вчера во Бразил, со што вкупниот број достигна 13,5 милиони. Бразил е трета земја во светот според бројот на заразени и втора според бројот на смртни случаи од последиците од инфекција со коронавирусот.

Јапонија: Најголем број пациенти на интензивна нега од почетокот на пандемијата

Ивона Петрова — Tue, 15 Dec 2020 07:34:37 +0000

Јапонија има најголем број на пациенти со Ковид-19 на интензивна нега од почетокот на пандемијата – рекордни 588 пациенти со коронавирус се во критична состојба, објави јапонското Министерство за здравство. Во Јапонија, вчера беа потврдени 1.677 нови случаи на заразени со новиот коронавирус, а други 58 лица починаа како резултат на таа инфекција. Од почетокот на пандемијата, потврдени се вкупно 182.582 случаи на инфекција и 2.656 смртни случаи. Како одговор на наглото зголемување на бројот на новоинфицирани и хоспитализирани, локалните власти засилија анти-епидемиски мерки. Токио побара забраната за ресторани и барови (работа до 22 часаот) да биде продолжена до 11 јануари, а префектурата Осака побара мерката за предвремено затворање на сите ресторани и барови што служат алкохол во градот Осака да биде во сила до 29 декември.

Белгиската министерка за надворешни на интензивна нега поради Ковид-19

Ивона Петрова — Thu, 22 Oct 2020 09:37:32 +0000

Министерката за надворешни работи и поранешна премиерка на Белгија, Софи Вилмес, е хоспитализирана на интензивна нега откако беше заразена со Ковид-19, јави дописничката на МИА од Брисел. Четириесет и пет годишната Вилмес пред една недела на социјалните мрежи извести дека е позитивна на вирусот, во меѓувреме состојбата и се влошила и е префрлена на интензивна нега, соопштија од нејзиниот кабинет. Од болницата смируваат дека нејзината состојба е стабилизирана, но дека има потреба од постојана нега. Во Белгија во изминатите 24 часа забележани се рекордни 13.227 новозаболени лица и 50 смртни случаи.

ФОТО: Со љубов против коронавирус – Пар од Италија позитивен на Ковид-19 прослави 50 години брак на интензивна нега

Ивона Петрова — Wed, 15 Apr 2020 10:22:38 +0000

Сопружници од Италија позитивни на коронавирус ја одбележаа својата златна годишнина од брак на одделението за интензвина нега. Малата прослава им ја организирал медицинскиот персонал. Сандра (71) и нејзиниот сопруг Џанкарло (73) се држеа за раце лежејќи на нивните кревети со маски за кислород на лицата во една од италијанските болници. За нивната причина за славење, дознала медицинската сестра Роберта Ферети која им ја организирала прославата. -Сандра плачеше многу, не за неа, туку беше загрижена за сопругот. Тој ми кажа колку многу ја сака, и после толку години поминати заедно. Кога дознав дека им е годишнина, помислив дека тоа мора да се прослави, рекла Роберта. Забавата траела 10 минути. Тие добиле мали тортички на кои биле ставени свеќи со бројките 5 и 0, но истите не биле запалени поради кислородните боци кои се наоѓале во близина. -Им ги доближивме креветите, се држеа за раце со и онаа малку силата која се уште ја имаат. Беше неверојатен момент, многу убав, тие минути ни го плаќаат целиот труд и жртва која ја вложуваме овие денови. Тој постојано повторуваше колку многу ја сака, а ние не можевме да престанеме да плачеме. Во воздухот можеше да се почувствува љубовта која секој од нас ја бара, некои и целиот живот, вели медицинската сестра. Децата на Сандра и Џанкарло, Џанлука и Андреа добиле фотографии од прославата и истакнале дека тоа е прекрасен подарок за нив. -Нашите родители се родени за да бидат заедно, тие се еден старомоден пар, каков што денеска многу ретко може да се види, велат нивните деца. Парот набрзо бил тргнат од интензивна нега и се верува дека наскоро мажот и жената заедно ќе бидат отпуштени од болница.

И приватни здравствени установи ќе вршат интензивна нега и терапија на пациенти со коронавирус

Ивона Петрова — Tue, 24 Mar 2020 06:56:31 +0000

Приватните здравствени установи надвор од мрежата на здравствени установи кои вршат дејност за интензивна нега и терапија, ќе ја вршат оваа дејност во мрежата на здравствени установи за укажување здравствени услуги на пациенти заболени од коронавирус, одлучи Владата на вчерашната седница. Одлуката ќе важи додека трае вонредната состојба во земјава. -Фондот за здравственото осигурување ќе склучи договори со овие институции со кој ќе се утврдат обемот и видот на здравствените услуги кои приватната здравствената установа ќе ги врши во периодот на важењето на оваа Уредба, согласно прописите од областа на задолжителното здравствено осигурување, соопшти владината прес-служба.