Интервентен фонд – Kurir.mk

Почнува поднесувањето барања за поддршка од земјоделскиот Интервентен фонд

Катерина Бојаџиева — Tue, 19 Apr 2022 09:20:34 +0000

Земјоделските стопанства од денеска ќе можат да поднесуваат барања за финансиска поддршка од Програмата за спроведување на Интервентниот фонд, соопшти Платежната агенција. Со Програмата е предвидена финансиска поддршка за трошоци за набавка на вештачки ѓубриња, за предадено јагне и заклани гоеници во регистриран кланичен капацитет, како и за одгледување кокошки несилки, за што се обезбедени 400 милиони денари. Барањата за финансиска поддршка за вештачки ѓубриња ќе се поднесуваат најдоцна до 31 мај 2022 година, а барањата за несилки до 30 април 2022. -Барањата за финансиска поддршка за трошоци за набавка на вештачки ѓубриња во производството на пченица, јачмен, пченка и сончоглед ќе се поднесуваат во електронскиот систем на Агенцијата. Барателите на кои им е потребна помош при пополнување на електронското барање за помош можат да се обратат во подрачните единици на Министерството за земјоделство, шумарство и водостопанство. Во прилог на барањето како доказ се доставуваат финансиски документи за набавеното ѓубре во период од 1 декември 2021 година до 31 мај 2022 година, наведува Агенцијата. Висината на финансиската поддршка изнесува 2.500 денари по хектар за јачмен и сончоглед, односно 4.000 денари по хектар за пченица и пченка за користено гранулирано ѓубре. Висината на финансиската поддршка изнесува 400 денари по хектар за користено течно ѓубре. Исплатата ќе се врши еднаш неделно, по обработка на примените барања. Според Агенцијата, барањата за финансиска поддршка за одгледување несилки ќе се поднесуваат со рачно пополнување. Притоа, треба да се достави потврда за бројна состојба на кокошки несилки издадена од официјален ветеринар. Висината на финансиската поддршка е 60 денари по несилка. Финансиската поддршка за предадено јагне и заклани гоеници во регистриран кланичен капацитет ќе се извршува врз основа на податоци кои до Агенцијата ќе ги доставуваат регистрираните кланични капацитети, без претходно поднесено барање. Висината на финансиската поддршка изнесува 400 денари по грло предадено јагне во период од 1 јануари до 31 мај 2022 година. Висината на финансиската поддршка изнесува 1500 денари по гоеница со тежина над 90 килограми заклана во период од 1 февруари до 30 април 2022 година.

Трипуновски: Интервентен фонд ќе немаше ако не беа пратениците од ВМРО-ДПМНЕ!

Магдалена Андонова — Sat, 02 Apr 2022 12:08:26 +0000

Интервентен фонд ќе немаше ако не беа пратениците од ВМРО ДПМНЕ! За нештата да бидат појасни : Во предлог буџетот за 2022 година СДСМ не предвиде пари наменети за интервентен фонд туку пратениците од ВМРО ДПМНЕ и коалицијата преку поднесен амандман се побараа дополнителни 600 мил. денари . На самата комисија власта фатена во небрано ја менува сумата во 250 мил. денари само и само да не биде онака како што предлага опозицијата, амандманот поминува и станува составен дел од буџетот за 2022 година, стои во Фејсбук статусот на Цветан Трипуновски од ВМРО-ДПМНЕ. Тој во својата објава напиша дека ако СДСМ имаа намера да формираат интервентен фонд ќе предложеа пари уште во креирањето на буџетот, и ако не беа лицемерни ќе ја прифатеа нивната предложена сума од 600 мил. денари за вистински да се помогне на земјоделците. - Дополнително исто како и изминативе пет години со СДСМ на власт сите мерки или се промашени или задоцнети, додава Трипуновски.

Трипуновски: СДСМ не предвиде пари наменети за Интервентен фонд, истиот ќе го немаше доколку не беа пратениците на ВМРО-ДПМНЕ!

Тале Кристо — Wed, 16 Mar 2022 16:00:13 +0000

Интервентен фонд ќе немаше ако не беа пратениците од ВМРО ДПМНЕ!, пишува на социјалната мрежа на Фејсбук Цветан Трипуновски од ВМРО-ДПМНЕ. За нештата да бидат појасни : Во предлог буџетот за 2022 година СДСМ не предвиде пари наменети за интервентен фонд туку пратениците од ВМРО ДПМНЕ и коалицијата преку поднесен амандман се побараа дополнителни 600 мил. денари . На самата комисија власта фатена во небрано ја менува сумата во 250 мил. денари само и само да не биде онака како што предлага опозицијата, амандманот поминува и станува составен дел од буџетот за 2022 година. Ако СДСМ имаа намера да формираат интервентен фонд ќе предложеа пари уште во креирањето на буџетот, и ако не беа лицемерни ќе ја прифатеа нашата предложена сума од 600 мил. денари за вистински да се помогне на земјоделците!, пишува во својата објава Трипуновски.