инвалиди – Kurir.mk

Ѓорѓиевски: Ме казнија затоа што со боја обележав паркинг место за инвалиди, кое општината не го обележи цели три години

Тале Кристо — Thu, 08 Apr 2021 14:05:45 +0000

Денеска ме казнија од општината на Филип Темелковски, затоа што сум обележал со боја паркинг место за инвалиди пред самата општина, паркинг место кое општината цели 3 години не го обележи не само тука, туку никаде во општината, објави на социјалната мрежа на Фејсбук Орце Ѓорѓиевски од ВМРО-ДПМНЕ. -Знаете ли колку чини задоволството и рамноправноста на лицата со инвалидитет во Кисела Вода? Само 3.000 денари. Толку денеска ме казнија од општината на Филип Темелковски, затоа што сум обележал со боја паркинг место за инвалиди пред самата општина, паркинг место кое општината цели 3 години не го обележи не само тука, туку никаде во општината. Епа почитувани сограѓани, за да видам задоволство, насмевки, а воедно и олеснување во секојдневието на живеење на лицата со инвалидитет, не само 3.000 денари казна, туку и 30.000 денари ако треба ќе платам. Се надевам дека со париве од мојата казна ќе купат боја и ќе обележат нови паркинг места, вели во својата објава Ѓорѓиевски.

Пензионерите, инвалидите и бремените жени ќе имаат предност во маркетите во Словенија

Тале Кристо — Thu, 19 Mar 2020 12:22:39 +0000

Поради коронавирусот при пазарањето во словенечките маркети предност ќе имаа пензионерите, инвалидите и бремените жени, соопшти Кризниот штаб. Дописникот на МИА од Љубљана јавува дека одлуката која веќе почна да важи се однесува на временскиот период од осум до десет часот наутро. Пред поголемите маркети веќе е распоредено обезбедување кое прави ред кој и кога може да влезе да пазари, а целта е да се избегне метежот и можното ширење на коронавирусот. Дополнително во некои маркети не може воопшто да се влезе без да се направи целосна дезинфекција на рацете. Поради големите гужви во продавниците за храна многу често се случуваше некои производи воопшто да не можат да се најдат за продажба.

Мајка-монструм: Ги терала своите здрави деца да глумат дека се инвалиди, за тоа земала 140.000 евра

Ивана Ефремовски — Wed, 11 Sep 2019 10:29:11 +0000

Германката Мајке Б. (49), која е обвинета за злоупотребување на штитеникот и измама, ги лажела службите за здравствено осигурување и државните институции дека нејзините четири деца биле тешко заболени и на тој начин неосновано подигнала 140.000 евра социјална помош. Нејзината приказна за болните деца за кои е неопходна нега предизвикала сожалување од јавноста низ Германија, по што таа се појавила во неколку телевизиски емисии, во кои раскажувала за проблемите со кои наводно се соочувала секој ден. Мајката на пет деца, која одговара пред Покраинскиот суд во Либек (Шлезвиг-Холштајн), не само што ги терала своите четири деца од 10, 15, 17 и 18 години да седат во инвалидски колички за преку измама да подигне социјална помош, туку и без никаква потреба самата им давала инјекции, открил семејниот доктор пред судот. Тој изјавил дека на адресата на неговата лекарска пракса биле испорачани лекови против хемофилија во вредност од 100.000 евра, кои биле предвидени за децата на Мајке Б., иако тие не биле болни. -Една инјекција чинела околу 1.300 евра. Мајката навистина им ги давала тие инјекции на децата еднаш неделно – изјавил тој. Тој додал дека на нејзините деца не била дијагностицирана никаква болест, но дека мајката сама вршела специјалистички прегледи во Хамбург, Хановер, Магдебург и Диселдорф, каде очигледно и препишувале лекови против хемофилија. Нејзината најстара ќерка (27) изјавила пред судот дека мајката ги убедила децата „дека уште повеќе ќе се разболат ако не седат во инвалидски колички“. Според нејзините зборови, седеле во количките „кога и да ги посетувале вештаци и други луѓе. Таа им зборела дека тогаш посебно треба да се преправаат дека се болни“, рекла девојката која се преселила од фамилијарниот дом уште во 2013 или 2014 година. Според зборовите на сведоците и вештаците, сите четири деца се здрави како дрен и не им биле потребни инвалидски колички. -Децата се забавуваа надвор и беа многу живи. Се качуваа на дрва од четири метри, што јас, секако, им забранував, изјавила една воспитувачка.