Анкета на СДССС: 102,4% сметаат дека Заев не смее да даде оставка!!!

Љупчо Цветановски — Wed, 10 Nov 2021 09:42:07 +0000

И додека цела Македонија ја чекаше оставката на човечето кое само и „ничим изазваним“ си ја црпна и најави, нова, трогателна анкета ги разнежни срцата на северџаните. Не на Македонците, тие се отрпнати на ЗЗ и неговите глупоштии, ова беше зезанција наменета за оние со IQ33 и со нежно, лукративно-опортунистичко срце... Според најновата анкета на „Рејтинг без рејтинг“, северџано-реномирана агенција на Спасов, цели 102,4 насто од жителите на државата биле остро против каква и да е оставка на Заев. Не само тоа, дури 124 насто од граѓаните побарале опозицијата под итно да му се извини што го „тепала“ на избори и му предизвикала силен душевен немир. Уште поцврсто, „граѓаните“ реагирале на прашањето – „Дали Заев треба да биде доживотен премиер на она на „С“?“ Тука, бројките на агенцијата која има рејтинг колку просјак за кредит во банка, се повеќе од драматични. Верувале или не, а поверојатно второто, цели 202% од испитаниците на Спасов се изјасниле за „ЗА“, односно дека Зочето треба да ја води северџанската направија до крајот на својот живот. Чуму не и понатаму, рекле 262%... 278%, меѓу другото, сметале дека и неговите наследници треба да продолжат онаму каде што ЗЗ застанал. Не, не со читање на „Зоки Поки“, туку во разградување на Македонија, Македонците и македонштината... Уште поневеројатно, но во посебен дел на истражувањето на истиот тој Рејтинг без рејтинг и Али ветил дека ќе зборува македонски, Радев и Каракачанов јавно ќе признале дека сме Македонци, а Брисел ќе дал датум. Во третиот дел на анкетата, Рашко најавил дека нема да краде државни пари и да злоупотребува државни фунцки, Катица се заколнала дека нема да зема рекет, а по неа и Боки 13, Дончев свечено се обврзал дека нема јавно, пред камера, да брои стотици илјади евра, Павле Бели Богоевски се откажал од купување кокаин, Артан Нежни дека нема да лета орлиња, комбе-шоферката Димова ветила оти нема да дава стотици илјади евро-банкноти на магариња и фризерки. Дури и Боро Малборо со рака на срце кажал дека нема да шверца цигари и да пука по полиција, а Чипсио стокмил на писмено оти нема да краде марихуана и да ја дистрибуира со полициски аута... Ок, и покрај се’, Рада не ја убедиле дека знамето на авионот амерички не е наше, ниту директорот на пошта дека Хрватска не е толкава ко што била во фашизмот, Пендаровски дека Делчев не е Бугарин, Денко уште помалку, а Зоче и даље мислел дека орденот од црногорскиот принц е вистински, ко принцот, ко Столтенберг, Порошенко. Не ни дознал пустиот дека го наместиле, не му ни кажале неговите... И така – Заевци од ЦО и ИО на СДССССС изгласаа дека Заев не треба да даде оставка, нели? Аха. А сите тие пусти клонови, со стаж од 3 до 5 години, да ти биле сместени/ставени од истиот тој Зоки таму? Хммм, душички напатени, нешто ко и „анкетата“ меѓу членството на СДССС за истото прашање, која гарант ќе испадне 302% против оставка на црпнатото чедо. Аргументирано, држи вода. Ќе гласаат и со раце, јазици, нозе, па и со лакти, колена, стомачиња, рамена, со се’ што треба. Ако тој падне, паѓаат и тие. Па кој луд северџан би бил за смена на „другарчето“ кој од неподобни за портири ги стори фаци и функционери во СДССССС? Никој, разбира се... Туку, Заевци, народот не е СДССССС, покажа на избори. Ви текнува на онаа шлаканицата што уште ви одѕвонува во ушите кои ЗЗ секој ден ви ги тегне? И бадијала, ма што чуда, закани и уцени да направите в четврток во собрание, доверба онаму каде што треба немате. Потемкиновото/северџанското село се руши, тоне ко Титаник на Јанева, нема спас. За финале, фалат уште само Пендаровски, Јовески, Стојанче, Кацарска, Џолев и Барон Минхаузен да кажат дека не ја прифаќаат оставката на Заев. Се чекало и на дечките од „Монструм“, „Диво насеље“, вдомената шарена армија, Васиљ, Амон Мрак, Шилегов, Јоци, ПМГ суртук, командант Кочо, па Борисов, Меркел, Ципрас, Радев, Макрон, Рама. Журката на поддршка ќе заврши со 23 тона нафта, омилениот освежителен пијалак во северџанија. Здравицата ќе ја кажува Зоран кој ќе рече дека поради датум од ЕУ е против оставка на Заев... Дојде не така тивко и замина. Во легендите ли? Јок, во Шутка...

ио цо сдсм – Kurir.mk

Анкета на СДССС: 102,4% сметаат дека Заев не смее да даде оставка!!!