иом – Kurir.mk

ИОМ: Во Украина внатрешно раселени се над 7,1 милиони луѓе

Катерина Бојаџиева — Tue, 05 Apr 2022 15:08:42 +0000

Бројот на внатрешно раселени лица во Украина се искачи над 7,1 милион, додека нивниот број пред една недела изнесуваше околу 6,5 милиони луѓе, соопшти денеска Меѓународната организација за миграција (ИОМ). – Луѓето и понатаму ги напуштаат своите домови поради војната, а на терен продолжуваат да растат хуманитарните потреби, изјави генералниот директор на ИОМ, Антонио Виторино. Според анкетите на ИОМ, повеќе од една третина од раселените домаќинства минатиот месец биле без приходи. Повеќе од половина од домаќинствата имале деца и постари лица кои живееле со нив. Хронично болните пациенти живееле во 30 проценти од домаќинствата. Бројот на луѓе кои ја напуштиле Украина и заминале во други земји од почетокот на руската инвазија се искачи на 4,2 милиони, покажуваат најновите податоци на Агенцијата за бегалци на ОН.

ИОМ: Пресретнати 126 мигранти во близина на Либија

Магдалена Андонова — Thu, 17 Dec 2020 15:01:09 +0000

Либиската крајбрежна стража пресретна повеќе од 120 мигранти, меѓу кои осум жени и 28 деца, соопшти денеска Меѓународната организација за миграција (ИОМ). Чамецот со кој се превезуваа мигрантите запрен е синоќа во близина на либискиот брегот и мигрантите се вратени во Либија. – Повторуваме дека Либија не е безбедно пристаниште, објави ИОМ на Твитер. Портпаролот на ИОМ во Либија, Сафа Мсехли изјави дека 126. Мигранти се одведени во центрите за притвор во Либија. (МИА)

ИОМ: Шест мигранти ги загубија животите во близина на брегот на Либија, 93 спасени

Магдалена Андонова — Sat, 27 Jun 2020 13:42:32 +0000

Шест мигранти се удавија во близина на либискиот брег, додека група од 93 мигранти се спасени, соопшти денеска Меѓународната организација за миграција (ИОМ). Преживеаните мигранти се пренесени во пристаниште на околу 120 километри западно од Триполи. „Меѓу нив е и жена која се породи во чамец“, соопшти канцеларијата на ИОМ во Либија, додавајќи дека според сведочењето на мигрантите, настрадале шест лица. Хуманитарните организации често го критикуваат фактот дека мигрантите се испраќаат во Либија, каде камповите се полни. Хуманитарните бродови честопати ги пресретнуваат либиската крајбрежна стража, која ги носи спасените мигранти во либиското копно.

ИОМ: Повеќе од илјада мигранти се удавија во Средоземно Море

Матеја Петровски — Mon, 02 Jul 2018 12:01:08 +0000

Повеќе од 1.000 луѓе се удавија во првите шест месеци од годината во Средоземно Море, на пат од Либија кон Европа, соопшти денеска Меѓународната организација за миграција (ИОМ). Само во последните неколку денови се удавија 204 лица. - Алармантно е зголемен бројот на загинати на море во близина на брегот на Либија. Криумчарите го користат очајничкото инсистирање на мигрантите што побрзо да заминат, пред Европа да ги примени построгите мерки за тие што го преминуваат Медитеранот, истакна шефот на либиската мисија ан ИОМ, Отмар Белбеиси. Додека портпаролот на ИОМ, Леонард Дојл наведе дека порастот на бројот на мигранти можеби се должи на подобрување на временските услови и завршување на муслиманскиот месец Рамазан. Тој додаде и дека мигрантите брзаат што побрзо да пристигнат, пред Европска унија да ги примени построгите мерки. - Криумчарите секогаш ќе го стават профитот пред безбедноста, посочи Дојл. И покрај зголемувањето на смртните случаии во последните денови, нивниот број сепак е двојно помал во споредба со првите шест месеци од 2017 година. Патот преку Сахара, а потоа преку Средоземно Море и понатаму е најопасна мигрантска рута во светот. (Миа)