ипсос – Kurir.mk

СО ЗНАЕЊЕ КОН ПРЕВЕНЦИЈА Истражување на Галеника: Користење на лекови во Македонија

Super Admin — Fri, 23 Dec 2022 12:25:27 +0000

Фармацевтската компанија Галеника спроведе национално истражување за состојбата со здравјето и употребата на лекови во Македонија. Истражувањето е со цел да се види каква е состојбата после, односно поради пандемијата. Очигледна е свеста за важноста на превенцијата на болестите, како и потребата да се подигне свеста за здравствените ризици и предизвици. Податоците говорат дека употребата на лекови во Македонија е конзистентна со земјите од регионот каде Галеника е веќе присутна со своите производи.

„Со ова истражување, кое го спроведовме и во земјите од регионот, Галеника сака преку релевантни податоци да придонесе за подигање на свеста за важноста на превенцијата и зачувување на здравјето на граѓаните во Македонија, како и за проширување на нашето портфолио со висококвалитетни производи кои на најдобар начин ќе одговорат на моменталните потреби на корисниците. Галеника секогаш настојува да обезбеди дополнителна вредност на пазарот, а сознанијата стекнати преку ова истражување го сметаме за вредност која ќе се фокусира на она што е највредно за нас, а тоа е здравјето и неговото зачувување“, вели Даниел Јаневски, директор на претставништвото на Галеника во Македонија.

Најчесто користени лекови

Според истражувањето на Галеника во домашните аптеки на граѓаните во Македонија најчесто се наоѓаат производи кои регуларно може да се издаваат без лекарски рецепт, - 80% од испитаниците одговориле дека вообичаено дома ги имаат овој тип на производи, како што се таблети, капсули, масти и гелови за вообичаените тегоби или болести. Видови на лекови кои граѓаните ги имаат во своите домашни аптеки, независно дали спаѓаат во оние кои регуларно се издаваат со рецепт или не, најчести се лековите за настинка, воспалено грло и кашлица (75%), додека 73% се изјасниле дека дома имаат антипиретици за намалување на високата температура, а аналгетици имаат 61% од луѓето. Употребата на производи против алергија покажува глобален раст, а во Македонија домашните аптеки на 47% од населението содржат и антиалергични лекови. Една од состојбите која често се среќава во истражувањето е дијарејата поради што 44% од луѓето дома имаат лекови и препарати за оваа тегоба. Во домашните аптеки кај 37% има и лекови и препарати за обработка на површински рани.

Акутни здравствени проблеми

Главоболките или болките во рбетот и екстремитетите се најчестите акутни проблеми за граѓаните на Македонија. Според истражувањето 85% од испитаниците се пожалиле на овој тип на болки, додека 61% се соочуваат со респираторните инфекции со/и без повисока температура. И тоа 38% се изјасниле дека со респираторни проблеми се соочуваат 1 до 3 пати годишно, а 24% рекле дека состојбата се повторува повеќе од 4 пати годишно. Гастроинтестиналните проблеми се појавуваат во одговорите на 60% од испитаниците, додека алергијата е присутна во анкетите на 36% од испитаниците. Дури 2/5 или 40 % од луѓето користат аналгетици на месечно ниво, додека 22% од испитаниците ги користат на неделно ниво. Останатите 38% се изјавиле дека користат ретко или не користат. Многу помал број од испитаници се изјасниле дека посегнуваат по лековите за смирување, и тоа 15% се неделни корисници, а 13% се месечни корисници, додека 1/5 од луѓето имаат лекови за полесно варење. Овие податоци укажуваат на современ начин на живот кој со себе носи стрес и лоши навики во исхраната, кои изискуваат поддршка. Од јануари 2020 година 63% од луѓето користеле антибиотици. Во просек луѓето земале 2,6 пакувања антибиотици од почетокот на пандемијата.

Хронични состојби и лекови

Истражувањето на Галеника покажува дека нешто повеќе од една третина од луѓето велат дека имаат хронична состојба поради која мораат редовно да користат лекови. И тоа 15% од испитаниците се соочуваат со кардиоваскуларни проблеми, што значи дека болестите на срцето и на крвните садови се најчестото хронично заболување. Алергиите се високо листата со 7% главоболките и дијабетес со по 6%, по што следат ревматолошките проблеми со 5%. Испитаниците подеднакво се пожалиле на болестите на штитната жлезда, на ‘рбетниот столб, на органите за варење, на белодробните заболувања, како и стресот и другите психолошки проблеми - по 4%. Граѓаните на Македонија со хронични заболувања во просек користат по 3,3 различни лекови за лекување на хронични состојби.

Суплементи

Речиси 2/3 или 61% од испитаниците се изјасниле дека конзумираат намирници и состојки за кои сметаат дека се корисни за нивниот имунитет. Физичката активност е вториот приоритет за одржување на здравјето, односно 55% од испитаниците се изјасниле дека одат на редовни прошетки или рекреативно спортуваат. Од додатоците за зајакнување на имунитетот граѓаните преферираат или суплементи со витамини и минерали или препарати посебно наменети за подигање на имунитет – 48%. Минералите и витамините вообичаено се користат сезонски, односно кога луѓето сметаат дека им е потребна заштита, а најголем број испитаници претпочитаат поединечни витамини и минерали. Луѓето во просек земаат најчесто околу 3 производи на минерали и витамини. При изборот на производот најмногу влијае советот од докторот, а потоа на фармацевтот. Сепак, кога се бира лек во аптеката, речиси 4/5 луѓе сметаат дека советите на фармацевтот се важни. За здравствени проблеми 3/5 од населението секогаш се обраќаат на лекарот за совет, додека останатите кај доктор одат само за посериозни здравствени проблеми. За 65% од граѓаните во Македонија Интернетот е важна алатка за истражување на сопствените симптоми или за добивање дополнителни информации за добиената здравствена дијагноза. Собирањето податоци за истражувањето на Галеника во Македонија го спроведе ИПСОС во периодот на септември-октомври 2022 година, во урбани и рурални средини, меѓу населението на возраст од 18-70 години, мажи и жени. *** Фармацевтската компанија Галеника е основана во 1945 година. По приватизацијата во ноември 2017 година, таа стана дел од NC Групацијата (www.gruponc.net.br), која ја вклучува ЕМС - најголемата фармацевтска компанија во Бразил и една од најголемите фармацевтски компании во цела Латинска Америка. Галеника е на второто место по пазарен удел во Србија и произведува генерички лекови, додатоци во исхраната, козметички производи и медицински помагала. Стратегијата на Групацијата е развој на Галеника како модерна и флексибилна компанија, фокусирана на истражување и развој, која постојано работи на подобрување на своите производи за подобрување на здравјето и квалитетот на животот, на задоволство на корисниците.

АНКЕТА: Победа на ВМРО-ДПМНЕ на следните избори, Мицкоски со највисок рејтинг меѓу политичарите

Ивона Петрова — Thu, 29 Sep 2022 11:27:13 +0000

Победа на ВМРО-ДПМНЕ на следните избори покажуваат резултатите од најновата анкета на ИПСОС спроведена за потребите на опозициската партија. Својот глас на следните избори за ВМРО-ДПМНЕ би го дале 19 проценти од анкетираните, додека 9 проценти би гласале за СДСМ. Левица на анкетата има 5 проценти од гласовите. За ДУИ би гласале 6 отсто од анкетираните, додека два за Алијанса и по еден процент за Алтернатива, БЕСА и ДПА. Претседателот на ВМРО-ДПМНЕ, Христијан Мицкоски има највисок рејтинг меѓу политичарите според резултатите од анкетата. Прашани да ја оценат работата на политичарите со оценка од 1 до 10, најголем дел од анкетираните висока оценка дале за Мицкоски. Неговата работа е оценета со 7, додека премиерот Димитар Ковачевски од граѓаните добил оцена 4. Со тројка е оценета работата на Димитар Апасиев и Али Ахмети. Анкетата била спроведена од 2 до 21 септември на 1025 испитаници.

Анализа од анкетата на ИПСОС: На предвремени избори ВМРО-ДПМНЕ ќе победи со близу 200 илјади гласови разлика во однос на СДСМ

Ристе Здравков — Sun, 07 Aug 2022 08:21:22 +0000

Агенцијата ИПСОС за потребите на ВМРО-ДПМНЕ спроведе теренска анкета на јавното мислење на 1.014 испитаници за периодот од 01 до 18 јули 2022 година. Анкетата се однесува на повеќе актуелни прашања. Согласно анализата на бројките на следните парламентарни избори би излегле од 870 до 875 илјади граѓани. Изведено од измерената процентуална доверба распоредот на гласовите во децимали би бил следен: • ВМРО-ДПМНЕ 355-360 илјади гласови • СДСМ 170-175 илјади гласови • ДУИ 110-115 илјади гласови • Левица 100-105 илјади гласови • Алијанса за Албанците 50-55 илјади гласови • Други 75-80 илјади гласови Потсетување: На прашањето доколку на следните избори би се кандидирале само партии , а не коалициии, за која партија би гласале, резултатите се следни? (*на целата популација) • ВМРО-ДПМНЕ 19.7% • СДСМ 9.5% • ДУИ 6.2% • Левица 5.9% • Алијанса за Албанците 2.8% • Други 4.2% • Неодлучиле 22.5% • Одбиле да одговорат 17% • Не би гласале 12.2% На прашањето доколку на следните избори би се кандидирале само партии , а не коалиции, за која партија би гласале? (* со push нa 48% од определената популација) • ВМРО-ДПМНЕ 40,8% • СДСМ 19,6% • ДУИ 12,8% • Левица 12,2% • Алијанса за Албанците 5,9% • Други 8,7%

Граѓаните ја оценија работата на Ковачевски, премиерот од народот доби 1!

Ивана Ефремовски — Sat, 06 Aug 2022 16:05:51 +0000

Агенцијата ИПСОС за потребите на ВМРО-ДПМНЕ спроведе теренска анкета на јавното мислење на 1.014 испитаници за периодот од 01 до 18 јули 2022 година. Анкетата се однесува на повеќе актуелни прашања. Едното од нив беше прашање за работата на премиерот, а најголем дел од граѓаните го оценија со 1. Како би го оцениле досегашното работење на Димитар Ковачевски како премиер на Република Македонија со оценка од 1 до 5, при што 1 е многу лош резултат, а 5 е одличен резултат? • Оценка 1 – 36% • Оценка 2 – 15 % • Оценка 3 – 20% • Оценка 4 – 11% • Оценка 5 – 8% • Не знам – 10% Целата анкета можете да ја прочитате ТУКА

Анкета ИПСОС: ВМРО-ДПМНЕ со двојна предност над СДСМ, огромното мнозинство против францускиот предлог, Ковачевски со непролазна единица како премиер

Ристе Здравков — Sat, 06 Aug 2022 08:58:01 +0000

Агенцијата ИПСОС за потребите на ВМРО-ДПМНЕ спроведе теренска анкета на јавното мислење на 1.014 испитаници за периодот од 01 до 18 јули 2022 година. Анкетата се однесува на повеќе актуелни прашања. 1. На прашањето доколку на следните избори би се кандидирале само партии , а не коалиции, за која партија би гласале? (*на целата популација) • ВМРО-ДПМНЕ 19.7% • СДСМ 9.5% • ДУИ 6.2% • Левица 5.9% • Алијанса за Албанците 2.8% • Други 4.2% • Неодлучиле 22.5% • Одбиле да одговорат 17% • Не би гласале 12.2% 2. На прашањето доколку на следните избори би се кандидирале само партии , а не коалиции, за која партија би гласале? (* со push нa 48% од определената популација ) • ВМРО-ДПМНЕ 40,8% • СДСМ 19,6% • ДУИ 12,8% • Левица 12,2% • Алијанса за Албанците 5,9% • Други 8,7% 3. Според вас кои се најзначајните проблеми со кои се соочува Република Македонија во моментов, проблеми за кои вие лично сте најмногу загрижени? • Економија/економска состојба/финансии 20% • Лош стандард/мали плати и пензии/ високи цени/ инфлација 16% • Француски предлог/Бугарија 8% • Невработеност 7% • Политика и политичка криза/партизирано општество 4% • Корупција/криминал 4% • Здравство 3% • Проблеми со идентитетот на државата 2% • Промена на името 2% • Сиромаштија 2% • Иселување на младите од државата 2% • Неизвесна иднина/несигурност/нестабилност/ нема напредок 2% • Има многу проблеми/ општ хаос 2% • Лоши политичари 1% • Меѓучовечки односи/поделеност меѓу населението/дискриминација 1% • Образование 1% • Земјоделие/пласман на производи 1% • Владата/тековната власт 1% • Меѓуетнички односи 1% • Влез во ЕУ/ евроинтеграција 1% • Судство 1% • Проблеми во меѓународна политика 1% • Енергетска криза/струја 1% • Нефункционирање на системот и институциите 1% • Војна/ Украина / Русија/ мир 1% • Друго 6% • Не знам 8% 4. Дали го поддржувате или не го поддржувате францускиот предлог за надминување на спорот помеѓу Македонија и Бугарија? • Не го поддржувам 58% • Го поддржувам 26% • Одбива да одговори 16% 5. Како би го оцениле досегашното работење на Димитар Ковачевски како премиер на Република Македонија со оценка од 1 до 5, при што 1 е многу лош резултат, а 5 е одличен резултат? • Оценка 1 - 36% • Оценка 2 - 15 % • Оценка 3 - 20% • Оценка 4 - 11% • Оценка 5 - 8% • Не знам - 10%

АНКЕТА ИПСОС: На предремени избори убедлив победник ВМРО-ДПМНЕ, огромно мнозинство сметаат дека Ковачевски лошо работи

Ивана Ефремовски — Sun, 15 May 2022 07:18:33 +0000

Агенцијата ИПСОС за потребите на ВМРО-ДПМНЕ изработи теренска анкета на јавното мислење на 1.000 испитаници за периодот од 06 до 26 април 2022 година. Анкетата се однесува на повеќе актуелни прашања. Добиените резултати ги пренесуваме во продолжение: На прашањето доколку утре се оддржат предвремени парламентарни избори и доколку на тие избори се кандидираат само партии, а не коалиции, за која партија би гласале? ВМРО-ДПМНЕ 22% СДСМ 12.9% ДУИ 6.2% Левица 5.4% Алијанса за Албанците 2.8% БЕСА 2% Алтернатива 1.3% Други партии 3.9% Неодлучни 17.1% Одбивам да одговорам 15.8% Нема да гласам 10.6% Кои се најзначајните проблеми? Лош стандард, ниски плати и пензии, високи цени 20% Економија, финансии 19% Невработеност 10% Криминал, корупција 6% Образование 4% Иселување на млади од државата 3% Меѓусоседски односи- односи со Бугарија 3% Лошо здравство 2% Лоши услови во земјоделие 2% Останати теми 24% Не знам 7% Како го оценувате досегашното работење на Димитар Ковачевски? Лош резултат 38% Многу лош резултат 24% Добар резултат 24% Одличен резултат 11% Не знам 3% Со која од следните изјави се согласувате највеќе? -Македонија треба да ги вклучи без услови Бугарите во Уставот ако Бугарија писмено гарантира дека ќе го тргне ветото за отпочнувањена преговорите со ЕУ- 32% -Македонија треба да бара реципроцитет од Бугарија за да ги вклучи Бугарите во Уставот ако Бугарија писмено гарантира дека ќе го тргне ветото за отпочнување на преговорите со ЕУ- 39% -Македонија треба без услов да ги вклучи Бугарите во Уставот и покрај тоа што Бугарија не гарантира дека ќе го тргне ветото за отпочнување на преговоритесо ЕУ- 10% -Не знам- 19% Која страна ја поддржувате во војната со Украина? Русија 13% Украина 29% Двете страни 10% Ниту една 38% Не знам 10%

АНКЕТА: Доколку утре има избори голема победа на ВМРО-ДПМНЕ, Мицкоски политичар со најголема доверба од народот

Ивона Петрова — Tue, 05 Apr 2022 07:13:18 +0000

Убедлива победа на ВМРО-ДПМНЕ доколку утре се одржат предвремени парламентарни избори покажуваат резултатите на анкетата спроведена од ИПСОС. За ВМРО-ДПМНЕ според податоците од анкетата би гласале 18,2 проценти од анкетираните, а на СДСМ 9,5 отсто. Левица ќе го добие гласот од 4 проценти од испитаниците. Кај албанските партии ДУИ има 4,1 проценти, Алијанса на Албанците 3,5, Беса 4,2, Алтернатива 0,7%, а ДПА 0,4 проценти од гласовите. За други партии би гласале 1,2 проценти од анкетираните. По ова прашање неодлучни се 16,5 проценти, одбиваат да одговорат 15,9 отсто, а дека нема да гласаат одговориле 24,6 проценти. Претседателот на ВМРО-ДПМНЕ, Христијан Мицкоски ужива најголема доверба кај граѓаните. На прашањето „На кој политичар можете најмногу да верувате?“, девет проценти се изјасниле дека тоа е Мицкоски. Претседателот на државата Стево Пендаровски ужива доверба од шест проценти од анкетираните, додека за премиерот Димитар Ковачевски својот глас го дале 4 отсто. Димитар Апасиев и Али Ахмети имаат по три проценти, а еден процент помалку од нив, според резултатите, имаат Зијадин Села и Зоран Заев. Најголем дека од граѓаните се согласуваат со изјавата дека „Македонија треба да бара реципроцитет“ - 39 проценти. За изјавата „Македонија треба да ги вклучи без услови Бугарите во Уставот ако писмено гарантира дека ќе го тргне ветото и државата ќе почне преговори со ЕУ“ гласале 20 отсто. Десет проценти сметаат дека „Македонија треба без услов да ги вклучи Бугарите во Уставот и покрај тоа што Бугарија не гарантира почеток за преговори со ЕУ. Со која изјава би се согласиле, не знаат 31 процент од анкетираните. Теренската анкета е спроведена за потребите на ВМРО ДПМНЕ, од 02.03 до 16.03.2022 година на 1 007 испитаника.

НАЈНОВАТА АНКЕТА НА ИПСОС ПОКАЖУВА: ВМРО-ДПМНЕ апсолутен победник, мнозинството граѓани незадоволни од досега сработеното на Зоран Заев

Тале Кристо — Tue, 04 Jan 2022 11:27:59 +0000

Најновата теренска анкета на агенцијата ИПСОС која што беше спроведена во два дела, ја прави ВМРО-ДПМНЕ апсолутен победник доколку се одржат парламентарни избори. Имено, ВМРО ДПМНЕ бележи досега најголемо водство од 9% пред СДСМ. Мнозинството граѓани сметаат дека државата оди во погрешна насока, најголем проблем економија, мали плати, а и високи цени покажува најновата спроведена анкета на ИПСОС брифираат од партијата на Мицкоски.. За потребите на ВМРО-ДПМНЕ агенцијата ИПСОС спроведе теренска анкета од 06 до 20.12.2021 година врз 1023 испитаника на територијата на цела држава Република Македонија, запазувајќи ги демографските карактеристики. Во истражувањето се вклучени повеќе прашања, а во прилог ви ги пренесуваме резултатите на дел од нив. 1. Доколку би имало утре предвремени парламентарни избори, и на тие избори би се кандидирале партии, а не коалиции, за која политичка партија би гласале? ВМРО-ДПМНЕ 21% СДСМ 12.5% ДУИ 7.2% ЛЕВИЦА 4.3% АЛИЈАНСА НА АЛБАНЦИТЕ 3.3% БЕСА 0.7% ВМРО НАРОДНА 0.5% ИНТЕГРА 0.4% ЛДП 0.4% ТВОЈА ПАРТИЈА 0.2% АЛТЕРНАТИВА 0.3% НДП-RDK 0.2% ГДУ 0.1% ДЕМОКРАТСКИ СОЈУЗ 0.1% ДОМ 0.1% ДРУГО 0.3% НЕОДЛУЧИЛЕ 19.2% ОДБИВАМ ДА ОДГОВОРАМ 18.1% НЕМА ДА ГЛАСАМ 11.1% 2. Дали државата се движи во правилна насока? Декември Погрешна насока 60% Правилна насока 25% Не знае/одбива 15% Ноември Погрешна насока 57% Правилна насока 31% Не знае/одбива 12% 3. Кој се најзначајни проблеми? Економија/финансии 17% Високи цени, мали плати 13% Невработеност 10% Корупција, криминал 8%. Понатаму, во вториот дел од анкетата = вклучени се повеќе прашања, за тоа какво мислење граѓаните имаат за работењето на премиерот Зоран Заев, за борбата со корупцијата, за економијата ит.н... Во прилог ви ги пренесуваме резултатите на дел од нив. 1. Како го оценувате досегашното работење на Зоран Заев како премиер на државата? Лош резултат од работата 53% Добар резултат од работата 29% 2. Како ја оценувате досегашната борба на Владата против корупцијата? Незадоволителна 64% Задоволителна 29% 3. Дали сте задоволни од пакетот мерки во економијата кој го донесе владата за справување со ковид кризата: Незадоволни 55% Задоволни 37% Инаку, како што објавивме ВМРО ДПМНЕ има стабилна предност во однос на СДСМ од досега највисоки 9%, огромно мнозинство смета дека државата оди во погрешна насока, најголем проблем економија, мали плати, а високи цени.

Анкета ИПСОС: ВМРО-ДПМНЕ со убедлива предност пред СДСМ

Катерина Бојаџиева — Mon, 11 Oct 2021 09:00:06 +0000

Доколку се одржат предвремени парламентарни избори на кои би се кандидирале партии, ВМРО-ДПМНЕ има убедлива предност пред СДСМ. Според анкетата на ИПСОС, дури 22% од испитаниците би гласале за ВМРО-ДПМНЕ. Според брифинг информацијата, за потребите на ВМРО-ДПМНЕ, ИПСОС направи теренска анкета на репрезентативен примерок од 1002 испитаници, во период од 17.09.2021 до 06.10.2021. На прашањето- Доколку се одржат предвремени парламентарни избори на кои би се кандидирале партии, а не коалиции за кого би гласале? (На цела популација) 1. ВМРО-ДПМНЕ 22% 2. СДСМ 16% 3. ДУИ 7% 4. Левица 6% 5. Алијанса на Албанците 5% 6. Беса на Касами 1% 7. ДПА 1% 8. Алтернатива 1% 9. Друго 1% 10. Неодлучни 14% 11. Одбивам да одговорам 16% 12. Не би сакал/а да гласам 10%.

НОВА АНКЕТА НА ИПСОС: ВМРО-ДПМНЕ со предност од 7% пред СДСМ

Дарко Андоновски — Thu, 23 Sep 2021 11:13:27 +0000

Анкета била спроведена врз 1.012 испитаници, а реализирана од страна на ИПСОС. Анкетираните би гласале вака: ВМРО-ДПМНЕ: 18.9% СДСМ 14.4% ДУИ 5.5% ЛЕВИЦА 6.9% АЛИЈАНСА И АЛТЕРНАТИВА 4.9% Од анкетираните најавиле дека ќе излезат да гласаат 56%, а би гласале вака: 33% ВМРО-ДПМНЕ 26% СДСМ 12.4% ЛЕВИЦА 9.8% ДУИ 8.8% АЛИЈАНСА И АЛТЕРНАТИВА