Ирански хакери повторно во напад, објавија банкарски податоци на албански функционери

Тале Кристо — Sat, 24 Dec 2022 13:53:09 +0000

Иранските хакери од групата „Татковинска правда“, денеска објавија нови информации за функционери во албанските министерства и државни институции. Во содржината објавена на мрежата Телеграм ги има нивните имиња, други чувствителни податоци, како и нивни банкарски сметки од банка која работи во земјата, а била хакирана вчера. – Во списокот со имиња можеме да видиме ликови со важен политички статус, но и во правосудните институции. Во некои папки стои името на шефицата на албанското биро за истраги, Аида Хајнај, нејзините лични податоци како и податоци од нејзината банкарска сметка. Има податоци и за некои функционери на државната полиција како Арди Велиу, Гледис Нано. На овој список се наведени и имињата и личните податоци на членовите на Високиот судски совет, како и на дел од пратениците, јави Ора њуз. Најголем дел од списокот на функционери, кои имаат сметка во оваа второстепена банка, го заземаат лица кои работат во Обвинителствата и судовите. Според истиот извор, во врска со кибер-напад врз нејзиниот систем, вчера се огласија и банката која им “арантира на своите клиенти да не се грижат, бидејќи нивните пари се безбедни”.

Иранските хакери ги објавија безбедносните сертификати на вработените во албанската тајна оилиција „ШИШ“

Тале Кристо — Mon, 12 Dec 2022 14:20:48 +0000

Иранските хакери од групата „Татковинска правда“ продолжуваат со објавување тајни податоци преземени по кибер-нападите врз албанските владините системи, извршени на 15 јули и на 9 септември. Денеска објавија податоци на вработените во албанската тајна служба, ШИШ, меѓу другото и нивните безбедносни сертификати и криминални досиеја. -Homeland Justice ги објави податоците на мрежата Телеграм, каде се објавени 214 страници документи, покрај кои пишуваат: „Тревата е секогаш позелена на страната на терористите! О вие што барате од историјата и криминалната историја на секој Албанец! Дали вие го сторивте истото за тие комунистички терористи?, пишуваат хакерите, јави агенцијата Балкан веб. Ова не се првпат да објавуваат податоци за ШИШ, претходно објавија податоци за првиот човек на ШИШ, Херолинд Бендо неговиот заменик Олијан Кануши, односно лични податоци за двајцата, нивни фотографии и телефонски броеви, е- пошта, податоци за патувања. Исто така објавија податоци и за претходниот генерален директор на полицијата Гледис Нано, за актуелниот Мухамет Румбулаку, за премиерот Еди Рама и повеќе министри, како и лични податоци на албански државјани, дури и единствениот избирачки список. Нападите на иранските хакери во албанската кибернетичка мрежа и постојаното објавување мејлови и документи на високи функционери, донесе директна закана по националната безбедност, поради што владата одлучи да ги модернизира серверите на албанскиот систем за што ќе потроши 2,8 милиони евра.

ирански хакери – Kurir.mk

Ирански хакери повторно во напад, објавија банкарски податоци на албански функционери

Иранските хакери ги објавија безбедносните сертификати на вработените во албанската тајна оилиција „ШИШ“