ирена фрчковска – Kurir.mk

Состојбата на Јанева стабилна, се враќа во притвор

Ивона Петрова — Mon, 14 Oct 2019 11:46:26 +0000

Состојбата на поранешната специјална јавна обвинителка Катица Јанева, која е осомничена во случајот „Рекет“, е стабилна и денеска треба да биде пуштена од болничко лекување и вратена во затворот „Скопје“. – Состојбата на Јанева е стабилизирана и препишана и е терапија. Денеска очекуваме да биде пуштена од болничко лекување и вратена во притвор, изјави нејзината адвокатка Ирена Фрчковска. Одбраната, рече таа, се уште го чека одговорот по поднесената жалба за замена на мерката притвор со куќен притвор. – Се уште немаме одговор на жалбата. Денеска го примивме обвинителниот акт и имаме рок од осум дена за приговор, изјави Фрчкоска. Поради висок притисок и општа анксиозност Јанева минатата недела беше пренесена на клиниката „Жан Митрев“ на интернистичко кардиолошки преглед. Јанева е обвинета во случајот „Рекет“ и издржува мерка притвор во истражниот затвор „Скопје“.

Фрчковска: Јанева најверојатно ќе биде пуштена од болница напладне

Ивона Петрова — Mon, 14 Oct 2019 08:54:12 +0000

Поранешната специјална јавна обвинителка Катица Јанева по четири дена болничко лекување во клиниката „Жан Митрев“ денеска треба да биде вратена во притвор во истражниот затвор „Скопје“. Адвокатка Ирена Фрчковска, рече дека очекуваат Јанева денеска да биде пуштена од болничко лекување, кога ќе имаат и повеќе детали за здравствената состојба. – Најверојатно ќе биде пуштена денеска напладне и тогаш ќе знам повеќе детали, изјави Фрчковска. Поради висок притисок и општа анксиозност Јанева минатата недела беше пренесена на клиниката „Жан Митрев“ на интернистичко кардиолошки преглед. Фрчкоска, на 10 октомври, кажа дека Јанева е задржана во клиниката „Жан Митрев“ на понатамошно следење, како пациент во сомнителна прединфарктна состојба. Претходно, одбраната на Јанева побара притворот да и биде заменет со куќен притвор, но Судот го одби ова барање. Јанева е обвинета во аферата „Рекет“ и издржува мерка притвор во истражниот затвор „Скопје“. МИА

Фрчковска: Јанева однесена на интернистичко кардиолошки преглед, нејзината состојба е лоша

Ивона Петрова — Thu, 10 Oct 2019 10:11:51 +0000

Поранешната специјална јавна обвинителка Катица Јанева денеска од истражниот затвор ќе биде однесена во клиниката „Жан Митрев“ каде ќе и биде извршен интернистичко кардиолошки преглед, потврди за МИА нејзината адвокатка Ирена Фрчковска. Здравствената состојба на Јанева, според нејзините адвокати, е лоша и таа се жали на висок притисок и општа анксиозност. Јанева претходно ја примаше соодветната терапија во затворската амбуланта, а ова е прв нејзин преглед надвор од затворот. Претходно, одбраната на Јанева побара притворот да и биде заменет со куќен притвор, но судот го одби ова нивно барање.