ирена мишева – Kurir.mk

Мишева: Дали Градот Скопје е толку богат за да донира 38 милиони денари на здруженија на граѓани?!

Ивона Петрова — Mon, 12 Jul 2021 12:39:52 +0000

Координаторката на советничката група на ВМРО-ДПМНЕ и Коалицијата, Ирена Мишева на денешната седница на Советот на Град Скопје зборуваше за одлуката со која градот сака да им додели 38 милиони денари на здруженија на граѓани за зелен кров. „Дали стопанствениците на дуќани во трговскиот центар Мавровка ќе учествуваат со свои средства во реализација на овој проект или Градот Скопје е толку богат што ќе донира?!”, праша Мишева. Координаторката Мишева се осврна на приоритетите на Градот Скопје кои не се реализирани и укажа дека со оваа предлог одлука се креира пракса дека сите трговски центри преку здруженија на граѓани може да аплицираат и да добијат средства за оваа намена.

Мишева: Oнлајн седниците на градот Скопје се одбегнување на Шилегов за соочување со опозицијата и аргументите на граѓаните

Магдалена Андонова — Wed, 30 Jun 2021 11:07:52 +0000

На денешната седница на советнички прашања на градот Скопје, советничката Ирена Мишева од ВМРО-ДПМНЕ и Коалицијата за обнова на Македонија постави прашање за континуираното одржување на онлајн седници на советот на градот во услови кога има целосно олабавување на ковид мерките во државата. Тоа е еден од начините да се избегне соочување со опозицијата и нејзините ставови, а самата ковид криза се злоупотребува од страна на градот за одржување на онлајн седници во ситуација кога ниту една друга институција повеќе не одржува таков вид на седница, истакна Мишева. Воедно советничката Ирена Мишева посочи дека градоначалникот не го исполнил своето ветување за нова зграда на гимназијата Кочо Рацин во Општината Ѓорче Петров при што наставата се одржува во едни руинирани услови и дотраена зграда. После 4 години не се има започнато со градба на објект кој беше ветуван, а сега најавите дека ќе се започне со градба на новиот објект се само гол популизам пред изборите. Мишева воедно го потсети градоначалникот Шилегов дека нема ништо ниту од пречистителната станица која ја ветуваше за прочистување на отпадните води на реката Вардар. Ако се сака зачувување на животна средина, владата се бори за воведување на еколошка такса за горивата, во исто време градот не гради пречистителна станица која ќе го зачува еколошкото опкружување на градот Скопје.

Мишева: Има големо незадоволство од страна на граѓаните по одлуката на Шилегов и Град Скопје за промена на имињата на улиците

Катерина Бојаџиева — Tue, 30 Mar 2021 16:07:33 +0000

Ставањето на дневен ред на вакви точки, во моментот дискутираме за дополнувања на листата на имиња на улици, плоштади, мостови и на други инфраструктурни објекти на подрачјето на Град Скопје повлекува серија на прашања а исто така не може да се заобиколат реакциите на граѓаните на социјалните мрежи каде што постои видливо јавно незадоволство, вели Ирена Мишева, советник во Советот на Град Скопје од ВМРО-ДПМНЕ на денешната седница на советот. Мишева посочи дека поголем број на граѓани се незадоволни од ваквата одлука, прашувајќи дали по овој предлог од страна на Град Скопје и Петре Шилегов е отворена поширока дебата и дали имаат добиено согласност од влада или мислење од општините каде се предлага промена на имињата. На почеток сакам да нагласам дека од јавно изнесените ставови во медиумите слушнавме дека на листата има дел имиња за кои граѓаните даваат поддршка, но има и имиња кои се спорни и за кои е креирано големо јавно незадоволство. Од тука се наметнуваат повеќе прашања, дали за оваа предлог одлука односно предлог листа Градот Скопје ги прашал граѓаните чии улици ќе се преименуваат. Дали по предлог листата за која понатаму треба да се донесе одлука е отворена една поширока јавна дебата. Дали по предлог листата согласно член 5 став 3 од Законот за определување на имиња на улици, плоштади, мостови и на други инфраструктурни објекти е добиена согласност од влада и мислење од општините каде се предлага промена на имињата. Би сакала да го цитирам член 5, став 3, кој што вели при утврдувања на листата на имиња од страна на советот на Град Скопје, општините од подрачјето на Град Скопје даваат мислење по истата, праша Мишева. Понатаму дали со предлагање на имиња на државници со заслуги за други идеи и држави не сметате дека дополнително ги навредувате чувствата на Македонците во овие населени места и дали не е во спротивност со член 6, став 1 од Законот за определување имиња, кој вели не може да се определи име на улици, плоштад, мост и друг инфраструктурен објект со кој се нарушува угледот на Република Македонија, се навредуваат националните чувства на граѓаните на Република Македонија и на граѓаните на други држави како и се нарушуваат односите меѓу заедниците, обичаите и јавниот морал, објасни Мишева. Дали е добиена согласност од фирмите кои се лоцирани на овие адреси на кои се менуваат и конечно и најважно дали оваа одлука е во согласно по член 8 од законот за определување на улици, кој вели дека име на улица, плоштад, мост и други инфраструктурни објекти не може да се промени на начин во постапка на нивно определување, промена од став 1 на овој член не може да се врши промена шест месеци од одржување на редовни претседателски, парламентарни и локални избори и една година од закажан попис на население, истакна Мишева.