ирена попова – Kurir.mk

Попова: Извештајот од работата на Шилегов е идентичен сите четири години, реализацијата на проекти е нула

Тале Кристо — Thu, 24 Feb 2022 15:00:43 +0000

Ирена Попова, советничка во Советот на Град Скопје од ВМРО-ДПМНЕ на денешната седница на советот, по однос на извештајот за минатата година од последната година од мандатот на претходниот градоначалник на Град Скопје од СДСМ Петре Шилегов вели дека Кога ќе го отворите деталниот извештај како прво да не забележите дека како ставка за минатата година е предвидена набавка на деловен објект за потребите на Град Скопје. Колегата праша каде се парите од градската куќа, ако ова ставка беше реализирана ќе знаевме каде се парите, но за жал претходниот градоначалник нешто што беше направено во завршна фаза, во фаза на преселување бидејќи во буџетот од 2017та година пари за префрлување на администрацијата во Градската куќа, до таа фаза беше сигнат градот Скопје. За жал овие вработени, оваа градска администрација се казнија и се оставија во овие бараки за кои сите ние знаеме од кога се. Градската куќа се продаде а парите ги нема, вели Ирена Попова, советничка во Советот на Град Скопје од ВМРО-ДПМНЕ на денешната седница на советот, по однос на точката на дневниот ред за извештајот од последната година од мандатот на претходниот градоначалник на Град Скопје од СДСМ Петре Шилегов. Попова додаде дека извештајот е идентичен како од претходните четири години кога Шилегов бил на функцијата градоначалник. Четири години прашуваме парите каде се како тогашни советници од ВМРО-ДПМНЕ во Град Скопје, но за жал ниту еден одговор не добивме. Не добивме ниту со овој извештај за последната година од мандатот на Петре Шилегов. Во извештајот гледаме само нули, среќа што некој пред него нешто сработил, но еве ние како сегашен совет имаме можност тие грешки да ги исправиме, рече таа. Во однос на реконструкцијата на Универзалната сала, Попова смета дека лицемерно е советниците од СДСМ да држат изјави да прашуваат до каде е реконструкцијата на истата и да ја манипулираат јавноста. Кога зборуваме за овој извештај кој што е идентичен со сите други четири годишни кои што имавме можност да ги гледаме, не можете да не ја забележите Универзална сала и навистина не можам да се изначудам кога некој од градската опозиција држи прес пред Универзална сала и прашува зошто не продолжуваат работите. Ако сакате да се наречете конструктивна опозиција, не само што ја плативте цената на изборите и катастрофално ги изгубивте, треба даги признаете грешките, а не да продолжувате со манипулација на јавноста, истакна Попова. Во однос за секторот економски локален развој Попова вели дека има комплетно промашување во однос на реализација. Лицемерно е да се доделуваат пари за инвертер клими на граѓани кои што тоа не го заслужуваат од страна на владата, а владата сега во ек на енергетска криза во која се наоѓаме да зборува дека општините и градот Скопје треба сам да се справува, децидна е Попова.

Попова: Град Скопје почнува со транспарентно работење пред очите на јавноста, нема криење и матни зделки како во времето на Шилегов

Дарко Андоновски — Thu, 09 Dec 2021 14:02:14 +0000

На денешната седница на Советот на Град Скопје се обрати советничката од редовите на ВМРО-ДПМНЕ и Коалицијата „За обнова на Македонија“, Ирена Попова која се осврна реализацијата на буџетот за 2021 година, како и на транспарентноста која што после четири години повторно е вратена во Советот на Градот Скопје, односно на отворените седници кои он-лајн се пренесуваат на социјалните мрежи со цел граѓаните да бидат запознаени со тековната работа на Советот на Градот Скопје, како и во однос на донесувањето одлуки кои се однесуваат на скопјани. Во однос на реализацијата на буџетот на Град Скопје за 2021 година, Попова истакна дека и овој буџет не е ништо поразличен од оној во изминатите четири години, бидејќи едно заедничко нешто кое ги поврзува сите овие четири буџети е огромната нереализација на ветените проекти од страна на поранешниот градоначалник на Град Скопје, Петре Шилегов. Таа додава дека доколку се разгледаат извештаите за реализацијата на проектите, ќе се забележат најмногу нули, кои што значат слаба, односно никаква реализација на проекти во градот Скопје. Попова истакна дека пред четири години скопјани требаше да добијат нов луна парк, односно самиот луна парк беше доведен до финална фаза и крајна реализација на истиот. Но, како што вели Попова, некој од најразлични причини или лична суета, решил да го стопира градењето на луна паркот во Скопје. Таа додава дека поранешниот градоначалник Шилегов изминатите неколку години велел дека проектот ќе се предимензионира, односно на истата локација ќе никне нов забавен парк, но како што гледаме истиот не е ниту почнат. Ова само говори за лажните и празни флоскули кои Петре Шилегов ги користеше за замајување на јавноста цели четири години, вели Попова. „Ова го зборував и на изминатите седници во поранешниот советнички состав, но не можам да го заобиколам ниту сега. Зборуваме за локалниот економски развој. Замислете, од предвидени 51-проект за развој на локалната економија, реализирани се едвај десет проекти. Во однос на образованието, сакам да прашам каде се 280 милиони денари кои беа вишок во училиштата од дотациите предвидени исклучиво за развој на образованието? Тоа се пари кои што Собранието преку донесувањето на буџет ги обезбеди за развој на образованието, но и покрај пренамената на средствата, очигледно е дека тие средства се злоупотребени и не се наменети за развој на младите воопшто. Да не зборуваме за програмата за животна средина, каде што се остварени само субвенциите за клима инвертери и електрични тротинети. Тоа значи дека апсолутно ништо не е направено ниту за животната средина“, додаде Попова. Попова запраша и дали некој може да одговори како се потрошени средствата за извидничкиот камп, каде што јавноста имаше шанса да види како малолетни лица биле злоупотребени и присилно натерани да учествуваат на камп за сексуална едукација. Градот Скопје треба да точно да знае кому доделува средства и за што се трошат тие пари, а не парите на граѓаните да се користат за злоупотреба на нивните деца, истакна Попова. Во однос на привремени вработувања, поранешниот градоначалник Шилегов потрошил 28 милиони денари и за тоа може да се каже дека е единствената ставка каде што поранешниот градоначалник го сработил својот дел и ситуирал партиски другари во Градот Скопје. Петре Шилегов, како и сите негови соработници треба да одговорат каде се парите кои што не се искористени за развој на градот, а биле планирани, како и тоа да одговори на граѓаните каде се парите од продажбата на Градската Куќа, заврши Попова.

Попова до Шилегов: Заради вашите непромислени и тенденциозни одлуки 86 наставници ќе ги оставите како технолошки вишок

Тале Кристо — Mon, 12 Jul 2021 16:31:34 +0000

Од Извештајот на Комисијата за образование, може да се види дека на никаков проблем со формирањето на паралелки со помал број на ученици во прва година за учебната 2021/2022 година, но фактичката состојба е поинаква, односно на Барањето доставено до МОН за Барање на мислење за формирање на паралелки со помал број на ученици во прва година за учебната 2021/2022 година, одговорот од страна на Министерството значи 15 паралелки помалку во средните училишта во Градот Скопје, вели советничката во советот на Град Скопје од ВМРО-ДПМНЕ Ирена Попова на денешната седница. Фактичката состојба во училиштата е следнa: 1. СЕПУГС „Арсени Јовков“ - Скопје - 5 паралелки (4 македонски + 1 албанска) 2. СУГС „Браќа Миладиновци“ – Скопје - 4 паралелки (2 македонски + 2 албански) 3. СУГС ЕМУЦ „8-ми Септември“ – Скопје - 2 паралелки (1 македонска + 1 албанска) 4. СУГС „Цветан Димов“ - Скопје - 1 паралелка (1 албанска) 5. СУГС Гимназија „Панче Арсовски“ - Скопје - 1 паралелка (1 македонска) 6. СГГУГС „Здравко Цветковски“ - Скопје - 1 паралелка (1 албанска) 7. АСУЦ „Боро Петрушевски“ - Скопје - 2 паралелки (1 македонска + 1 албанска) 8. СУГС „Лазар Танев“ - Скопје - 1 паралелка (1 македонска) Следствено на скратените паралелки, произлегува технолошкиот вишок, додава Попова. Попова праша дали некој од Град Скопје и секторот за образование и објаснил на Мила Царовска дека во пандемска година требаше да направи најголеми напори и да даде позитивно мислење за овие паралелки затоа што најголем бенефит од тоа ќе имаат учениците бидејќи согласно бројот на ученици во паралелка со помал број ќе имаат можност за настава со физичко присуство. Што Градот Скопје направи и зошто во услови на пандемија дозволи намалување на толку голем број на паралелки во средните училишта, требаше ли ова да се направи во пандемиска година. Се обраќам до Градоначалникот на Град Скопје и до Раководителот на Секторот за образование и ги прашувам, и објаснивте ли на Мила Царовска какви последици ќе произлезат од оваа нејзина одлука знаејќи дека во одредени Општини во Македонија се дозволува формирање на паралелка со еден ученик. И објаснивте ли на Мила Царовска дека во пандемска година требаше да направи најголеми напори и да даде позитивно мислење за овие паралелки затоа што најголем бенефит од тоа ќе имаат учениците бидејќи согласно бројот на ученици во паралелка со помал број ќе имаат можност за настава со физичко присуство. Уште ли ќе ги казнувате нашите деца, праша Попова. Според неа со ваквата одлука не се враќа дигнитетот и достоинството на наставниците, туку како што рече со непромислените и тенденциозни одлуки што се носат дури 86 професори ќе останат како технолошки вишок, а голем дел од нив и со неполн фонд на часови. Вака ли се грижите за професорите, вака ли ќе го вратите нивниот дигнитет? Не, во услови на пандемија ќе ги оставите како технолошки вишок, а голем дел од нив со неполн фонд на часови. Не го враќате дигнитетот и достоинството, им дозволувате на директорите да си играат со нивните животи, да им се закануваат дека ако некаде писнат и тие часови што ги имаат ќе ги изгубат. 86 професори ќе страдаат заради Вашите непромислени и тенденциозни одлуки, заклучи Попова.

Попова од Ѓорче Петров до Шилегов: Овде требаше да поминува продолжувањето на булевар Илинден, и да завршува кај обиколница, тука нема ништо

Магдалена Андонова — Sun, 06 Jun 2021 14:09:21 +0000

Се наоѓаме на местото каде што согласно ветувањето на Петре Шилегов требаше да поминува булеварот Илинден. Токму на ова место во населбата Даме Груев во Ѓорче Петров, Шилегов вети дека ќе изгради надвозник за да ги поврзе Булеварот Илинден со Ул. Шарпланинска и ќе ја продолжи трасата се до обиколницата со клучка во Волково. Овој проект ќе дадеше нова артерија на движење во Ѓорче Петров, а иако имаше готов проект, тој не направи ништо. За жал, најголемиот неработник уште еднаш докажа дека е ноторен лажго и овој проект остана на страниците на програмата "За живот" исто како и ЗИП лајн-от, тунелот и многу други. Петре Шилегов во Ѓорче Петров не направи ништо од тоа што ветуваше. Шилегов во неговата програма помпезно најавуваше решавање на сообраќајниот метеж што се создава на влезот на Скопје, пред мостот кон Сарај, со изградба на голем кружен тек, изјави денеска за медиумите, Ирена Попова, советник во советот на Град Скопје од ВМРО-ДПМНЕ. - Шилегов во својата програма вети и изградба на нов железнички надвозник во населбата Даме Груев, каде се поврзуваат со правецот Ново село – Никиштани. Спортот и рекреацијата тоа беше омилена тема на Петре Шилегов во предизборието. Конкретно за жителите на Ѓорче Петров, тој вети целосно поврзување на велосипедските патеки по кејот на Вардар и реката Лепенец со останатите во градот. Тој во неговата програма вети дека „левиот кеј ќе добие нови содржини, велосипедски патеки, осветлување, спортски реквизити и друга урбана опрема, а десниот реновиран и ослободен од препреките за велосипедистите, рекреативците и пешаците, посочи таа. Попова потенцираше дека тој ветуваше нова велосипедска патека што ќе води од реката Вардар, нагоре, по нејзината притока Лепенец и ќе овозможи брз вело-пристап на жителите на населбите Ѓорче Петров, Даме Груев, Ново село, Кисела јабука и Волково. - Од сето ова, Шилегов не исполни ама баш ништо! Повторно, од Шилегов скопјани и ѓорчепетровци добија само ветувања но сето тоа се сведе само на куп лаги. Затоа Петре Шилегов никогаш повеќе нема да ја добие довербата од граѓаните на Ѓорче Петров, додаде таа.

Попова до Шилегов: 80 проценти од програмата не ви е реализирана, а вие менувате имиња на улици со 20-тина куќи без асфалт и канализација

Катерина Бојаџиева — Tue, 30 Mar 2021 16:30:43 +0000

Јавната анкета не е дебата. Јавната анкета е само собирање на информации и податоци од граѓаните, вели советничката во Советот на Град Скопје од ВМРО-ДПМНЕ Ирена Попова и додаде дека не може да се повикуваат дека направиле дебата туку анкета. Не може да се повикувате на таа јавна анкета, дека тоа е јавноста и дека тоа е дебатата. И вчера не случајно на сајтот на Градот Скопје објавивте дека поддршка од Институтот за македонски јазик сте добиле за промена на имињата односно дека со оваа промена имиња на улици ќе добијат Блаже Конески и Славко Јаневски. Оваа е таа поддршка што требаше да ја добиете за барем 80 проценти на овие предлози кои што денеска се пред нас, истакна Попова. Попова побара овој предлог да се повлече за некое помирно време, укажувајќи дека е голем трошок во ова време на пандемија кога граѓаните се соочуваат со трошоци, Шилегов им први дополнителен трошок и на граѓаните и на фирмите кои што ќе мора да менуваат лични документи и документи на фирми. Ние сме гласот на народот и сме должни да ви укажеме дека треба заеднички да се договориме дека треба ова да го повлечеме за едно малку помирно време. Кога зборувам помирно време мислам на оваа пандемија. Верувајте дека на никому не му е гајле за неговата улица сега, туку дали ќе се преживее. Во услови на овие трошоци кои што ги имаме дополнително, граѓаните се плаќаат, па сега уште и фирмите да менуваат документација или граѓаните да менуваат лични карти, рече Попова. Попова му порача на Шилегов наместо да менува имиња на улици кои едвај имаат 20тина куќи а немаат канализација и асфалт, да изгради нешто па да го именуваат сами, а тие ќе го поддржат тоа. Не можам да не кажам дека на 80 проценти од нереализирана програма на Петре Шилегов сега ќе отвораме дискусии за улици кои што имаат 20тина куќи кои што не ни личат на улици, кои што немаат асфалт, немаат канализација, значи немаат основни услови да се наречат улици и сега ќе менувате улици. Да многу е лесно да се менуваат имињата како што лесно ги менувате имињата на многу други објекти како катни гаражи, но направете нешто па именувајте го сами, ние ќе го поддржиме со две раце. Ова е срамно, додаде Попова.

Советничка група на ВМРО-ДПМНЕ во Град Скопје: Нема да го легитимираме правното насилство врз градот и идентитетското обезличување на Скопје

Ивана Ефремовски — Mon, 29 Mar 2021 11:13:10 +0000

Петре Шилегов во ек на најголемата здравствена и економска криза за свој врвен приоритет го има преименувањето на улици и идентитетско обезличување на градот Скопје. Преименувањето на улиците, Шилегов го прави без јавна поширока расправа, шверцерски и преку повреда на процедури. Предлозите кои се на маса се израз на фрустрациите на Шилегов и пазарењата со ДУИ на сметка на интересите на скопјани, истакна Ирена Попова, Советничка на ВМРО-ДПМНЕ во Град Скопје. Во продолжение следува интегрален текст од нејзината прес-конференција: Предлозите кои се даваат од страна на Шилегов не се одобрени согласно законот, од страна на општините и истите се вратени од страна на владата. Значи прекршена е процедурата. Дополнително таквото непочитување на процедурата раѓа нови отстапки и прекршувања. Ваквото дивеење продолжува и денес, кога на седница на Комисијата за именување на улици, мостови, плоштади и други инфраструктурни објекти се ставени предлозите кои не се одобрени од општините во градот Скопје. Советничката група на ВМРО-ДПМНЕ во Градот Скопје нема да учествува во работата на комисијата за именување на улици и инфраструктурни објекти и да го легитимира правното насилство врз градот, обезличување и личните хирови на Шилегов. Советничката група на ВМРО-ДПМНЕ најостро го осудува етноцидот врз градот Скопје. Се брише македонската историја, како што се удира и по најголемите дејци на овој народ. Се бришат имињата на Филип Втори, Јустинијан Први, Христо Татарчев, Васил Чакаларов, Павел Шатев, Тодор Александров. Тоа што на Бугарите не им успеа со Заев, ќе им успее со Петре Шилегов. Шилегов создава град со историја од 1945 година па наваму. Шилегов е срам за Скопје и скопјани.

Коментар на денот – Попова: ВМРО-ДПМНЕ не поддржува еднострана и насилна промена на улиците во Скопје, не поддржува приватни забави на Петре Шилегов

Тале Кристо — Sun, 28 Mar 2021 16:14:31 +0000

Петре Шилегов е најнеспособниот Градоначалник на Скопје. Наместо работа и реализација на проекти од неговата програма, Шилегов реши да реализира само ефтин ПР, истакна на прес-конференција Ирена Попова, советник во Советот на Град Скопје од редовите на ВМРО-ДПМНЕ. Наместо нови булевари, нови паркови, нов Луна Парк, на Шилегов поважно му беше да смени 100-тина имиња на улици во Скопје. Скопје во време на владеењето на Шилегов, стана еден од најзагадените градови во светот. Депонии на секој чекор низ општините, ама тоа не е приоритетно, за Шилегов важно беше да се сменат имињата на улиците и булеварите. Заради нетраспарентната постапка во град Скопје при носење на оваа одлука за промена на имињата на улиците и булеварите, ВМРО-ДПМНЕ бара поништување на одлуката на листата на имиња и целосно вклучување на стручната јавност во процесот. Како Советничка група на ВМРО-ДПМНЕ баравме широка јавна расправа каде што ќе бидат вклучени Институтот за историја, НВО секторот и други релевантни фактори, а не театар каков што организираше самиот Шилегов. Не поддржуваме еднострана и насилна промена на улиците во Скопје. Не поддржуваме приватни забави на Петре Шилегов. Заради оваа промена на имиња на голем број на улици и булевари, градот Скопје ќе има големи дополнителни трошоци. Со ваквиот однос на Шилегов, преку насилно носење на оваа одлука, штета ќе имаат само граѓаните на Град Скопје. Големи ќе бидат финансиските импликации, преку промени на табли, знаци и протоколи, коишто ќе бидат платени од џебот на граѓаните, како и промени на лична документација на жителите на овие улици, каде што преку талибански процес се обидувате да го промените. Петре Шилегов ќе остане познат само по потрошените 100.000 евра за новогодишна журка, ливадата на плоштад Македонија, продажбата на Градската куќа, обезличување на Скопје. Градоначалниче, престанете да се иживувате со граѓаните на Скопје, тие бараат решавање на нивните проблеми, а не промени на имиња на улици, порача Попова.

Попова: Во услови на пандемија, рецесија и огромна беспарица, Петре Шилегов вработува 135 лица во град Скопје

Магдалена Андонова — Thu, 25 Mar 2021 16:48:40 +0000

Во услови на пандемија, рецесија и огромна беспарица, Петре Шилегов вработува 135 лица во град Скопје. Со наши пари, Шилегов ќе плаќа нови шофери, административци и раководители. Ова е полнење и партизирање на градската администрација од невидени размери, изјави денеска во коментар на денот, Ирена Попова, советник во Советот на Град Скопје. - Народ умира, илјадници на ден се заразуваат со КОВИД 19, нема вакцини, системот целосно потфрли, а Шилегов градските пари наместо да ги троши разумно, ја полни градската администрација. Власта која повикуваше на широка влада, која како една од главните цели ќе го има и намалувањето на администрацијата, преку Шилегов ја полни истата таа администрација со партиски кадри. Лицемерие и апашлук, тврди Попова. Таа посочи дека Скопје има други приоритети, 4 години немаме видено нов проект, нова улица, нов булевар, се што прави Шилегов е мачкање асфалт на старите сообраќајници и дека нехигиената е на највисоко можно ниво, дивите депонии се насекаде. - Градот е запуштен и во полоша состојба до сега не бил. Шилегов, за 4 години ништо не направи. Вработувањето на партиски луѓе во градската администрација нема да те спаси на избори, твоето време истече, додаде Попова.

„Градот Скопје веќе втора година со своја делегација не оддава почит кон нашиот Bеликан Гоце Делчев“

Магдалена Андонова — Thu, 04 Feb 2021 20:07:27 +0000

„Градот Скопје веќе втора година со своја делегација не оддава почит кон нашиот Bеликан ГОЦЕ ДЕЛЧЕB. Срамно“, стои во Фејсбук статусот на Ирена Т.Попова

Попова: Пола милион евра за лампиони и диносауруси на Шилегов вредат колку 15 амбулантни возила

Дарко Андоновски — Tue, 17 Nov 2020 14:01:20 +0000

Во услови кога Скопје е жариште на корона вирус, во услови кога дневно стотици скопјани заболуваат, а за жал и умираат, градските власти трошат 525 илјади евра за новогодишни лампиони и пластични диносауруси, ова денеска преку изјава за медиумите го истакна Ирена Попова од ВМРО-ДПМНЕ. -Петре Шилегов и СДСМ се тотално одлепени од реалноста. Наместо сите ресурси да се насочат кон спасување на животи и заштита на здравјето на граѓаните тие трошат астрономски суми од над половина милион евра за забава и украсување, како на народот да му дошло до тоа. Петре Шилегов и СДСМ овие пари треба под итно да ги пренамени за конкретно справување со корона кризата. Со овие пари можат да се набават 15 амбулантни возила, 1.000 лаптоп компјутери, илјадници тестови, монтажни болници низ Скопје или да се набави основен медицински материјал за болниците и граѓаните. Забеганоста на власта се гледа и во тоа што и покрај апелите и критиките на јавноста, Шилегов не отстапува од безмилосното трошење на народни пари на луксузи кои и во нормални услови се непотребни, а не пак во услови на пандемија, вели Попова. Таа додава дека дополнително за пингвини и фламинга Шилегов троши 19 милиони денари. 19 милиони денари, а нула денари за болнички возила. -Лампионите и пластичните диносауруси нема да помогнат во справувањето со здравствената криза која мора да биде приоритет, ниту пак ќе спасуваат животи. Секое евро е значајно, секое евро потрошено на украсување или дино паркови сега може да значи евро помалку за спасување на животите. Шилегов, чуму ти се лампионите ако секој ден се зацрнува едно семејство од корона вирус?, прашува Попова.