исчезнати деца – Kurir.mk

Пронајдени три деца кои биле пријавени за исчезнати

Ивана Ефремовски — Sun, 07 May 2023 19:57:26 +0000

На 06.05.2023 во Прилеп биле пронајдени М.Б.(12) и Р.В (9), за кои нивната мајка С.Д.(38) од Велес, со престој во Кичево, на 03.05.2023 во Полициската станица Кичево пријави дека се оддалечиле од домот. Децата биле предадени на нивната мајка. На 06.05.2023 во 00:05 часот на ул.„Блаже Биринчето“ во Скопје, полициски службеници од ЕВР Карпош го пронашле Д.Д.(16) од Скопје – штитеник од Јавна установа за згрижување на деца-Влае 2, за кој на 04.05.2023 беше пријавено дека се оддалечил од установата. Д.Д. бил предаден во домот.

Украина лансираше мобилна апликација за пронаоѓање исчезнати деца

Тале Кристо — Thu, 06 Apr 2023 17:05:56 +0000

Украина денеска лансираше мобилна апликација за помош во пронаоѓањето на децата кои исчезнале за време на повеќе од 13 месеци војна во таа земја, соопшти украинската полиција. Според проценките на Киев, 19.544 деца биле депортирани во Русија за време на војната, а 328 од нив се вратиле во земјата, пренесува Скај Њуз. „Тоа е еден од инструментите за наоѓање деца и спојување со нивните семејства. Ако на овој начин најдеме макар и едно дете или обединиме едно семејство, тоа е веќе победа, мала, но со секој чекор ќе можеме да ги враќаме децата дома, изјави заменик началникот на украинската полиција Олександр Фацевич. Тој рече дека апликацијата е бесплатна за преземање и лесна за употреба. Фацевич рече дека апликацијата ќе и овозможи на полицијата да собира повеќе податоци на безбеден начин, вклучително и од луѓе во Русија, Белорусија или територии контролирани од Русија кои сакаат да им помогнат на украинските деца. Меѓународниот кривичен суд минатиот месец издаде налози за апсење на рускиот претседател Владимир Путин и руската комесарка за правата на децата Марија Лавова-Белова, обвинувајќи ги за киднапирање украински деца. Москва, која контролира делови од источна и јужна Украина, ги отфрли обвинувањата за киднапирање на децата и рече дека тие биле однесени на безбедно заради нивна безбедност.

За шест месеци во Албанија исчезнале 36 деца без придружба од Сирија и Иран

Катерина Бојаџиева — Mon, 06 Feb 2023 12:27:06 +0000

Центарот за правата на децата во Албанија јавно ја изрази својата загриженост по извештаите објавени на државната полиција дека само во последните шест месеци, 36 деца-странци, без придружба, исчезнале во непознат правец. Алтин Хазизај, од Центарот за правата на децата во Албанија, вели дека децата без придружба се изложени на ризик од трговија за сексуални цели, ропство, па дури и трговија со органи, а за албанските власти обврска е нивната физичка безбедност, заштита и развој. -Тоа се деца кои доаѓаат од земји како Сирија и Иран. Децата без придружба секогаш се изложени на ризик од трговија за сексуални цели, ропство или дури и трговија со органи итн. Тоа што се во Албанија, подразбира дека албанските власти се одговорни за нивната физичка безбедност, заштита и развој. Но, фактот што тие исчезнаа и не се знае каде се, покажува дека локалните власти и нивните соработници не успеале да ги заштитат животите и благосостојбата на овие деца, изјави тој, пенесува Топ чанел. Додава дека Конвенцијата за правата на детето, во која Албанија е држава членка од 1992 година, бара државата да ги преземе сите мерки кои го гарантираат „правото на живот, опстанок и развој“ без каква било дискриминација за сите деца кои се на територијата на Република Албанија. Исто така посочува дека „детето без родител или старател треба да му биде вратено што е можно поскоро“ и оти „враќањето во земјата на потекло се врши само доколку тоа е во најдобар интерес на детето“. -Врз основа на горенаведеното, бараме од надлежните органи, МВР, државната полиција, Обвинителството во Тирана како и Министерството за здравство и социјална заштита, итно да го истражат исчезнувањето на 36-те деца и зошто децата без придружба, кои се под заштита на албанската држава, може да се изгубат или исчезнат и никој да не дава отчет за нив, вели Хазизај.

Пронајдени децата кои беа исчезнати во Скопје

Ивана Ефремовски — Mon, 20 Jun 2022 14:52:38 +0000

На 19.06.2022 во 10:00 часот на бул.„3та Македонска Бригада“, полициски службеници од Полициска станица Аеродром ги пронашле А.О.(9) од Битола и С.Р.(12) од Скопје. За нив на 11.04.2022 во Полициското одделение Шуто Оризари било пријавено дека се оддалечиле од домот.

Двете братчиња кои беа исчезнати во Велес пронајдени – еве ги деталите

Дарко Андоновски — Tue, 30 Nov 2021 10:50:29 +0000

Две братчиња од Велес на возраст од четири и осум години беа пријавени од страна на нивниот татко С.Б. (39) за исчезнати. Тој го пријавил исчезнувањето на децата во Полициска станица Велес околу три часот наутро во неделата. Појаснил дека братчињата излегле од дома во саботата, во 19.30 часот, и не се вратиле назад. Од СВР Велес за ,,Фокус” велат дека случајот со исчезнатите братчиња има среќен крај. Децата по два дена самите се вратиле дома. -Во добра состојба се, на родителите им кажале дека излегле да се прошетаат, па се заиграле. Преноќиле кај некое другарче. На возраст од четири и осум години се – потврди Верољуб Додевски, портпарол на СВР Велес. Додава дека се надева како родителите ќе имаат сериозен разговор со децата и ќе им појаснат во иднина да не им се повтори слична случка.

Семејство си ги бара двете деца – заминале од дома и се уште не се вратени

Дарко Андоновски — Mon, 29 Nov 2021 15:17:43 +0000

Две малолетни деца од Велес го напуштиле својот дом и се уште не се вратени дома. Таткото го пријавил настанот во полиција откако децата подолго ги немало да се вратат дома. „На 28.11.2021 год. во 03.30 часот во Полициската станица Велес С.Б.(39) од Велес пријавил дека, на 27.11.2021 год. околу 19.30 часот од неговата семејна куќа се оддалечиле неговите двете малолетни деца и сеуште не се вратени“, соопштија од СВР Велес, пишува локалниот портал Батали.

Двајца малолетници избегаа од Јавни установи за згрижување деца

Ивана Ефремовски — Thu, 28 Oct 2021 15:52:12 +0000

На 27.10.2021 во 15:20 часот во Полициската станица Карпош, од Јавната установа за згрижување деца било пријавено дека од установата се оддалечила М.С.(17), која и претходно во повеќе наврати самоволно се оддалечувала и била враќана назад. Се преземаат мерки за пронаоѓање на лицето. На 27.10.2021 во 15:10 часот во Полициската станица Карпош, од Јавната установа за згрижување деца - Козле било пријавено дека од установата се оддалечил С.А.(14). Тој и претходно се оддалечувал и бил враќан назад. Се преземаат мерки за пронаоѓање на лицето.

Му исчезнале двете малолетни деца – татко очајно бара помош, еве каде се сомнева дека би можеле да отидат

Дарко Андоновски — Fri, 10 Sep 2021 15:05:42 +0000

На 08.09.2021 во 10.00 часот во СВР Скопје, Ш.С.(38) од Скопје пријавил дека од домот се оддалечиле неговите две деца Р.С.(16) и Р.С.(15), кои според него заминале едното во Прилеп, а другото во Велес. Се преземаат мерки за пронаоѓање на лицата.

Се трага по две малолетни лица

Катерина Бојаџиева — Tue, 27 Jul 2021 20:40:00 +0000

На 26.07.2021 во Полициската станица Карпош, од Јавната установа за згрижување на деца- Козле било пријавено дека од установата се оддалечиле С.А.(14) и Р.М.(14), кои и претходно се оддалечувале и биле враќани. Се работи на пронаоѓање на лицата.

ПОВЕЌЕ ОД 170 ДЕЦА СЕ ВОДАТ КАКО ИСЧЕЗНАТИ – вулканот Њирагонго еруптираше, најмалку 15 луѓе загинаа

Магдалена Андонова — Mon, 24 May 2021 12:45:03 +0000

Најмалку 15 луѓе загинаа, а повеќе од 170 деца се водат како исчезнати по ерупцијата на вулканот Њирагонго, соопштија спасувачките екипи на Демократска Република Конго. По ерупцијата на вулканот во саботата вечерта, лавата се спушти до градот Гома и уништи најмалку 500 домови во селата што се наоѓаат во близина на Њирагонго. Претставници на УНИЦЕФ соопштија дека се организирани транзитни центири за да им се помогне на децата кои се без придружба на возрасни лица. Вулканот Нирагонго се наоѓа во националниот парк Вирунга, на помалку од 20 километри северно од Гома и недалеку од границата со Руанда. Лавата пристигна до Гома, која брои два милиона жители. По ерупцијата жителите на Гома го напуштија градот и побегнаа во Руанда, а во текот на вчерашниот ден почнаа да се враќаат во своите домови. Вулканот Њирагонго последен пат еруптираше во 2002 година, кога лавата уништи големи делови на Гома, при што загинаа околу 250 лица, а 120.000 лица останаа без покрив над главата. (МИА)