исчезнато дете – Kurir.mk

Европа: На секои две минути исчезнува по едно дете

Ивона Петрова — Thu, 25 May 2023 09:52:39 +0000

Невладината организација „Исчезнати деца во Европа“ (Missing Children Europe) по повод 25 мај Меѓународен ден на исчезнатите деца соопшти дека во Европа годишно исчезнуваат 250.000 деца, што е еквивалент дека на секои две минути исчезнува по едно дете. Мрежата на европски бесплатен телефон 116 000 за помош за исчезнати деца минатата година примила вкупно 70.855 повици поврзани со 6.668 случаи. Мрежата им се обезбедува на децата и семејствата бесплатна и непосредна емоционална, психолошка, социјална, правна и административна поддршка 24 часа секој ден. Според статистиката за 2022 година, 337 деца го напуштиле семејниот дом, од кои 283 деца биле над 14 години. Од институции избегале 1.198 деца, а најголем број се момчињата на возраст над 14 години. Дури две третини од децата кои побегнале во рок од една недела се враќаат, но доколку не се промени ситуацијата поради која тие побегнале, шансите за повторно бегство се поголеми. Истовремено, децата кои бегаат од своите семејства или институции се изложени на зголемен ризик од трговија со луѓе и сексуална експлоатација и злоупотреба. „Исчезнати деца во Европа“ апелира на имплементација на постоечките најдобри практики и технички можности, што подразбира воведување на систем за предупредување на пошироката јавност во случај на исчезнување на дете, како американската „АМБЕР тревога“ (AMBER America’s Missing: Broadcast Emergency Response).

ИСЧЕЗНА 13 ГОДИШНО ДЕТЕ ВО СКОПЈЕ – еве што се случило

Дарко Андоновски — Thu, 05 May 2022 14:19:00 +0000

На 04.05.2022 околу 12.30 часот во Полициската станица Шуто Оризари, Е.Ш.(44) од Скопје пријавил дека од домот се оддалечил О.Ф.(13) од Скопје, кој им било доделен од социјалните служби за сместување во згрижувачко семејство. Се преземаат мерки за пронаоѓање на лицето.

Десет дена нема трага во Мариово од 10-годишното дете

Дарко Андоновски — Mon, 07 Mar 2022 13:14:53 +0000

Десетти ден нема никаква трага од 10-годишен Петар кој исчезна од селото Врпско, Мариово. На Петар му се губи секаква трага попладнето, по 16 часот, на 25 феруари, од дворот на селската куќа. Екипи на полицијата, на граничната служба, повремено хеликоптер, од војската, Центарот за управување со кризи и од прилепоската спасителна служба деновиве трагаа безуспешно. Дарко Неданоски, спелеолог и претседател на прилепската спасувачка служба вели дека се пребарани стари окна и Црна Река. – Се спуштивме 70-тина метри во старото окно на рудникот „Партизанка“, со заштитна опрема, но немаше никакви траги. Во саботата ја пребаравме Црна Река која, поради временските услвои, беше надојдена, но пак без резултат. Потрагата продолжува, ама нема никакви траги, вели Неданоски. Од СВР Битола велат дека потрагата продолжува по малиот Петар, но засега нема резултати. Прилепското основно обвинителство пред една недела отвори предмет за исчезнатото дете. Сослушани се родителите и постариот брат, Димитар. Десетгодишниот Петар Џобоски со родителите и двете братчиња околу 22 февруари од Прилеп стигнале во куќата во селото Врбско, Мариово. Ги проверувале пчелите, ама попладнето околу 16 часот, Петар, дете со посебни потреби и некомуникативно, откако татко му го пратил на блискиот кладенец по вода, исчезнал без трага. Останува загриженоста за судбината на 10-годишниот Петар, како и потрагата по него.

МАКЕДОНИЈА НА НОЗЕ: Продолжува потрагата по исчезнатиот Петар Џобоски, апел до граѓаните за било каква информација

Катерина Бојаџиева — Mon, 28 Feb 2022 08:52:30 +0000

И денеска продолжува потрагата по детето Петар Џобоски кое исчезна во петокот вечерта, информираат од МВР за КУРИР. Министерството за внатрешни работи продолжува со интензивната потрага по детето Петар Џобоски, за кое неговиот родител пријави во петокот (25.02) вечерта дека се оддалечило од домот во с. Врбско, општина Прилеп. Како што информираа од МВР вчера, во потрагата се ангажирани 102 полициски службеници, хеликоптер, службени кучиња и дрон. Во потрагата се вклучени и членови на Територијалната противпожарна единица Прилеп, членови на спасителната служба „Златоврв“, ловното друштво „Мукос“-Прилеп, жители на околните села, како и граѓани доброволци од неколку градови. Интензивната потрага продолжува се до пронаоѓање на детето. Од МВР уште еднаш апелираат и до сите граѓани доколку имаат било каква информација која би помогнала за пронаоѓање на детето, да ја споделат веднаш со полицијата и да помогнат во потрагата. По социјалните мрежи исто така се споделува апел за било каква информација.

Со над 100 полицајци, хеликоптер, кучиња трагачи и дрон се бара исчезнатото дете Петар

Дарко Андоновски — Sun, 27 Feb 2022 20:33:10 +0000

Министерството за внатрешни работи продолжува со интензивната потрага по детето Петар Џобоски, за кое неговиот родител пријави во петокот (25.02) вечерта дека се оддалечило од домот во с. Врбско, општина Прилеп. Веднаш се преземени мерки и активности за пронаоѓање на детето и во потрагата се ангажирани 102 полициски службеници, хеликоптер, службени кучиња, како и дрон. Во потрагата се вклучени и членови на Територијалната противпожарна единица Прилеп, членови на спасителната служба „Златоврв“, ловното друштво „Мукос“-Прилеп, жители на околните села, како и граѓани доброволци од неколку градови. Интензивната потрага продолжува се до пронаоѓање на детето. Уште еднаш апелираме и до сите граѓани доколку имаат било каква информација која би помогнала за пронаоѓање на детето, да ја споделат веднаш со полицијата и да помогнат во потрагата.

Исчезнатo е 10-годишно дете во Мариово, семејството апелира за помош

Дарко Андоновски — Sat, 26 Feb 2022 10:48:29 +0000

Во тек е потрага по исчезнато 10-годишно дете во Мариово, а на социјалните мрежи се повикува секој кој може да помогне во потрагата. На терен се членови на спасителната служба заедно со група на прилепски ловџии, стои во објавата на фејсбук. Вчера попладне околу 16 часот во атарот на селото Врпско, во прилепско Мариово е изгубен 10-годишниот Петар Џобески од Прилеп. Неговото семејство апелира за помош секој кој може да појде во Мариово и доколку го познава теренот да помогне во потрагата која што е во тек. Спасе Чакрески, жител на село Витолиште за „Инфо Компас“ истакнува дека станува збор за екстремно опасен терен и потенцираше дека ситуацијата дополнително ја усложнува тоа што детето е со посебни потреби. „Малиот Петар е загубен околу 16 часот, кога од дворот се упатил во непознат правец. Тие се жители на Прилеп, но во Врпско чуваат пчели. Ние неколку часа сме на терен заедно со полицијата и семејството, но засега нема никакви траги од детето. Упатувам апел секој кој го познава теренот да дојде и да помогне во потрагата. Оваа вечер можеби е пресудна за детето, бидејќи надвор е екстремно ладно, а детето заминало само по една блуза. Тука во близина е и реката Црна“, вели Чакрески.

Малолетник од скопско пријавен за исчезнат

Ивана Ефремовски — Thu, 10 Feb 2022 15:39:02 +0000

На 09.02.2022 околу 15:00 часот во Полициското одделение Петровец, З.Т.(37) од с.Петровец, скопско, пријавил дека од домот се оддалечил неговиот син Д.Т.(15). Се преземаат мерки за пронаоѓање на лицето.

Малолетник исчезна од установа за згрижување на деца

Ивана Ефремовски — Tue, 05 Oct 2021 14:28:15 +0000

На 04.10.2021 во 15:50 часот во СВР Скопје било пријавено дека од Јавна установа за згрижување на деца се оддалечил Р.Џ.М.(14) од Куманово. Тој и претходно во повеќе наврати ја напуштал установата и бил враќан назад. Се преземаат мерки за пронаоѓање на лицето.

Исчезна 13-годишно момче од Дом за деца во Скопје

Ивана Ефремовски — Thu, 02 Sep 2021 15:50:00 +0000

На 31.08.2021 во 21:30 часот во Полициската станица Центар, вработена во Домот за деца „25-ти Мај“ пријавила дека од домот се оддалечил нивниот штитеник С.Ј.(13), кој наводно заминал во Битола. Се преземаат мерки за пронаоѓање на лицето.

Мајката во паника: Во Скопје исчезнало 10-годишно девојче

Ивана Ефремовски — Tue, 09 Jun 2020 13:46:08 +0000

На 08.06.2020 во 22:30 часот во СВР Скопје, С.А.(31) од Кочани, со престојувалиште во Скопје пријавила дека од семејниот дом се оддалечила нејзината ќерка Љ.А.(10). Се преземаат мерки за пронаоѓање на лицето.