исчезнато момче – Kurir.mk

ПРОДОЛЖУВА ПОТРАГАТА ПО ИСЧЕЗНАТОТО МОМЧЕ – водите на браната го проголтале вчера попладне од кога му се губи секаква трага

Дарко Андоновски — Mon, 31 Jul 2023 07:46:22 +0000

Продолжува потрагата во езерото Глажња по 30-годишното лице од липковското село Никуштак кое вчера влезе во водите на браната и не излезе. МВР денеска соопшти дека вчера во 14:00 часот во СВР Куманово било пријавено дека на браната Глажња, Ф.Р.(30) од село Никуштак влегол во водите од браната и не излегол. - Ангажирани биле спасувачки екипи и сè уште се трага по Ф. Р, соопшти МВР. Од Регионалниот центар за управување со кризи Куманово, во денешниот билтен информираат дека на бројот 112 добиле пријава за исчезнато лице кое влегло да се капе во вештачкото езеро браната Глажња на оддалеченост од 1,5 километри околу 13:50 часот. Полицајците од Полициска Станица Матејче биле ангажирани за физичко обезбедување на местото на настанот. Преку СВР Куманово вчера била повикана нуркачка екипа на МВР.

Жители на Дабиле се вклучија во потрагата по момчето кое исчезна во водите на браната кај село Дрвош

Дарко Андоновски — Sat, 22 Jul 2023 07:27:35 +0000

Се уште трае потрагата по М.П. (29) од струмичкото село Дабиле, кој на 16 овој месец исчезна во водите на браната кај селото Дрвош. Вчера попладне во потрагата се вклучија жители на селото Дабиле, кои со чамец и сонар ја пребаруваа браната, но петчасовната потрага не даде резултат. На фејсбук групата „Дабиле“ најавуваат дека потрагата ќе продолжи и денеска попладне и се надеваат дека ќе биде пронајдено телото на исчезнатото момче. Според портпаролката на СВР Струмица, Александра Трајанова, потрагата по момчето ја отежнуваат лошиот терен, милта и заматената вода. Инаку, на 16 јули 13:30 часот во полицијата од Итна медицинска помош било пријавено дека околу 13.00 часот М.П.(29) од село Дабиле, струмичко, влегол во водите од браната во близина на село Дрвош, струмичко и не излегол.

Нуркачи продолжуваат да трагаат по момчето кое исчезна во водите на браната кај село Дрвош

Ивона Петрова — Tue, 18 Jul 2023 09:29:34 +0000

Продолжува потрагата по М.П. (29) од струмичкото село Дабиле, кој завчера исчезна во водите на браната кај селото Дрвош. Според портпаролката на СВР Струмица Александра Трајанова, по момчето трагаат нуркачи од МВР, на кои лошиот терен и заматената вода во браната им ја отежнуваат потрагата. Инаку, завчера во 13:30 часот во полицијата од Итна медицинска помош било пријавено дека околу 13.00 часот М.П.(29) од село Дабиле, струмичко, влегол во водите од браната во близина на село Дрвош, струмичко и не излегол.

29 ГОДИШНО МОМЧЕ ВЛЕГЛО ВО ВОДА И НЕ ИЗЛЕГЛО – потрагата по него во браната во близина на селото Дрвош се уште трае!

Дарко Андоновски — Mon, 17 Jul 2023 10:21:40 +0000

На 16.07.2023 во 13.30 часот во СВР Струмица, од Итна медицинска помош било пријавено дека околу 13.00 часот М.П.(29) од с.Дабиле, струмичко, влегол во водите од браната во близина на село Дрвош, струмичко и не излегол. За настанот бил запознаен Центарот за управување со кризи и се преземаат мерки за пронаоѓање на лицето.

Исчезнатиот тинејџер од Скопје пронајден во Куманово

Ивона Петрова — Wed, 12 Jul 2023 19:50:13 +0000

Во Куманово е пронајдено 15-годишното момче, кое беше пријавено за исчезнато. Момчето е од скопската населба Чаир, а неговите родители го бараа од вчера. -Денеска (12.07.2023) во 14.45 часот во Куманово, полициски службеници од Одделението за криминалистички работи Центар и Бит пазар - Потраги го пронашле Ф.Ф.(15) од Скопје за кој во 02.00 часот во Полициската станица Бит Пазар неговиот татко Л.Ф. пријави дека се оддалечил од домот, велат од МВР. Малолетникот ќе биде предаден на родителите

УШТЕ ЕДНО ИСЧЕЗНУВАЊЕ ДЕНЕС: Од вчера се губи трагата на 15-годишно момче од Чаир, нешто сомнително се случило и со неговиот телефон!

Дарко Андоновски — Wed, 12 Jul 2023 11:13:40 +0000

Петнаесетгодишниот Фазли Фатлиу исчезнал вчера во скопската населба, Чаир. Момчето последен пат било видено од семејството околу 16 часот вчера напладне, а во моментот на исчезнувањето носело црни фармерки и портокалова маица. Роднините на Фазли за „Макфакс“ велат дека вчера му бил исклучен телефонот, а утрово околу 9 часот повторно му бил вклучен, но не успеале да остварат контакт со него. Еден час подоцна, односно околу 10 часот утрово, велат роднините, добиле дојава дека Фазли бил виден во џамија во Долно Коњаре, но уште не успеале да го пронајдат. Блиските на момчето оставија и телефон за контакт за сите оние кои имаат информации што се случило со момчето. -Од вчера во 16 часот ова момче го нема, се вика Фазли Фатлиу има 15 години, носи портокалова маица и црни фармерки! Ве молиме да не информирате доколку сте го виделе некаде. Контакт: 071289129 – велат роднините. Случајот бил пријавен и во МВР. „Ноќва (12.07.2023) во 2 часот во Полициската станица Бит Пазар Л.Ф.(49) од Скопје пријавил дека од домот се оддалечил неговиот малолетен син Ф.Ф.(15). Се преземаат мерки за пронаоѓање на лицето – велат од МВР за „Макфакс“.

Пронајдено исчезнатото момче во Штрпце, полицијата го бараше од петокот

Ивана Ефремовски — Tue, 16 May 2023 07:18:56 +0000

Г.К.(29) од селото Горња Битиња во општина Штрпце, кој исчезна во петокот на 12 мај, е пронајден жив, потврдија од Косово онлајн во полициската станица во Штрпце. Тој е пронајден синоќа во вечерните часови во градот Букош, во општина Сува Река. Младиот човек нема видливи повреди, а по пристигнувањето во Штрпце ќе биде упатен на лекарски преглед во Здравствениот дом во таа општина.

Таткото на киднапираниот Самоил: Нудиме парична награда за било каква информација, не изгубив точак, туку синот! (ВИДЕО)

Дарко Андоновски — Wed, 22 Mar 2023 08:36:21 +0000

Таткото на исчезнатиот Самоил Костадиновски, внук на политичарот Љубе Бошковски, нуди парична награда за информација во врска со исчезнувањето на неговиот син. Вели немаат буквално никаква вест ниту од Обвинителството, ниту пак од неговите пријатели. „Не изгубив точак, туку дете, и по 20 дена не знаеме каде е, што се случило со него, зошто?“, изјавил за А1он, таткото на исчезнатиот Самоил, Љупчо Костадиновски. Љупчо е брат на Виолета, сопругата на Љубе Бошкоски. Полицијата уапси две лица во врска со грабнувањето, но иако поминаа 20 дена се уште нема никаква информација каде е Самоил.

Пронајдено исчезнатото момче од Битола

Тале Кристо — Sun, 21 Aug 2022 19:49:47 +0000

СВР-Битола доцна вечерва соопшти дека малолетникот кој беше пријавен за исчезнат, е пронајден. СВР Битола почна акција за пронаоѓање на 15-годишниот малолетник А.И. кој, како што пријавила неговата мајка А.И. (33 г.), се оддалечил од својот дом. Исчезнувањето е пријавено синоќа во 22:10 часот. – По преземените акции, исчезнатото дете е пронајдено и вратено кај родителите, потврдија од СВР-Битола.

Мартин го нема повеќе од половина месец – објавена и мапата со деловите што се пребарани до сега, станува збор за огромна површина! (ФОТО)

Дарко Андоновски — Tue, 26 Jul 2022 13:05:35 +0000

Мартин Јовановски исчезна пред 18 дена од плажата Мити во Посиди, на Халкидики, но ниту грчките служби, ниту пак волонтерите од Македонија не се откажуваат од потрагата по него. -Површината со плаво е помината од Грчките служби. Површината со црвено е помината самостојно од нашата екипа, секое крајбрежје што не е проодно е поминато детално од наша страна. Истрагата продолжува од двете страни. Крајбрежната стража секојдневно ги информира пловните возила и рибарите, ОФКАТ продолжува со нивниот план, и ние со нашиот, стои во објавата на Фејсбук групата „Сите за Мартин“, напишана од неговиот пријател Иван кој беше спасен по 19 часа поминати во вода. Претходните денови грчките служби го бараа 31-годишниот Мартин и кон турскиот брег на Егејското Море откако со бродови, дронови, кучиња трагачи беше пребарувано околу полуостровот Халкидики, посебно првиот крак Касандра. Од воздух е пребаран и делот кај Лезбос, Самос и Атос. Со подводен дрон се пребаруваше и морското дно, но немаше никакви траги од исчезнатото момче. Неговиот брат и мајка се на Халкидики во исчекување на било какви информации за него. Неговите другари Васил и Иван беа извлечени уште викендот откако роденденската забава на опасната плажа Мити тргна на лошо, и трите момчиња од Скопје беа одвлечени од копното кон немирното море. -На 23 јули, потрагата продолжи од воздух со вклучување на Солунскиот аероклуб, соопшти грчката крајбрежна служба ОФКАТ на својата Фејсбук страница. Мала надеж дека Мартин ќе биде пронајден дадоа црни шорцеви, слични на неговите што ги носел дента кога исчезна, но од нив остана само фотографијата, зошто тој што ги фотографирал, не ги зел, а при пребарувањето на тој терен минатата недела, не беа пронајдени. Во Македонија преку мобилните оператори и преку Црвен Крст се собираат донации од граѓани за да продолжи потрагата се до неговото пронаоѓање.