исчезнато – Kurir.mk

Дете исчезнало од градинка, го нашле низ Автокоманда?

Тале Кристо — Fri, 23 Jun 2023 10:45:50 +0000

ОТВОРЕНО ПИСМО ДО ЈАВНОСТА ОД РОДИТЕЛИ НА ДЕЦА ОД ДЕТСКАТА ГРАДИНКА ДЕТСКА РАДОСТ Со огромна загиженост го испраќаме ова отворено писмо до јавноста, а од неговата содржина уверени сме дека и Вие ќе бидете загрижени. Имено на ден 20.06.2023 година во објектот Темјанушка при детската градинка Детска радост во Автокоманда едно дете од втората јаслена група поради неажурност и негрижа на вработената го напуштило објектот на градинката и по потрага по некое време истото било пронајдено. Вработената во градинката Р.П. од чија група детето избегало од страна на директорката Анета Петровска добила единствено усна опомена како мерка. Мајката на детето која е самохрана мајка е под притисок да не го објави случајот во јавноста и на истата и е понудено да плаќа помал месечен надоместок, а како дополнителна мерка детето е префрлено во друг клон на градинката. Почитувани новинари, Она на што предупредувавме во минатото за жал станува реалност. Доведена е во прашање безбедноста на нашите деца кои ја посетуваат градинката Детска радост. Вчера оддржавме состанок на кој присуствуваа родители на 116 дечиња кои посетуваат градинка и од истиот произлегоа следните заклучоци: 1.Бараме Министерката за труд и социјална политика Јованка Тренчевска под чија надлежност е сега градинката Детска радост, ВЕДНАШ и без одлагање да ја РАЗРЕШИ директорката Анета Петровска. 2.Бараме отпочнување на дисциплинска постапка за утврдување на одговорност на вработената во градинката Р.П. од чија група детето успеално да излезе надвор од објектот на градинката за време на престојот во неа. Почитувани новинари, Како родители апелиравме Министерката Тренчевска да не ги одзема надлежностите на општината, токму од овие причини. Неможе некој што незнае каде се наоѓа градинката во Автокоманда да се грижи за заштитата на нашите деца подобро од оној кој ние како народ сме го избрале за градоначалник. Очекуваме и бараме и градоначалникот на општина Гази Баба Бобан Стефковски да даде поддршка на нашите барања и да не се изема поради тоа што нема директна надлежност на градинката. Чашата е прелеана. Доколку Министерката која во минатото покажа дека е недопирлива и се чувствува моќно поради власта која ја поседува и овој пат остане глува на нашите барања ќе следуваат конкретни мерки и чекори превземени од наша страна. Апелираме и до премиерот Димитар Ковачевски кој е родител да се стави барем на миг на нашата страна и да помисли какво е нашето чувство кога утрово сме ги оставиле во градинка, а незнаеме како и дали ќе си ги земеме. СО ПОЧИТ, РОДИТЕЛИ НА ДЕЦА ОД ДЕТСКАТА ГРАДИНКА ДЕТСКА РАДОСТ Од МТСП на прашањето на Курир велат дека дознале по допрен глас за исчезнатото дете од ЈОУДГ „Детска Радост“, Општина Гази Баба и дека кај нив нема пристигнато ниту писмен доказ ниту претставка за постапување од страна на инспекциските служби, но притоа ја потврдуваат веста дека ваков немил настан се случил, каде што дете го напуштило објектот и истото било вратено од родител во згрижувачката група. Во врска со вашето прашање во врска со настанот за кој Министерството за труд и социјална политика дозна по допрен глас за наводно исчезнување на дете од ЈОУДГ „Детска Радост“, Општина Гази Баба, до овој момент не е пристигнат ниту писмен доказ ниту претставка за постапување од страна на инспекциските служби. Во интерес на целосна и точна информација за настанот, Министерството стапи во контакт со директорката на предучилишната установа, при што истата изјави дека веднаш по дознавањето на настанот ги повикала одговорните вработени и раководителката на објектот „Темјанушка“ при што било изјавено дека детето било излезено во дворот на градинката и вратено од родител во згрижувачката група. Согласно ингеренциите на директорката на градинката, веднаш бил повикан стручниот тим, инволвираните вработени и раководителката на објектот. Следствено на извршениот разговор веднаш на вработената негователка од групата каде престојувало детето и е издадена писмена опомена, а веќе е формирана и Комисија за утврдување на дисциплинска одговорност за инволвираните вработени и одговорни за згрижување на детето, стои во одговорот на надлежното министерство.

Шест дена очајно ја барале – пронајдено 18 годишно девојче, еве ги деталите

Дарко Андоновски — Wed, 05 Apr 2023 10:54:32 +0000

Пронајдено 18-годишно девојче, кое беше пријавено дека е исчезнато од таткото. Според информациите од СВР Тетово, синоќа, околу 20.30 часот, на улицата Илинденска во Тетово, во близина на угостителски објект, полициски службеници ја пронашле 18-годишната Б. М. од Тетово, која на 31 минатиот месец била пријавена од нејзиниот татко дека се оддалечила од домот.

Пронајдено лице кое се оддалечило од домот

Магдалена Андонова — Tue, 17 May 2022 11:32:51 +0000

На 16.05.2022 во 21.15 часот во Полициската станица Аеродром, В.Л.(48) од Скопје пријавил дека околу 16.00 часот од дома со патничко возило „пежо 406“ се оддалечил неговиот татко В.Л.(74), лице со здравствени проблеми. Веднаш се преземени мерки и во 05.00 часот, инспектори по потраги од Одделението за криминалистички работи Аеродром и Драчево го пронашле лицето во возилото. Лицето било предадено на семејството.

Пронајдено исчезнато деветгодишно дете во Радовишко

Тале Кристо — Wed, 23 Mar 2022 11:07:43 +0000

Во атарот на радовишкото село Покрајчево денеска околу 10:30 часот полицијата го пронашла исчезнатиот деветгодишен малолетник од село Јаргулица, кого неговиот татко Љ.И. (44) синоќа го пријавил дека се оддалечил од дома. Како што информираа од СВР Струмица, веднаш по пријавувањето полициски службеници од Полициската станица Радовиш, екипа од Територијалната противпожарна единица и граѓани започнале пребарување на теренот и денеска малолетникот бил пронајден во добра здравствена состојба. Според портпаролката на СВР Струмица, Александра Трајанова, причините за оддалечувањето на детето од домот дополнително ќе се утврдуваат откако со него и неговите родители ќе биде извршен разговор.

Сѐ уште не е најдено исчезнатото дете во Мариово

Тале Кристо — Sun, 27 Feb 2022 10:58:41 +0000

И по два дена, сѐ уште нема ниту трага ниту глас од 10-годишниот Петар кој во петокот попладнето исчезна од селото Врбско во Мариово, пренесе МИА. Според информациите од СВР Битола потрагата продолжува, но засега нема никакви резултати. Временските услови, врнежите од снег и студеното време, ја отежнуваат потрагата. Пределот се пребаруваше до доцна синоќа со екипи на полицијата, од граничната и од прилепската станица, со доброволци, ловџии, од спасувачката служба од Прилеп и противпожарната единица. Вчера беше вклучен и хелихоптер на МВР. На 10-годишниот Петар трагата му се губи во петокот по 16 часот. Родителите на Петар, со своите три деца од Прилеп, каде живеат, неколку дена биле во селото за да ги проверат пчелите. Петар е дете со посебни потреби кое тешко комуницира. Кога исчезнал бил во лесна облека.

Исчезна младо момче – доколку некој го видел веднаш да го контактира семејството! (ФОТО)

Дарко Андоновски — Sat, 26 Jun 2021 19:25:51 +0000

Младото момче Предраг Стевковски е пријавено за исчезнато. Преку статус на Фејсбук момчето го бараат и неговите роднини. -Ова е внук ми Предраг Стевковски, вчера пред пладне излегол од дома и не се вратил повеќе ако имате било каква информација ве молам исконтактирајте не или на Фејсбук или на еден од броевите 070232277 или на 071329258, стои во постот на Фејсбук.

Исчезна 16 годишно девојче од СОС Детско Село

Матеја Петровски — Fri, 24 Aug 2018 08:55:02 +0000

Во текот на вчерашниот ден во 01:30 часот во Полициска станица Гази Баба, згрижувач во СОС Детско Село пријавил дека на 22.08.2018 година околу 13.00 часот од СОС Детско Село во непознат правец се оддалечило 16-годишно девојче, информираат од МВР. Полицијата презема мерки за пронаоѓање на лицето.

Исчезна младо момче од Скопје- се бара помош од граѓаните

Матеја Петровски — Sun, 22 Jul 2018 07:22:53 +0000

Исчезна момче од Скопје – ако го видите јавете се на овие броеви. Исчезнато е 20-годишно момче од Скопје со говорна маана облечено во шорцеви и маичка. Фотографијата е објавена на „Ѕид на сообраќајниот срам“ со апел кој и да го види да пријави во полиција или да се јави на 070470824; 079292999. Момчето според објавата, го нема веќе 24 часа.