Четири возила за јавен превоз во Тетовско и Гостиварско исклучени од сообраќај поради неисправност

Дарко Андоновски — Thu, 13 Jan 2022 11:11:25 +0000

Четири возила кои вршат јавен превоз се исклучени од сообраќај во рамки на континуираните контролни активности на територија на СВР Тетово, инфомира Министерството за внатрешни работи. -Полициските службеници откриле и санкционирале четири технички неисправни возила кои вршат јавен превоз, од кои две во тетовскиот и уште толку во гостиварскиот регион. Тие веднаш биле исклучени од сообраќај до отстранување на констатираните неисправности. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, соопштуваат од МВР. На сите прекршители изготвени им се соодветни поднесоци, при што ќе се соочат со парична глоба од 400 евра во денарска противвредност.

Седум превозници исклучени од сообраќај во Тетовско

Магдалена Андонова — Thu, 19 Nov 2020 14:57:21 +0000

Полициски службеници на Секторот за внатрешни работи Тетово вчера од 10 до 16 часот спровеле акциска контрола за техничка исправност на возилата кои вршат јавен превоз на патници, претежно комбиња и автобуси. -При контролата откриени се и законски санкционирани се седум технички неисправни возила, сите со неисправни сопирачки. Поради техничките недостатоци неисправните возила веднаш се исклучени од сообраќај, а на сите прекршители им биле изготвени соодветни поднесоци и ќе се соочат со парични глоби, кои за овој вид прекршок се движат од 45 до 400 евра во денарска противвредност, информираат од СВР Тетово. Во вчерашната контрола откриени се и четири други видови прекршоци. (МИА)

исклучени од сообраќај – Kurir.mk

Четири возила за јавен превоз во Тетовско и Гостиварско исклучени од сообраќај поради неисправност

Седум превозници исклучени од сообраќај во Тетовско