исклучување – Kurir.mk

Генералниот секретар на ДУИ најавува исклучување на „огнените“ од партијата

Тале Кристо — Wed, 12 Apr 2023 08:00:01 +0000

Генералниот секретар на ДУИ, Фатон Ахмети во вчерашното гостување на телевизија Алсат на прашањето дали ќе се премине кон исклучување на „огнените“ од ДУИ бидејќи формираа фракција, рече дека ќе постапат според статутот. Според статутот пак, фракции не се дозволени. -Врз основа на статутот кој е во сила, ние не го признаваме начинот на фракционирање во ДУИ, тоа е спротивно на статутот, додека статутот е главниот елемент што дефинира како треба да се однесуваме во партијата, рече Ахмети. На прашањето дали тоа значи исклучување, тој вели: -Ќе се однесувам согласно статутот, согласно органите, согласно анализите и извештаите што ги прават нашите органи. Јас сум легалист, ги почитувам извештаите, документите што ги донесовме и моето однесување е во согласност со документите што самите ги одобривме, заклучи Ахмети.

Украинскиот Парламент бара исклучување на Русија од ОН

Тале Кристо — Fri, 25 Nov 2022 16:18:20 +0000

Украинскиот Парламент денеска усвои нацрт-резолуција со која бара признавање на Руската Федерација како „држава спонзор на тероризмот“ и бараат нејзино исклучување од Обединетите нации, се наведува на веб-страницата на украинскиот парламент. Како иницијатор се наведуваат претседателот на украинскиот парламент Руслан Стефанчук и голем број други парламентарци. „Во нацрт-резолуцијата на Врховната Рада на Украина се наведува дека рускиот режим се нарекува терористички. Исто така, се поставува прашањето за легитимноста на Руската Федерација да остане во ОН и се бара одговорност од членовите на руските политички партии што поддржуваат агресија“, се наведува во документот.

Пред да тргнете на одмор задолжително ИСКЛУЧЕТЕ ги овие уреди и избегнете додатни трошоци!

Магдалена Андонова — Tue, 28 Jun 2022 15:51:06 +0000

Пред да одите на одмор, треба да исклучите одредени уреди, за да не предизвикате штета или непотребни трошоци во ваше отсуство. Што треба да исклучите кога одите на одмор? Некои апарати може да се расипат, некои сè уште трошат електрична енергија иако не работат, а некои може да не функционираат. Апарати што треба да ги исклучите од струја Модеми, рутери и уреди кои имаат надворешен полнач: мобилни телефони, конзоли за игри, лаптопи, модеми, рутери и сите уреди што имаат свој дополнителен полнач треба да се исклучат од приклучокот, бидејќи полначите, без разлика дали уредот работи или не - троши струја. Мали апарати за домаќинство: блендерите, тостерите, котлињата, сите апарати на тајмер може да бидат потенцијално опасни додека не сте дома. Затоа е најбезбедно да ги исклучите. За заборавените – сликнете ги празните приклучоци. Уреди во мирување: Сите уреди што ги контролирате од далечина не се навистина исклучени и безбедни додека не го исклучите напојувањето. Апарати што треба само да ги исклучите Клима: Се што треба да направите е да ја исклучите, не мора да го прекинувате напојувањето. Бојлер: Сè што треба да направите е да го исклучите бојлерот, исто како кога се туширате. Ова не е струја, но е корисно: Пред одмор, треба да го исклучите главниот вентил за вода - на овој начин сте заштитени од поплави.

Реакција на Кастриот Реџепи по исклучувањето од БЕСА

Тале Кристо — Fri, 12 Nov 2021 17:44:49 +0000

На својот фејзбук профил пратеникот Кастриот Реџепи, реагираше по одлуката на лидерот на Двиѓењето БЕСА, Биљал Касами, да го исклучи од партијата поради вчерашната постапка - непојавување на собраниската седница на која требаше да се гласа (не)доверба на Владата. Реџепи сподели фотографија на која пишува: „Господ да ја благослови Америка“

Времена забрана за исклучување на струјата на граѓаните на Тексас

Тале Кристо — Mon, 22 Feb 2021 06:58:53 +0000

Поради зимската бура и екстремно ниските температури, властите во Тексас времено им забранија на компаниите за електродистрибуција да им доставуваат сметки за струја на граѓаните или да ги исклучуваат мрежите поради неплатени сметки, соопшти гувернерот на оваа американска сојузна држава Грег Ебот. – Жителите на Тексас кои во текот на студените денови останаа без електрична енергија не треба да бидат изложени на астрономски сметки за струја, истакна Ебот на прес-конференција во Сан Антонио, додавајќи дека државата наскоро ќе пронајде начин да ги заштити тие потрошувачи. Според гувернерот, за само пет дена колку што траел студениот бран, граѓаните кои имале електрична енергија добиле сметки и до 5.000 долари за тој петдневен период поради зголемена потрошувачка.

Лос Анџелес ќе ја исклучува струјата и водата во домовите каде се прават големи забави

Магдалена Андонова — Thu, 06 Aug 2020 11:51:51 +0000

Властите на Лос Анџелес ќе започнат со исклучување на снабдувањето со струја и вода во домовите каде за време на пандемија се оддржуваат забави во кои учествуваат голем број луѓе, ова денеска го изјави градоначалникот на градот Ерик Гарсети. Гарсети истакна дека наредба од ваков тип е веќе одобрена во одделот за водни ресурси и енергеткика на градот и додаде дека мерката ќе важи од 7 август, со оглед на зголемениот број случаи на инфекции од коронавирус. -Гледаме извештаи за масовни забави и собирања кои ги нарушуват издадените укази за време на пандемијата. Овие активности станаа своевидни ноќни клубови, кажа градоначалникот за да ги објасни акциите на градот. Во изминатите 24 часа во Лос Анџелес се регистрирани повеќе од 2.300 нови потврдени случаи на Ковид-19, со што вкупната бројка на ниво на градот сега е над 197.000 заразени. (MИА)

Тахири: ПДК ќе го исклучи од партијата секој кој ќе гласа за новата косовска Влада

Тале Кристо — Thu, 07 May 2020 13:29:24 +0000

Пратеникот на опозициската Демократска партија на Косово (ПДК) Абељард Тахири вели дека никој од неговите партиски колеги нема да гласа за новата влада која може да ја формира коалицијата предводена од Демократскиот сојуз на Косово (ЛДК) и нивниот кандидат за премиер Авдулах Хоти, јави дописникот на МИА од Приштина. Тахири во емисијата „Интерактив“ на КТВ ја пренесе пораката на партискиот лидер Кадри Весели и одлуката на Претседателството на ПДК дека тој што ќе гласа за новата влада на Хоти ќе биде исклучен од партијата. – Кај нас е јасна работата, статутот е јасен, секој пратеник кој гласа спротивно на ПДК не може да биде веќе дел од нашата пратеничка група, а ние имаме јасна одлука во никакви околности да не гласаме за владата на Хоти, изјави Тахири. Тој додаде дека ПДК има своја опозициска агенда, односно дека се залага за нови избори веднаш штом се создадат услови за тоа. – Во моментот кога ќе се прогласи победа во борбата со Ковид-19, сметаме дека нема причини да продолжи таа влада, рече Тахири, изразувајќи уверување дека ПДК ќе ги обезбеди потребните гласови за нејзино уривање и за прогласување предвремени избори. На 25 март, на иницијатива на ЛДК беше изгласана недоверба на владата предводена од лидерот на Движењето самоопределување (ВВ) Албин Курти, по што, на 30 април, претседателот на државата Хашим Тачи го додели мандатот за формирање нова влада на ЛДК и нејзиниот кадидат за премиер, Хоти. Истиот ден кога му беше доделен мандатот на Хоти, ВВ поднесе барање за оценка на уставноста на одлуката на Тачи, по што Уставниот суд наредниот ден, на 1 мај, донесе времена мерка за суспендирање до 29 мај на дејствијата во правец на формирање нова влада.

УЕФА веќе не се заканува со исклучување од еврокуповите

Тале Кристо — Tue, 21 Apr 2020 17:26:41 +0000

Европската фудбалска асоцијација денес одржа видео конференција со претставници на 55 национални сојузи. Беа дадени ажурирани информации за опциите што ги разгледуваа двете работни групи што беа создадени кон средината на март. Развиени се различни опции за календари, опфаќајќи ги натпреварите на репрезентациите и клупските натпревари. УЕФА уште еднаш силно препорача да се завршат домашните натпреварувања – првенството и купот. Во исто време, во официјалното соопштение од Нион се вели дека „некои посебни случаи ќе бидат разгледани откако ќе се развијат принципите на прием во европските натпреварувања – во случај на откажување на домашните турнири“. Ова веројатно се однесува на неколку лиги што УЕФА ќе ги прогласи за неважечки резултатите од нивните првенства. Можеби ова ќе се случи во Белгија и Холандија. Сите решенија за горенаведените теми ќе бидат објавени по состанокот на Извршниот комитет на УЕФА, што ќе се одржи следниот четврток.