иско – Kurir.mk

Официјално: Иско има нов клуб

Ристе Здравков — Wed, 26 Jul 2023 18:07:10 +0000

Шпанскиот фудбалер Иско, кој беше без клуб од декември, кога раскина со Севилја после само 12 меча за тој клуб, денеска официјално прејде во градскиот ривал на Севилја, Бетис. Некогашната ѕвезда на Малага и Реал Мадрид потпиша едногодишен договор со Бетис, клуб чиј тренер е Мануел Пелегрини. Пелегрини кој е екс тренер на Малага и Реал, бил клучниот човек кој барал Иско да биде доведен во Бетис. Иско е шесто засилување за Бетис, од позвучните принови се Марк Бартра и Ектор Белјерин кои се и повратници во клубот чиј дрес го носеа и порано.

Лацио и Рома покажуваат интерес за Иско

Ивана Ефремовски — Mon, 02 Jan 2023 12:05:28 +0000

Поранешниот фудбалер за врска на Севилја, Иско се најде во сферата на интерес на Лацио и Рома. Двата римски клуба се подготвени да го ангажираат 30-годишниот фудбалер, објави „La Gazzetta dello Sport“. Претходно интерес за Иско имаше и од Салернитана, Вулверхемптон и Лос Анџелес галакси. На 21 декември, Шпанецот претходно го раскина договорот со Севилја, иако во август се пресели во клубот. Иско има 19 настапи за Севилја во сите натпреварувања, постигнувајќи едн гол и три асистенции. (МИА)

Иско може да ја продолжи кариерата во Вулверхемптон

Дарко Андоновски — Mon, 26 Dec 2022 09:03:44 +0000

Фудбалерот од средниот ред, Иско би можел да се пресели во Вулверхемптон, пренесува „AS“. Според шпанскиот весник, раководството на англискиот клуб е многу заинтересирано за стекнување на искусен фудбалер. Иско моментално е во статус на слободен играч. На 21 декември, Севилја објави раскин на договорот со играчот. Триесетгодишниот Иско има 19 настапи за Севилја во сите натпреварувања, постигнувајќи еден гол и три асистенции. Неговиот договор со тимот беше со важност до летото 2024 година.

Севилја и Иско го раскинаа договорот

Ивона Петрова — Wed, 21 Dec 2022 20:23:09 +0000

Севилја денес објави раскин на договорот со играчот од средниот ред Иско. Триесетгодишниот фудбалер му се приклучи на клубот во летото 2022 година на слободен трансфер откако го напушти Реал Мадрид. Иско имаше 19 настапи за Севилја во сите натпреварувања, постигна еден гол и три асистенции. Неговиот договор со тимот беше со важност до летото 2024 година. Претходно беше објавено дека една од можните опции Иско да ја продолжи кариерата е Вулверхемптон на чие чело е поранешниот тренер на Севилја, Хулен Лопетеги. Играчот од средниот ред има опции и да игра надвор од топ 5 лигите.

Иско во Севиља

Ивана Ефремовски — Sun, 07 Aug 2022 15:28:04 +0000

Поранешниот фудбалер на Реал и поранешен шпански репрезентативец Иско следните две години ќе ги мине во дресот на Севиља, соопшти денеска шпанскиот прволигаш од Андалузија. -Севиља постигна начелен договор со Иско, кој ова лето ќе биде третото засилување на клубот по дефанзивецот Маркао од Галатасарај и левиот бек Алекс Телес од Манчестер јунајтед, се наведува во клупското соопштение. Иско (30) в понеделник ќе потпише двегодишен договор и во Севиља повторно ќе соработува Хулен Лопатеги, тренерот под чија палка го играше најдобриот фудбал во кариерата, во репрезентативниот дрес (2016-2018) и во дресот на Реал Мадрид (2018). (МИА)

Иско ја одби Рома

Бошко Тасиќ — Tue, 05 Jul 2022 16:36:38 +0000

Досегашниот фудбалер на Реал Мадрид, Иско Аларкон, ја одби понудата на Рома. Шпанскиот играч за врска е слободен агент и имаше понуда од тимот на Жозе Мурињо, но на крајот одбра да остане во својата татковина. Приоритет на Иско е да потпише со клуб кој ќе игра во Лигата на шампионите, што значи дека неговите домашни опции се само Атлетико Мадрид и Севилја, под претпоставка дека неговото минато ќе го оддалечи од Барселона. Поранешниот репрезентативец на Шпанија има 30 години, но играше се помалку во последните сезони.

Анчелоти го отпиша Иско за финалето од ЛШ

Бошко Тасиќ — Sun, 22 May 2022 07:31:34 +0000

Карло Анчелоти го отпиша Иско и нема да му даде шанса да настапи на финалето во Лигата на шампионите против Ливерпул. Шпанскиот офанзивец на крајот од сезоната ќе си замине од „кралскиот“ клуб. Оваа одлука на првиот тренер значи дека тој нема да помогне во освојување нов трофеј во елитното клупско натпреварување. 30-годишникот ќе ја напушти престолнината по девет години. Неколку европски гиганти како Арсенал и Борусија Дортмунд покажаа интерес да го доведат Иско.

Карло Анчелоти се откажа од услугите на уште еден шпански репрезентативец

Бошко Тасиќ — Sun, 08 May 2022 19:30:12 +0000

Во пресрет на градското дерби против Атлетико Мадрид, Карло Анчелоти направи големи промени во стартниот состав, а голем дел од клучните играчи останаа на клупата. Еден играч воопшто го немаше во ростерот. Станува збор за Иско Аларкон, кој според официјалните податоци е отсутен поради болест. Сепак, шпанските медиуми го тврдат спротивното и велат дека Анчелоти практично ја завршил неговата кариерата во Реал Мадрид. Пред неколку години кога тренер беше Зинедин Зидан Иско беше еден од главните играчи на тимот, но во последните две сезони бележи огромен пад. Оваа сезона ќе ја заврши со само 16 настапи и два гола. Неговиот договор истекува на крајот на сезоната и јасно е дека веќе ги пакува куферите за да замине. Иско во Реал пристигна пред девет години од Малага. Во тој период освои дури 18 трофеи, а впечаток е дека со наведната глава си заминува од Сантијаго Бернабеу.

Иско се договори со Бетис

Дарко Андоновски — Tue, 26 Apr 2022 11:13:18 +0000

Фудбалерот на Реал, Иско е блиску до трансфер во Бетис. Според „As“, играчот од средниот ред се договорил со клубот од Андалузија по понудата од договор 2+1 година со кој ќе заработува над 10 милиони евра годишно пред оданочување. Покрај тоа, Шпанецот ќе добие и голем бонус. Конечната плата на Иско ќе зависи од тоа дали Бетис ќе се пласира во Лигата на шампионите. Исто така значајни во оваа работа ќе бидат и продажбите што клубот најверојатно ќе ги оствари на лето. Така Иско би можел да стане најплатениот играч во историјата на Бетис. Веројатно по трансферот на Иско, клубот ќе го напушти Набил Фекир, кој игра на слична позиција и има договор со плата блиска на играчот од средниот ред, кој сега настапува за Реал Мадрид. Триесетгодишниот Иско кој летово ќе стане слободен играч, сезонава има 15 настапи за мадридскиот клуб во сите натпреварувања и постигнато два гола.

Милан има намера во јануари да потпише договор со Иско

Ивана Ефремовски — Sat, 25 Sep 2021 08:47:40 +0000

Играчот за врска на Реал Мадрид, Иско, може да ја продолжи кариерата во Италија, пренесува „Todofichajes“. Според шпанскиот спортски портал, Милан е заинтересиран за 29-годишниот фудбалер. Италијанскиот клуб одржа разговори со Шпанецот и се надева дека веќе во следниот трансфер рок ќе биде склучен договор. Минатата сезона, Иско одигра 29 натпревари, на кои постигна две асистенции. На светската фудбалска берза, вредноста на Иско се проценува на 18 милиони евра. (МИА)