Исмаел Бенасер – Kurir.mk

Милан до крајот на сезоната останува без еден од најдобрите играчи

Бошко Тасиќ — Fri, 12 May 2023 04:30:41 +0000

Италијанскиот фудбалски шампион Милан објави дека ќе остане без алжирскиот играч за врска Исмаел Бенасер (25) поради повреда на коленото здобиена на првиот полуфинален натпревар од Лигата на шампионите против градскиот ривал Интер. Бенасер мораше да го напушти теренот во 18. минута поради повреда, а денешниот преглед покажал дека Алжирецот мора да оди на артроскопска операција на десното колено. Тој беше еден од најдобрите играчи на Милан оваа сезона, во Лигата на шампионите постигна клучен гол против Наполи во првиот натпревар.Интер и Милан го играат реваншот следниот вторник, формално Интер ќе биде домаќин на Сан Сиро.

Милан без Бенасер до крајот на сезоната

Ивона Петрова — Thu, 11 May 2023 15:14:25 +0000

Ланскиот италијански фудбалски првак Милан објави денеска дека до крајот на сезоната ќе биде без повредениот алжирски репрезентативен играч за врска Исмаел Бенасер (25). Алжирецот се повреди на вчерашниот прв полуфинален натпревар во Лигата на шампиони против градскиот ривал Интер (0-2). Бенасер го напушти теренот во 18 минута, а со денешните прегледи е констатирано дека ќе мора да му биде направена артроскопска операција на десното колено. На четири кола до крајот на сезоната во Серија А, Милан е петтопласиран со 61 бодови, два помалку од Интер на четвртото место, кое последно обезбедува виза за Лигата на шампиони.

Бенасер го пропушта дербито со Интер

Бошко Тасиќ — Fri, 03 Feb 2023 05:54:59 +0000

Фудбалерот од средниот ред на Милан, Исмаел Бенасер, има повреда на мускулот, потврди клубот. Поради ова Бенасер сигурно ќе го пропушти неделното дерби против Интер. Тој ќе биде подложен на дополнителни тестови следната недела бидејќи клубот се надева дека ќе биде подготвен за домашниот натпревар од Лигата на шампионите против Тотенхем на 14 февруари. Играчот од средниот ред е една од клучните алки во тимот на Стефано Пиоли. Оваа сезона има 27 настапи за „росонерите“ во сите натпреварувања.