исмет гури – Kurir.mk

Одреден 30-дневен притвор за Гури

Ристе Здравков — Thu, 20 Jul 2023 08:29:14 +0000

Судија на претходна постапка при Основниот кривичен суд Скопје на поранешниот функционер на ДУИ, Исмет Гури, и на уште две лица од истрагата која е во тек, им одреди 30 дена притвор откако беа уапсени 15 лица кои се осомничени за даночно затајување, злосторничко здружување и перење пари. Забраната е утврдена на барање на Јавното обвинителство дека постојат околности кои го оправдуваат стравот од бегство, дека ќе сокријат, фалсификуваат или уништат траги од делото и дека со влијание врз сведоци и соработници ќе ја попречат истрагата. Според Јавното обвинителство, со цел да се искористат противправна финансиска корист, осомничените го довеле во заблуда даночниот орган УЈП и неосновано побарале и прифатиле поврат на ДДВ од околу 840 илјади евра.

Триесет дена притвор за три лица, меѓу кои и функционерот на ДУИ, Исмет Гури

Катерина Бојаџиева — Wed, 19 Jul 2023 18:07:32 +0000

Судија на претходна постапка при Основниот кривичен суд Скопје одреди 30 дена притвор за поранешниот заменик директор во Дирекцијата на Управата за јавни приходи и функционер на ДУИ, Исмет Гури, и уште две други лица од истрагата што се води против 15 лица кои се сомничат за даночно затајување, злосторничко здружување и перење пари. Притвор по пронаоѓање е определен и за уште едно лице. Притворот е определен по барање на Јавното обвинителство дека постојат околности што го оправдуваат стравот од опасност од бегство, дека ќе ги скријат, фалсификуваат или уништат трагите на кривичното дело и дека со влијание врз сведоци и соучесниците ќе ја попречат истрагата. Според Јавното обвинителство, со намера за себе да стекнат противправна имотна корист, осомничените го довеле во заблуда даночниот орган – УЈП и неосновано побарале и добиле враќање на ДДВ од околу 840.000 евра.

Гури и Алими од ДУИ осудени на 3,6 години затвор за „Титаник 3“

Ристе Здравков — Fri, 14 Jul 2023 08:46:00 +0000

По три години и шест месеци затворска казна добија Ејуп Алими и Исмет Гури, од ДУИ обвинети во случајот „Титаник 3“. На нив во Кривичен суд им се судеше по вторпат, откако еднаш, Апелација ја укина пресудата. Судијката Марија Клетничка ги прогласи за виновни Алими и Гури бидејќи уништувале изборни материјали на локалните избори во 2013 година во Чаир. Тие ги преправале точните резултати на гласовите, па така за ДУИ конечните резултати растеле, на ДПА и на ВМРО-ДПМНЕ се намалувале. Овие резултати биле пратени во Државната изборна комисија со цел да станат конечни, но не им успеало. И денешната пресуда на Основниот кривичен суд не е правосилна односно странките имаат право на жалба до Апелација која овој пат ќе треба да одлучи мериторно. Ова е прва пресуда за некои поранешни или актуелни функционери од редовите на ДУИ во предметите на поранешното СЈО. Гури во моментов е заменик-управник во УЈП, а Алими државен советник во Министерството за политички системи и односи меѓу заедниците со кое раководи првиот вицепремиер Артан Груби.