Исмет Рамадани – Kurir.mk

Мирчевски до Ковачевски: Очекувам утре негосподинот Рамадани да го симнеш и разрешиш од сите функции и веќе ниту еден денар да не добие од народни пари- Арам да му е!

Катерина Бојаџиева — Wed, 01 Nov 2023 21:17:28 +0000

Во име на целата телевизија Канал 5, директорот на телевизијата Иван Мирчевски се вклучи во емисијата „Само вистина“, во која поранешниот пратеник Исмет Рамадани, обвини дека во емисијата имало етничка дискриминација на Албанците. Мирчевски му рече на Рамадани дека е крајно неприфатливо и да помисли такво нешто, бидејќи телевизијата е отворена за сите националности, дека Албанците на ниеден начин не биле дискредитирани, а уште помалку дека имало некаква дискриминација. Видеото погледнете го тука. Мирчевски побара и од премиерот Димитар Ковачевски, Рамадани да биде разрешен од сите функции и веќе ниту еден денар да не добие од народни пари.

Советник на Заев го обвини францускиот претседател дека излажал за датумот: Макрон е виновен, тој го излажал премиерот! (ВИДЕО)

Дарко Андоновски — Wed, 12 May 2021 11:52:47 +0000

Кога од Брисел ви кажуваат дека добивате датум за преговори со ЕУ, тогаш вие им ја пренесувате таа радосна информација на македонските граѓани. Меѓутоа, тогаш Макрон излажал, вели Исмет Рамадани. Советникот на премиерот Зоран Заев, Исмет Рамадани, во вчерашното гостување во „Само вистина“, јавно го обвини францускиот претседател Емануел Макрон дека го излажал македонскиот народ за датумот за преговори со ЕУ. Одговарајќи на прашањето зошто премиерот Заев и другите членови на Владата лажеле кога објавија дека земјава добила датум за преговори со ЕУ, Рамадани истакна дека виновникот е Макрон, бидејќи тој го излажал Заев. – Кога од Брисел ви кажуваат дека добивате датум за преговори со ЕУ, тогаш вие им ја пренесувате таа радосна информација на македонските граѓани. Меѓутоа, тогаш Макрон излажал – вели Рамадани.

Макрон го лажеше Заев дека Македонија добила датум за ЕУ и затоа граѓаните се излажани 😂 - изјави Исмет Рамадани, советник на @Zoran_Zaev — Божеее, што е следно, северџаниве ќе и објават војна на Франција ? @FranceMacedoine @AFP @France24_en @assofrmk @macedoine pic.twitter.com/IiNaJpOTR1
— Демир (@Trollowsky) May 11, 2021

Соработник на Заев со закана: Не гарантирам коректност на Албанците ако пропадне референдумот (ВИДЕО)

Ивона Петрова — Fri, 27 Jul 2018 06:40:19 +0000

Советникoт на премиерот Заев и претседател на Евроатланскиот совет на Македонија Исмет Рамадани во дебатна емисија на Алфа ТВ вели дека искажува личен став, а не предупредување, но инсистира на искреност, пренесува Република. – Албанците ќе бидат коректни во целиот процес, но ако не успее овој договор и ако ги загубиме сите шанси за НАТО и ЕУ, тогаш не гарантирам за коректноста на Албанците во нивното однесување понатаму. Ако не успееме да влеземе во НАТО и ЕУ, може да се случи еден крстопат, нешто друго што нема врска со демократски процеси, евроатлански процеси, изјави Исмет Рамадани за емисијата Отворено на Алфа ТВ со Искра Коровешовска. Рамадани бара тие што се против договорот и референдумот да кажат што ќе се случува ако тие не поминат и очекува никој да не се игра со емоциите на граѓаните. Исмет Рамадани е надворешен соработник на премиерот Заев за подготовка, анализа и извештаи неопходни за остварување на стратешките приоритети и определби за членство во НАТО.