испитување – Kurir.mk

Официјално започна испитувањето: Модерна ги вакцинираше првите деца со својата вакцина

Магдалена Андонова — Sat, 20 Mar 2021 14:06:53 +0000

Првите деца се вакцинирани во фазата 2/3 на Модерна за испитувањето на Ковид-19 детска вакцина, објави компанијата во вторникот. Клиничкото испитување, наречено студија KidCOVE, ќе вклучи приближно 6.750 деца во САД и Канада на возраст од 6 месеци до 11 години. Процесот е поделен на два дела. Во првиот дел, кај децата се тестираат различни дози на вакцина. Деца на возраст од 6 месеци до 1 година ќе добијат две дози на вакцина со растојание од околу 28 дена, на ниво од 25 или 50 или 100 микрограми. Деца на возраст од 2 до 11 години ќе добијат две дози на вакцина со растојание од околу 28 дена, на ниво од 50 или 100 микрограми. Наодите од првиот дел ќе се искористат за да се утврди која доза ќе се користи во вториот дел. За вториот дел, испитувањето ќе се прошири и ќе опфати деца на кои им се дава солен плацебо, што не прави ништо. Децата ќе бидат следени 12 месеци по нивната втора инјекција. Модерна ги прави тестовите за да види дали вакцината ги штити децата од разболување ако дојдат во контакт со коронавирусот, се вели во веб-страницата за информации за пациентите во клиничкото испитување. - Задоволни сме што ја започнавме оваа студија за фаза 2/3 на mRNA-1273 кај здрави деца во САД и Канада, рече извршниот директор на „Модерна“, Стефан Бансел, во соопштението за јавноста. - Оваа педијатриска студија ќе ни помогне да ја процениме потенцијалната безбедност и имуногеност на нашиот Ковид-19 вакцина кандидат кај оваа важна популација во помлада возраст. Модерна не е единствената компанија за вакцина која во моментов тестира вакцини кај деца, бидејќи вакцината Фајзер / Бионтек исто така се изучуваат и кај деца. „Џонсон и Џонсон“ ги објавија плановите за проучување на вакцината кај адолесценти, на возраст од 12 до 18 години.

Модерна започна да ја тестира својата вакцина на деца

Ивона Петрова — Wed, 17 Mar 2021 08:21:25 +0000

Американската компанија Модерна започна вакцината против коронавирус да ја дава на деца постари од шест месеци до 11 години, во рамки на средна до доцна фаза на клиничкото испутување, соопшти компанијата, За време на клиничкото истражување ќе биде испитана безбедноста и ефикасноста на две дози вакцина "mRNA-1273", кои се даваат во период од 28 дена. Планирано е во испитувањето да учествуваат 6750 деца од САД и Канада. Вакцината е веќе одобрена за итна употреба кај Американците повозрасни од 18 години. Во одвоено истражување, кое започна во декември, Модерна ја тестира својата вакцина меѓу младите на возраст од 12 до 18 години. Нивните клинички испитувања се објавуваат во соработка со Националните институти за алергија и инфективни болести и Управата за биомедицински истражувања и развој.

Русија во моментов испитува 1.500 мутации на Ковид-19

Тале Кристо — Fri, 15 Jan 2021 09:48:00 +0000

Во Русија се пронајдени речиси 1.500 мутации на коронавирусот, изјави денеска Ана Попова, директор на Руската федерална служба за фитосанитарен надзор и контрола (Роспотребнадзор), на маргините на научната конференција на форумот „Гајдар“. -Ова е важен аспект на пандемијата и ние континуирано работиме на тоа. Досега откривме речиси 1.500 мутации, потенцира Попова, пренесе Тасс. Според Попова, во рускиот институт „Микроб“ во моментов се спроведува анализата на информациите за мутациите на коронавирусот во светот. -Мутациите за кои често се зборува во некои земји, главно европските, станаа видливи уште во септември. Уште повеќе, првите промени од овој вид беа идентификувани во јуни, потврди Попова.

„Модерн Инкорпорејтед“ ја почна крајната фаза на испитување на вакцината против Ковид-19

Магдалена Андонова — Mon, 27 Jul 2020 13:54:25 +0000

Американската биотехнолошка компанија „Модерн Инкорпорејтед“ (Modern Incorporated) денеска соопшти дека ја започнала крајната фаза на истражување на нејзината потенцијална вакцина против коронавирусот. Станува збор за вакцина наречена „mRNA-1273“, која ќе биде тестирана на околу 30.000 возрасни лица кои не се заразиле со Ковид-19. Во соопштението на компанијата се наведува дека главната цел на истражувањето, поддржано од Владата на САД, ќе биде да ги спречи симптоматските форми на Ковид-19. Владата на САД ги удвои на речиси милијарда долари инвестициите во развојот на потенцијалната вакцина против Ковид 19, на американската компанија, која влегува во последната фаза од клиничкото испитување. „Модерн Инкорпорејтед“ доби 483 милиони американски долари во април, кога развојот на вакцината беше во рана фаза, а американската федерална агенција за фармацевтска технологија сега вети дека ќе издвои уште 472 милиони американски долари. (МИА)

Во Русија се испитуваат 47 вакцини за новиот коронавирус

Тале Кристо — Wed, 20 May 2020 12:11:07 +0000

Во Русија во моментов се работи на тестирање на 47 вакцини против новиот коронавирус, изјави денеска руската вицепремиерка Татјана Голикова. – Откривањето на инфекции со коронавирус е важен аспект на овие активности. На 14 платформи се работи на вкупно 47 вакцини. Очекуваме некои да дадат опипливи резултати, рече Голикова пред Советот на Федерацијата, горниот дом на рускиот Парламент. Околу 43 милиони американски долари од федералниот буџет се наменети за развој на систем за тестирање на коронавирус и вакцини, пренесува ТАСС. Александар Гинтсбург, директор на Институтот за епидемиологија и микробиологија „Гамалеја“, претходно изјави дека вакцината против коронавирус би можела да биде регистрирана во Русија во август. Предклиничките испитувања, објасни тој, треба да траат уште еден месец. Тие истражувања треба да ја утврдат токсичноста и реактивноста на вакцината, како и нејзините други својства, врз основа на кои може да се почне со тестирање на луѓе.

Максим Димитриевски тврди дека воопшто немал корона- бара државата да испита какви тестови користи

Тале Кристо — Fri, 24 Apr 2020 11:22:21 +0000

Точни ли се резултатите од тестовите за коронавирус кои ги спроведува Министерството за здравство? Ова прашање се поставува откако градоначалникот на Куманово, Максим Димитриевски пред една недела на тестирање од Центарот за јавно здравје беше позитивен на Ковид 19, за сега по тестови направени во две приватни лаборатории да биде негативен на коронавирусот. Алфа стапи во контакт со првиот човек на Куманово, тој вели државата треба да си ги провери тестовите, бидејќи нејасно е како нивните покажуваат едни резултати, а оние на приватните лаборатории други. –Сакам да ве информирам и Вас и јавноста дека заедно со сопругата почитувајќи ги сите безбедносни протоколи и процедури направивме тестирање на Ковид 19 на сопствена сметка во неколку релевантни лаборатории во државата, воедно претходно и тестирање од страна на ЦЈЗ Куманово на сите членови од моето семејство. Сите тестови се НЕГАТИВНИ, порача на Фејсбук Максим Димитриевски. Димитриевски веќе писмено побарал од епидемиолошката служба при Центарот за јавно здравје Куманово, да ги разгледа резултатите од тестирањата, доколку е потребно да се направи повторен тест, и под итно да достават барање укинување на решенијата за самоизолација, како за него и неговото семејство, така и за сите негови контакти кои биле посочени во епидемиолошката анкета. –Се надевам дека моето барање ќе биде итно разгледано и реализирано во рамки на процедурите бидејќи покрај негативните тестови здравствената состојба на мене и семејството е добра и не постојат никакви симптоми ниту показатели на инфекција од Ковид 19 со цел да се вратам на секојдневните работни обврски и заедно со мојот тим во Општинскиот штаб за заштита и спасување да продолжам со борбата против епидемијата во нашиот град и државата, пишува на Фејсбук Димитриевски. Покрај Димитриевски, и раководителот на регионалниот центар за управување со кризи, Горан Стојановски, кој е член на кумановскиот кризен штаб, тврди дека е негативен на Ковид 19. Од поодамна во јавноста постојат сомнежи дека Куманово е жртва на внатрепартиска битка во владејачката СДСМ, тие станаа уште поголеми бидејќи Владата не ги прифаќа барањата на Општинскиот кризен штаб за карантин на градот. Откако тестот на Димитриевски стана негативен бура реакции има и на социјалните мрежи. Аналитичарот Алекандар Пандов се сомнева дека власта вака се справува со политичките непријатели. –Верувам и во најтоталитарните режими, не им текнало сега своите политички непријатели да ги елиминираат со тоа што човекот ќе го прогласат за ,,позитивен“ на корона и го пикаат две недели во домашен притвор, која тие ја нарекуваат самоизолација!, пишува Пандов. За некакви дворски игри обвинуваше токму и Димитриевски. Вели дека страшно се лажело од лица кои не смеат да го прават тоа во овие моменти, бидејќи одговараат за здравјето на сите граѓани. На Фејсбук реагираше и аналитичарот Ивор Мицковски, вели станува се поочигледно дека некој од властите опасно лажел и вели дека ова не покажува ништо добро за состојбите во СДСМ и уште помалку за лидерскиот врв на партијата.

Во Британија задутре почнува испитување на вакцина против Ковид-19 врз луѓе

Тале Кристо — Tue, 21 Apr 2020 19:11:15 +0000

Британската Влада „вложува сè“ за развој на вакцина против коронавирусот, изјави денеска министерот за Мет Хенкок. На дневниот брифинг во Даунинг стрит тој изјави дека во четврток ќе почнат испитувањата врз луѓе на вакцина против коронавирусот, која ја развил Универзитетот во Оксфорд. Хенкок, исто така, се осврна и на недостигот на заштитна опрема во здравството, истакнувајќи дека Владата разговарала со илјадници добавувачи, но сите не можеле да испорачаат. Во меѓувреме, Велика Британија регистрира уште 823 смртни случаи од коронавирусот во болници, со што вкупниот број на жртви достигна 17.337.