За испрашување и оценување учениците ќе одат во училиште

Магдалена Андонова — Wed, 02 Sep 2020 11:53:45 +0000

Од учениците што ќе следат настава онлајн ќе се бара за испрашување да се појават во училиште, затоа што претходното искуство покажало дека нема метод за оценување на децата онлајн. -Училиштата ќе добијат посебни упатства за оценување на учениците што наставата ќе ја следат онлајн, односно преку интернет, најави на денешната прес конференција министерката за образование и наука, Мила Царовска. Иако наставата ќе се одвива преку интернет, оценувањето на учениците ќе биде со нивно физичко присуство во училиштата. -Се подготвува посебно упатство за оценување. Тоа ни е исклучително важно затоа што онлајн-наставата треба да го даде максимумот што може. Но минатата година оценувањето не беше уредено. Сега велиме – оценувањето ќе треба да се спроведува со физичко присуство и тоа ќе треба да се организира во групи, секако, ако епидемиолошките услови во општината го дозволуваат тоа, рече Царовска.

Мoра да има термини за испрашување во училница: Проверката на знаењето ќе биде еден на еден, порачуваат наставниците

Магдалена Андонова — Wed, 19 Aug 2020 16:38:36 +0000

Низа недоречености останаа во однос на почетокот на новата учебна година. И наставниците и родителите имаат безброј прашања на кои досега не добија одговори, но реакциите и револтот кај голем дел од нив не стивнуваат по вчерашната одлука само децата од 1 до 3 одделение со физичко присуство да следат настава во училиште, а поголемите ученици да учат онлајн. Допочнително, родителите на најмалите ќе имаат избор дали нивното дете ќе остане дома да следи настава онлајн или ќе оди во училиште Фактор поразговара и со наставници и со родители од спротивставените табори, за кои заедничко е дека се уште е голема енигма како ќе профункционира учебната година и каков кавлитет на образование ќе добијат учениците. Велат и дека дефинитивно непослушноста и недисциплината на најголемиот број граѓани во земјава доведоа до состојба Македонија и во текот на летото да биде кризна држава во која епидемијата не стивнува, што беше пресудно да се донесе ваква одлука. -Направивме веќе анкета и до сега се пријавија родители на 18 деца дека наставата ќе ја следат во училиште, максималниот број е 20. Но и за еден ученик ние мора да бидеме присутни и да предаваме и тоа е навистина добро зошто се плашевме дека поради тоа што имаат избор, може да се случи и никој да не се пријави да доаѓа во училиште. Сметам дека е добро што барем ние ќе влеземе во училиштето кое е празно цели шест месеци, бидејќи во години кога сме најпродуктивни не е во ред седиме дома. Наставниците работат со жива материја, ние не сме компјутерџии па цел ден да програмираме и да сме пред екраните. Моите ученици сега ќе бидат второ одделение, а тука се поставуваат основите на образованието, се учат буквите, броевите...И првото одделение има своја посебна специфика кога децата прв пат ососзнаваат што се обврски, училиште, наставници, социјализација, меѓусебно почитување, но велам во второ веќе почнува вистински образовниот процес. За оние кои нема да доаѓаат на училиште ќе ја користиме платформата ЗУМ, па практично се што сме предавале во улилница ќе го предадеме и на малите кои се дома. Би сакала да истакнам дека нив ќе мора некој да им помогне во однос на ракување со новите технологии и во ниту еден момент нема да биде исто да се совлада материјата како за децата кои ќе бидат физички присутни. Затоа, добро би било по завршување на наставата која ќе трае практично од 8 до 11 да се договараме со родителите да ги носат децата да ги испрашаме, да видиме како го совладуваат матерјалот, да им дообјасниме. Тоа би било работа еден на еден, или во група по две-три деца, нема зошто да се плашат кога сите мерки ќе бидат запазени. Нашето работно време не завршува на пладне, вели за Фактор оделенска наставничка во едно од скопските училишта која сакаше да остане анонимна. Прочитајте повеќе на Фактор.мк

испрашување – Kurir.mk

За испрашување и оценување учениците ќе одат во училиште

Мoра да има термини за испрашување во училница: Проверката на знаењето ќе биде еден на еден, порачуваат наставниците