исправа – Kurir.mk

Кривична пријава против скопјанец за фалсификување исправа

Тале Кристо — Thu, 26 Jan 2023 13:47:20 +0000

Единицата за економски и компјутерски криминал при СВР Скопје поднесе кривична пријава против Д.Ѓ.(38) од Скопје поради постоење основано сомнение за сторено кривично дело „фалсификување исправа”. Како што информираат од МВР, на 1 октомври лани пријавениот изготвил и со потпис и печат на правно лице, на кое што е сопственик и управител, заверил невистинита исправа (договор за закуп) дека закупил објект од сопственик на објектот кој бил починат во 1994 година. Невистинитата исправа ја приложил во Управата за јавни приходи кон поднесеното Барање за издавање Решение за добивање согласност за отворање на ново уплатно-исплатно место за приредување игри на среќа, како доказ дека правното лице има корисничко право на објектот, на основа на која Министерството за финансии му издало Решение за добивање согласност за отворање на ново уплатно-исплатно место за приредување игри на среќа.

Кривична пријава против штипјанец за фалсификување исправа

Тале Кристо — Wed, 28 Sep 2022 18:53:26 +0000

СВР Куманово поднесе кривична пријава против Н.Д.(50) од Штип, поради постоење основи на сомнение за сторено кривично дело „фалсификување исправа“. На 27.07.2022, при извршена контрола од полициски службеници од Граничниот премин Табановце, утврдено било дека пријавениот приложил фалсификувана возачка дозвола од Република Северна Македонија.

Турски државјанин обвинет за фалсификување исправа

Магдалена Андонова — Fri, 11 Sep 2020 14:09:24 +0000

Јавен обвинител од Основното јавно обвинителство Скопје поднесе Обвинителен предлог против државјанин на Република Турција за кривично дело „фалсификување исправа“. – Обвинетиот, на 10 септември, во постапката за продолжување дозвола за привремен престој на странец, пред службите на Министерството за внатрешни работи, употребил како вистинска преправена јавна исправа – турски пасош. Во патната исправа била извршена замена на оригиналната надворешна корица и на страницата со податоци, информираа од ОЈО. Надлежниот јавен обвинител на Основниот кривичен суд му предложил да определи притвор, бидејќи постои опасност од бегство на обвинетиот кој е странски државјанин. (MИА)