ист гејт мол – Kurir.mk

„Ист гејт мол“: Безбедноста на вработените и на посетителите е наш врвен приоритет

Дарко Андоновски — Wed, 25 Oct 2023 14:50:37 +0000

Слободното движење и безбедноста на секој што работи и нè посетува, за нас се најважни и за ова да го оствариме, постојано ги преземаме сите мерки што ги имаме на располагање, се наведува во денешното соопштение на скопскиот трговски центар „Ист гејт мол“. Во врска со инцидентот, што вчера во попладневните часови се случи во подземните нивоа на трговскиот центар, како што се посочува во соопштението, компанијата е во комуникација со надлежните органи и соработува за што побрзо да се расветли случајот. - Целосно ја разбираме загриженоста на вработените и на посетителите и жалиме за непријатната ситуација во која што дел од нив се најдоа. Нашиот мол работи според највисоките стандарди и при секојдневното функционирање се почитуваат сите прописи за безбедност. За сигурноста на сите лица ги применуваме сите мерки што според законите ги имаме на располагање. На овој план имаме редовна соработка со надлежните органи. Овие принципи на работа ќе продолжиме да ги применуваме и ќе вложиме максимални напори, истите во иднина да бидат уште подобри и поефикасни, се истакнува во соопштението.

Едното лице е во животозагрозувачка, другото во стабилна- ова е состојбата на повредените при пукањето во „Ист гејт мол“

Катерина Бојаџиева — Wed, 25 Oct 2023 08:46:10 +0000

Двајцата повредени при вчерашното пукање во скопскиот трговски центар „Ист гејт мол“, се релативно стабилни, но нивната состојба се следи будно. Информацијата за МИА ја потврдија директорот на Клиниката за хируршки болести „Свети Наум Охридски“ во Скопје, Љубен Арсенков и директорот на Клиниката за торакална и васкуларна хирургија, Неџати Јакупи. Арсенков во изјава за МИА рече дека едниот пациент е во релативно стабилна состојба, сѐ уште е на апарати, утре ќе следува нова интервенција, поради карактерот на повредите, примарни настанати, мора да се направи уште една операција. - Меѓутоа, уште е во животозагрозувачка состојба, додаде Арсенков. Јакупи информира дека другото повредено лице е во стабилна состојба, на спонтатно дишење е, има стабилни витални параметри. - Очекуваме така да продолжи. Се следи неговата состојба, нагласи Јакупи. Две лица беа повредени, откако врз нив се пукало вчера попладне во скопскиот трговски центар „Ист гејт мол“. Министерството за внатрешни работи објави фотографија од лицето кое со огнено оружје пукало кон двете лица во „Ист гејт мол“. Ги повикува сите граѓани доколку го забележат или имаат какви било сознанија за него или корисна информација што може да помогне во истрагата, веднаш да известат во најблиската полициска станица или да пријават на телефонските броеви 192 или 112.

ЕДНО ЛИЦЕ ВО КРИТИЧНА СОСТОЈБА – другото лице пренесено на Клиниката за торакална хирургија, по пукањето во „Ист гејт“

Дарко Андоновски — Tue, 24 Oct 2023 14:34:01 +0000

По денешното пукање во „Ист гејт мол“, едно лице е во критична состојба, а друго е пренесено на Клиниката за торакална хирургија. Информацијата за МИА ја потврди директорот на Клиниката за хируршки болести „Свети Наум Охридски“ во Скопје, Љубен Арсенков. - Двајца пациенти се примени во болницата, станува збор за две машки лица. Едниот пациент е задржан кај нас, веднаш е однесен во операциона сала поради сериозноста на повредите. Во моментов се изведува оперативен зафат кај овој пациент. Во тешка состојба е и врз него се врши оперативен зафат поради повреди во стомакот и во градната шуплина. Другиот е препратен на Клиниката за торакална хирургија. И кај едниот и кај другиот пациент се работи за прострелни рани, појасни Арсенков. Министерството за внатрешни работи потврди дека имало пукање во овој скопски трговски центар, екипи на МВР се на терен и работат на расчистување на случајот.

„Ист Гејт Мол“ продолжува со работа: Заканата за поставена бомба е неверодостојна

Катерина Бојаџиева — Fri, 09 Dec 2022 12:14:30 +0000

Трговскиот центар „Ист Гејт Мол“ преку своите социјални мрежи ги информираше закупците и потрошувачите дека се завршени безбедностните проверки од страна на надлежните институции, при што, како што велат, утврдено било дека доставената закана за поставена бомба е неверодостојна. Од Трговскиот центар информираат дека молот продолжува со редовниот режим на работа согласно утврденото работно време. „Ист Гејт Мол“ се зблагодаруваат на надлежните институции за брзата и навремена реакција.

ВИДЕО: Евакуација во „Ист Гејт мол”

Ивона Петрова — Fri, 09 Dec 2022 09:54:39 +0000

Трговскиот центар „Ист гејт” е целосно евакуиран. Полиција и обезбедување го празнеа од посетители и вработени. Засега не е познато дали станува збор за дојава за бомба или пак вежба, пишува А1.он. Пред вратите на трговскиот центар има полициско обезбедување. Сите дуќани затворија во експресно кратко време. Од Министерството за внатрешни работи информираат дека во тек се проверки, по што ќе изнесат со повеќе детали.

Извршил кражба во Ист Гејт, па го бркале вработените и обезбедувањето – скокнал од височина и се повредил, па завршил во болница

Дарко Андоновски — Thu, 08 Sep 2022 14:32:00 +0000

На 07.09.2022 околу 17,15 часот во СВР Скопје било пријавено дека во трговски центар на подрачје на Гази Баба, 16-годишник од с.Буковиќ, скопско кој бил забележан од вработените и обезбедувањето на трговскиот центар дека извршил кривично дело „кражба“, при обид за бегство, како што е пријавено, скокнал од височина и паднал, при што се здобил со тешки телесни повреди кои му биле констатирани во Комплекс клиники „Мајка Тереза“. Се преземаат мерки за расчистување на случајот.

По поплавата: Евакуирани посетителите на Ист Гејт Мол, трговскиот центар ЗАТВОРЕН

Ивана Ефремовски — Tue, 30 Aug 2022 18:56:21 +0000

Трговскиот центар Ист Гејт Мол соопшти дека по денешното невреме неговиот менаџмент донел одлука да го затвори центарот за јавноста, и да ги евакуира посетителите и вработените. Како резултат на лошите временски услови кои предизвикаа елементарна непогода на територијата на град Скопје, како што посочуваат, дојде до излевање на вода од атмосферската канализација на уличната мрежа, која предизвика поплавување на подземните нивоа на трговскиот центар Ист Гејт Мол. Согласно усвоените сценарија за безбедност и заштита во услови на елементарна непогода, Трговскиот центар беше евакуиран за кратко време. Во моментов, заради безбедност на посетителите, возилата во подземната гаража на трговскиот центар ќе останат паркирани се до исцрпување на водата. Техничките служби во Трговскиот центар во моментот работат на исцрпување на водата од подземната гаража. Овие активности ќе траат во текот на целата ноќ, информираат од Ист Гејт Мол. Посочуваат дека во зависност од прогресот на активностите поврзани со санација на поплавата, утре во раните утрински часови ќе ја информираат јавноста и закупците дали Трговскиот центар ќе биде отворен за потрошувачите и се заблагодаруваме на сите посетители и закупците за нивната брза и навремена реакција.

Скопје ќе „гори“ овој викенд: Концерт на Бресквица, Инас, Таско, THCV, Клинац и Тони Зен!

Дарко Андоновски — Tue, 31 May 2022 13:12:06 +0000

И конечно овој петок во нашата престолнина ќе започне долгонајавуваниот „Open Air - East Gate Mall Connect Festival“. Скопјани, но и македонската публика ќе имаат прилика неколку викенди по ред да уживаат во концертите на најголемите балкански и домашни ѕвезди. Овој петок (03.06) за првпат во Македонија ќе настапи српската музичка ѕвезда Бресквица, потоа популарниот Инас и нашиот рапер Таско. Додека пак во сабота (04.06) ќе настапат милениците на публиката ТHCV, потоа одличниот Клинац и на наше огромно задоволство ќе го видиме и Тони Зен. Наредните викенди ги очекуваме и настапите на: Раста, Елена Китиќ, Анастасија Ражнатовиќ, С.А.Ф. Бед Копи, Пајак, Диџеј Боно и Кристина Димитри, Диџеј Леа, Тракер, Луна и други... Организаторите на овој музички настан велат дека вакво нешто досега немало во нашата земја. Толку многу ѕвезди на едно место и во еден град… „Ова е еден од најголемите музички проекти кои се работеле во нашата земја. Се потрудивме да ги обезбедиме во моментот најголемите музички имиња, но не само тоа, се обидовме да ги задоволиме вкусовите на речиси сите генерации кои сакаат квалитетна музика“ – велат организаторите. Влезниците веќе се пуштени во продажба и тоа во „East Gate Mall“, како и онлајн преку продажната мрежа на www.kupikarta.com. Истите ќе се продаваат по цена од: 600 денари за дневна карта , викенд-карта ќе чини 1.000 денари, додека блок-карта чини 3.000 денари.

Приказната на Европското првенство во танци 2022 започна — Флешмоб од над 500 танчери во Ист Гејт Мол!

Дарко Андоновски — Mon, 16 May 2022 09:00:56 +0000

Големите нешта секогаш се привлекуваат, а за време на викендот сите патишта водеа до големи насмевки во новото срце на Скопје. Оваа сабота (14.05.2022), доказ за истото можеше да се најде во најголемиот шопинг центар од европски ранг во регионот, Ист Гејт Мол. Широките коридори беа разиграни со ритамот на повеќе од 500 млади танчери, кои заедно го креираа најголемиот флешмоб досега во најзабавното место во Скопје. Со порака до сите за поголем фокус кон здравите навики и важната улога на танцувањето во општеството и светот на младите, стотиците танчери од Break A Leg Studio, Aqua Dance Club, Eat The Beat и Dansa Latina Stefi, со модерна кореографија и уникатен танцов настап на Can’t Stop the Feeling од Џастин Тимберлејк, — и официјално го најавија претстојното Европско првенство во танци, додека секој агол во шопинг центарот вибрираше со позитивна енергија. Оваа година, Скопје е домаќин на ова првенство (IDO European Hip-Hop & Boogie Championship 2022), кое ќе се оддржи од 01.07.2022 до 05.07.2022 во Ист Гејт Мол и СЦ Јане Сандански. Како најпопуларна дестинација за сите млади во земјата и пошироко, во екот на летото, Ист Гејт Мол со отворени врати ќе ги спои најталентираните танчери од цела Европа на едно место. За време на првенството ќе се натпреваруваат преку 2500 танчери од 20 земји од Европа во различни танци, и тоа во неколку видови на состави, — соло, дуо, групи и формации, како и машки и женски категории поделени на, — детски, џуниор и возрасни. Нема подобар начин да се извлечеме од ригидноста на секојдневната монотонија и стрес, од танцувањето и забавната ведрина на младиот дух. Танцот е особено важен и во создавањето на здрави генерации со огромен број на придобивки, како физички, психолошки, така и социолошки. Видеото од флешмоб изведбата со над 500 танчери во Ист Гејт Мол е достапно на следниот линк: Подгответе се за ритамот на најразиграното лето досега!

Раста, Анастасија, Реља, Саф, Тони Зен, Бресквица и многу други во Скопје: Започнува „Open Air – CONNECT EAST GATE MALL FESTIVAL“!

Дарко Андоновски — Wed, 04 May 2022 15:00:14 +0000

Почнувајќи од 27-ми мај, па се до 25-ти јуни нашиот главен град ќе биде домаќин на еден од најголемите музички фестивали кои досега се одржале на овие простори. Во нашата престолнина доаѓаат едни од најпопуларнтие музички имиња од регионот, а покрај нив исто така ќе настапат и познати имиња од нашата сцена. Тоа значи дека буквално ќе има забава за сите вуксови... Имено на 27-ми овој месец започнува „Open Air - CONNECT EAST GATE MALL FESTIVAL“ на кој ќе настапат многу познати музички имиња. На отварањето на фестивалот, односно на 27-ми мај ќе настапи познатиот Реља Поповиќ, потоа наредниот ден на 28-ми свој настап ќе имaат и Елена Китиќ, Диџеј Леа, Луна и Тракер... Наредниот викенд на 3-ти јуни ќе настапи мега популарната Бресквица, па Инас, а свој настап ќе има и нашиот рапер Таско. 4-ти јуни пак е резервиран за THFC, Клинац и Тони Зен. На 17-ти јуни настапува можеби во моментов најголемата музичка ѕвезда на овие простори, раперот Раста, а по него на сцената ќе ги видиме диџеј Боно и Кристина Димитри, како и талентираниот Пајак. Наредниот ден на 18-ти јуни се одличните САФ и Bad Copy. Следниот викенд, односно последниот ден од фестивалот свој настап ќе одржи и мега-популарната Анастасија Ражнатовиќ. Организаторите на овој музички настан велат дека вакво нешто досега немало во нашата земја. Толку многу ѕвезди на едно место и во еден град... „Ова е еден од најголемите музички проекти кои се работеле во нашата земја. Се потрудивме да ги обезбедиме во моментот најголемите музички имиња, но не само тоа, се обидовме да ги задоволиме вкусовите на речиси сите генерации кои сакаат квалитетна музика“ – велат организаторите. Влезниците веќе се пуштени во продажба и тоа во „East Gate Mall“, како и онлајн преку продажната мрежа на www.kupikarta.com. Истите ќе се продаваат по цена од: 600 денари за дневна карта , викенд-карта ќе чини 1.000 денари, додека блок-карта чини 3.000 денари.