истегнување – Kurir.mk

Тестирајте ја својата флексибилност со овие 3 едноставни вежби

Ристе Здравков — Wed, 11 Jan 2023 08:35:23 +0000

Ова се кратки и едноставни вежби кои можете да ги користите за да ја тестирате вашата флексибилност. Се разбира, не зборуваме за таа флексибилност кога штиклите се допираат со задниот дел од главата или движењата на балерината, туку зборуваме за вежби кои сите сме ги правеле еднаш, барем на часовите по физичко образование како вид на загревање. Ако успеете да ги правите овие вежби правилно, тогаш според многу експерти, вие сте флексибилни. 1. Пружање раце Обидете се да ги допрете прстите на нозете во исправена седечка (или стоечка) положба без да ги движите колената. Оваа вежба е одлична за затегнување на листовите, грбот и рацете. 2. Виткање на рацете зад грб Обидете се да ја фатите спротивната рака колку што е можно повеќе во оваа положба. Со помош на оваа вежба ги активирате мускулите на грбот, со кои не се занимаваме често. 3. Седење со вкрстени нозе Седнете во турската седечка положба, нежно притиснете ги колената надолу и спуштете ги на земја. Ова истегнување е добро за активирање на внатрешните мускули на бутот. Ова се три вежби кои се сосема доволни како мини тест за флексибилност, а за да се подобри, доволно е да ги практикувате во комбинација со уште една секој ден како вид на истегнување. Пробајте ги наутро по будењето, одличен начин да ги разбудите и вашите мускули! Дали го положивте овој мини-тест?

Направете ги пред спиење: 8 минутни најефикасни вежби за истегнување (ВИДЕО)

Ристе Здравков — Wed, 26 Oct 2022 17:20:04 +0000

Овие вежби ќе ви помогнат да се опуштите по напорниот ден Кога ви треба одмор од напорниот ден или сакате само за да ги размрдате вкочанетите мускули, идеални се вежбите за истегнување. Ви предлагаме сет на вежби во траење од 8 минути. Најдобро е да ги правите пред спиење, бидејќи на тој начин ќе ги опуштите мускулите и ќе се ослободите од заморот. Активирајте се и почнете да вежбате! Погледнете го планот за тренинг:

Најдобрите јога вежби за истегнување во кревет (ВИДЕО)

Ристе Здравков — Mon, 10 Oct 2022 09:57:36 +0000

Совршен начин да го почнете денот, не мора ни да станете од креветот за да ги направите овие вежби. Одвојте 5 минути за јога вежби со кои ќе се опуштите и поенергично ќе го минете остатокот од денот. Вежбиве се одлични и против стрес.

Истегнување на мускулите и релаксација: 10 минути вежби кои можете да ги правите и пред спиење (ВИДЕО)

Ристе Здравков — Fri, 19 Aug 2022 13:07:15 +0000

Вежби за опуштање на целото тело и исфрлање на негативната енергија После напорен ден и стрес, вежбањето е одличен начин да се опуштите и да се ослободите од лошата енергија. Исто така, добра идеја е да направите некои вежби за истегнување. Затоа ви предлагаме сет од 10-минутни вежби кои можете да ги правите и пред спиење. Активирајте се и почнете да вежбате! Погледнете го планот за тренинг:

Не го прескокнувајте истегнувањето – тоа е важен дел од вашата фитнес рутина!

Магдалена Андонова — Mon, 19 Oct 2020 19:23:38 +0000

Истегнувањето е важен дел од фитнес рутината, а експертите велат дека повеќето луѓе прескокнуваат ваков важен дел за време на вежбање! Оправдувањето за прескокнување на истегнување го наоѓаме во недостаток на време, фактот дека мислиме дека сме веќе „доволно флексибилни“, како и во едноставното заборавање и дека сметаме дека е непотребно. Сепак, можете да направите голема, а можеби и непоправлива штета на вашето тело ако прескокнете истегнување. Ова се главните придобивки од истегнувањето, на кои вашето тело ќе биде благодарно: Помала болка во мускулите Сите сме добро свесни за ова чувство кога мускулите по должината на телото се напнати, болни и кога се чувствувате вкочанети по тренингот. Оваа болка е всушност микро излив на мускулни влакна и други отпадни производи како млечна киселина, што се јавува поради вежбање. Ако на овие супстанции им е дозволено да се акумулираат во телото, ден по тренингот ќе доживеете неверојатна болка и вкочанетост. Истегнувањето може да помогне во ублажување на оваа болка, издолжување на мускулните влакна и отстранување на отпадните материи со помош на подобрена циркулација. За време на размената на клетките и отстранувањето на отпадните материи, мускулите истовремено добиваат хранливи материи и протеини, што го одржува мускулното ткиво здраво и поподготвено за нови форми на вежбање. Зголемена циркулација на крв Истегнувањето многу ефикасно доведува до подобрување на циркулацијата на крвта во телото. Ова резултира во подобар проток на крв во вашите мускули. Подобра циркулација автоматски значи зголемена испорака на хранливи материи неопходни за мускулното ткиво, како и отстранување на отпадните материи и токсините. Го подобрува опсегот на движење Кога доволно се истегнувате, си дозволувате поголема можност за слободно движење и помал ризик од повреди за време на тренингот. Овие повреди најмногу се однесуваат на оние во областа на мускулното ткиво и тетивите. За време на истегнување, вие всушност ги истегнувате мускулите и чувствувате помала напнатост во нив, проширувајќи го опсегот на движење.

Зошто ни е важно редовното истегнување?

Ристе Здравков — Sun, 20 Jan 2019 17:40:40 +0000

Истегнувањето е важно за флексибилноста, движењето и спречување на повреди. Редовното истегнување не е само рутина која може да ви помогне во текот на вежбањето, туку и е важна навика за здравјето и функционирањето на телото. Зошто ни е важно редовното истегнување? Оптимизам – можеби ќе ви звучи чудно ако прочитате дека истегнувањето ќе ве направи оптимисти, но треба да знаете дека насобраниот стрес кој го имате во вашето тело придонесува да се чувствувате непријатно и напнато. Таквата тензија придонесува кон негативно размислување. Гледајте на растегнувањето како на будење на вашето тело и умот. Тоа исто така го поттикнува и лачењето на ендорфини кои даваат спокој и убаво чувство. Ја подобрува флексибилноста – најдобриот бенефит од вежбањето е истегнувањето и подобрената флексибилност. Тоа придонесува за подобри физички перформанси и значително намален ризик од повреди. Ја зголемува издржливоста – истегнувањето на мускулите го отстранува уморот од нив и го поттикнува крвотокот. Колку повеќе вежбате, толку повеќе енергија согорувате, што често може да направи да се чувствувате заморено, особено по долги и напорни тренинзи. Со помош на истегнувањето можето да го одложите заморот кој настанува во мускулите преку осигурување на ефикасно движење на кислородот низ телото. Ја зголемува енергијата – Понекогаш имате проблем да останете свежи и со енергија во текот на денот? Доколку тоа ви се случува, тогаш истегнувањето има моќ да им помогне на вашиот ум и тело да се разбудат и да ви даде повеќе енергија. Мускулите се стегнуваат кога сме уморни и тоа прави да се чувствуваме летаргично. Ја подобрува циркулацијата – истегнувањето има моќ да ја придвижи крвта кон мускулите. Тоа помага во севкупното здравје, бидејќи добрата циркулација поттикнува раст на клетките и добро функционирање на органите. Го намалува холестеролот – комбинирано со здрава исхрана, растегнувањето помага да се намали холестеролот. Холестеролот е причинител за многу срцеви заболувања.

Никогаш не ги правете овие работи после вежбањето

Ристе Здравков — Tue, 28 Aug 2018 13:11:53 +0000

Иако мислите дека со вежбањето ги решавате сите проблеми, сепак постојат некои работи кои не треба да ги правите штом завршите со физичката активност. Избегнувајте ги овие грешки. Недоволна хидратација по тренингот Не е доволно само да внесувате вода за време на вежбањето, туку и откако ќе завршите. Тоа е важно особено многу се потите во текот на вежбањето. Златното правило е да внесувате доволно течности пред, за време и после вежбањто. Нездрави калориски „бомби“ Луѓето кои тренираат многу напорно или пак се професионални спортисти можеби можат да се извлечат од ваквиот „грев“ но за луѓето кои работат од 8-16 и кои вежбаат по работа, не можат баш да си дозволат ваков луксуз. Избегнувајте хамбургери, пици, помфрит и калорични пасти. Иако понекогаш можете да си дозволите вакво задоволство, сепак ваквите нездрави оброци треба да ги избегнувате. Заборавате да се истегнете Колку што е важно загревањето, толку е важно и истегнувањето по завршување на тренингот. Важно е телото да се смири на тој начин. Не ги бележите резултатите Едноставен начин за мерење на успехот и напредокот е редовното бележење на резултатите. Изберете обичен начин или пак апликација која ќе ви помогне во тоа.