истекување на амонијак – Kurir.mk

Возот кој излетал од шините во Србија бил натоварен во Бугарија

Дарко Андоновски — Mon, 26 Dec 2022 07:00:55 +0000

Товарниот воз со амонијак што излета од шините во источна Србија бил натоварен во Бугарија. Тоа го изјави бугарскиот заменик министер за транспорт Красимир Папукчииски за БТВ. Несреќата се случи кај Пирот. Според Папукчииски, нема начин да се бара одговорност од бугарска страна, бидејќи инцидентот се случил на територијата на Република Србија. Товарот бил префрлен од бугарската инфраструктура во српската, во моментот на излетувањето со составот стопанисувале српската железница. Единствениот кој ќе учествува во истрагата е сопственикот на цистерните. Сите 20 вагони се француски и германски, а биле транспортирани од бугарски приватен оператор, посочи бугарскиот заменик министер. Тој ги советува бугарските граѓани да го ограничат патувањето во Србија.

ПРОГЛАСЕНА ВОНРЕДНА СОСТОЈБА, УЧИЛИШТАТАТА НЕМА ДА РАБОТАТ – нови детали за труењето кај Пирот, меѓу хоспитализираните има три деца!

Дарко Андоновски — Mon, 26 Dec 2022 06:30:31 +0000

Владан Васиќ, градоначалник на Пирот и шеф на Градскиот штаб за вонредни состојби, на прес-конференција рече дека во тој град е прогласена вонредна состојба. По тој повод рече дека училиштата нема да работат во понеделник, како и дека водата во тој дел не е за пиење. Да потсетиме, на делот од автопатот Ниш - Димитровгад, меѓу Пирот и Станичење, надвор од населено место, се преврте вагон со амонијак. Повеќе од 50 лица побарале лекарска помош поради труење со амонијак. Од нив седуммина се повредени во незгоди предизвикани од истекување на амонијак, односно излетување од патот, а еден од нив бил тешко алкохолизиран и пренесен во КЦ Ниш. Српските медиуми наведуваат и дека меѓу хоспитализираните има и деца, а засега само во Универзитетската клиника во Ниш има на лекување три деца.

ПРОГЛАСЕНА ВОНРЕДНА СОСТОЈНА ВО СРБИЈА ПОРАДИ ИСТЕКУВАЊЕ НА АМОНИЈАК: 51 лице во болница – „Не излегувајте и не отворајте прозори“

Дарко Андоновски — Sun, 25 Dec 2022 20:55:17 +0000

Градоначалникот на Пирот, Владан Васиќ вечерва прогласи вонредна состојба во градот, откако во близина на местото Сопотски Хан се преврте вагон на композиција на товарен воз кој превезувал гас од амонијак. При инцидентот од вагонот истекол гас и во атмосферата е ослободена висока концентрација на амонијак, поради што 51 лице се хоспитализирани со симптоми на труење. Поради вонредната состојба утре нема да работат училиштата во Пирот, јави дописникот на МИА од Белград. Вагонот на товарниот воз што превезувал амонијак се превртел околу 17 часот и 30 минути на дел од пругата од Пирот до село Станичење, кај местото Сопотски Хан, соопшти српското МВР. РТС јави дека до несреќата дошло кога композиција од 20 цистерни излетале од шините, од кои „најмалку една паднала во коритото на реката Нишава, што предизвикало бурна реакција на амонијакот во допир со вода“. Одделот за вонредни состојби на српското МВР потврди дека досега се хоспитализирани 51 лице со симптоми на труење со амонијак, од кои две лица се со тешки симптоми. Во Универзитетскиот клинички центар во Ниш се пренесени седум лица, кои имаат стабилни витални параметри со надразнувачки симптоми и благи хемиски изгореници. МВР ги повика граѓаните кои живеат во близина на несреќата, да не ги напуштаат домовите и да не излегуваат на отворено. На местото на настанот се испратени 27 пожарникари со 10 противпожарни возила. Поради несреќата железничкиот сообраќај на оваа пруга е во прекин. Поради слаба видливост во прекин е сообраќајот и меѓу Пирот и Бела Паланка по магистралниот и главниот пат, а алтернативната траса е преку селото Понор. Евакуирани се и работниците од втора смена во компанијата „Тигар гуми“, а на вработените во третата смена нема да доаѓа на работа. Компанијата „Србија Карго“ се огласи и соопшти дека се работи за товарен воз кој секојдневно сообраќа на делницата Ниш-Димитровгад и превезува суровини од Бугарија до Прахово и Шабац. Сопственикот на порталот Пирот плус онлајн, Ненад Пауновиќ, претходно вечерва изјави за Н1 дека на потегот долг 30 километри од Бела Паланка до Пирот има силен мирис на амонијак, а видливоста е толку слаба, што некои автомобили излетале од патот. – Жителите на Пирот се во страв, никој не излегува од дома, посочи Пауновиќ. Одделот за вонредни состојби на српското МВР потврди дека досега се хоспитализирани 51 лице со симптоми на труење со амонијак, од кои две лица се со тешки симптоми.

View this post on Instagram

A post shared by 192.RS (@192_rs)

Градоначалникот на Пирот Владан Васиќ прогласи вонредна состојба во тој град. Поради прогласување вонредна состојба училиштата во Пирот во понеделник нема да работат. Педесет и едно лице се хоспитализирани со симптоми на труење со амонијак, од кои две се со потешки симптоми, соопшти Секторот за вонредни состојби на Министерството за внатрешни работи на Србија.