истекување – Kurir.mk

Амонијак истече од цистерна кај Панчево: Едно лице во болница, евакуирано населението

Ивона Петрова — Fri, 13 Jan 2023 06:52:53 +0000

Истекување на амонијак од цистерна се случило синоќа во населбата Топол кај Панчево. Како што јавуваат српските медиуми, на едно лице му е пружена медицинска помош и е пренесено во болница каде е под кислородна терапија. Според медиумите, истекувањето се случило околу 23 часот. Полициски и противпожарни екипи се на лице место. Евакуирани биле жителите од околу десет куќи кои се наоѓале во непосредна близина. Како што се наведува, повеќе нема опасност за граѓаните.

„Газпром“: Прекинато истекувањето гас од „Северен поток“

Тале Кристо — Mon, 03 Oct 2022 11:42:23 +0000

Руската компанија „Газпром“ денеска соопшти дека притисокот во гасоводите „Северен тек“ е стабилизиран и оти престанало истекувањето гас од оштетените места на гасоводите. „Притисокот во цевководот А на ’Северен поток 2’ и во двата цевководи на ’Северен поток 1’ се стабилизирани по прекинот, истекувањето гас престана“, соопшти „Газпром“. „Газпром“ соопшти дека работи на намалување на притисокот на цевководот Б од гасоводот „Северен поток 2“. Руската компанија исто така изјави дека работи на намалување на ризикот за животната средина.

Данска пријави подводно истекување гас од гасоводот „Северен поток 2“

Тале Кристо — Mon, 26 Sep 2022 18:09:56 +0000

Данска денеска пријави истекување на гас од гасоводот „Северен поток 2“, што од Русија оди кон Европа под Балтичкото Море, па оцени дека постои опасност за поморскиот сообраќај. Данскиот оператор на гасоводот „Северен поток 2“ потврди за истекувањето откриено југоисточно од данскиот остров Борнхолм во Балтичкото Море. Иако овој гасовод не се користи за увоз на гас, тој сепак е наполнет, јави новинската агенција ДПА. Портпаролот на „Северен поток 2“ изјави дека е забележано губење на притисокот во цевките рано изутринава и оти веднаш се информирани надлежните тела во Германија, Данска, Шведска, Финска и во Русија. Германското Министерство за економија соопшти дека „не му се јасни причините и фактите во врска со оваа работа“. „Моментално разменуваме информации со надлежните тела за да ги разјасниме фактите“, се наведува во соопштението.

НОВИ СОЗНАНИЈА: Траги од истекување на гориво биле пронајдени на 300 метри од местото на трагичната нecpeќа

Тале Кристо — Wed, 01 Dec 2021 17:15:51 +0000

Траги од истекување гориво се гледаат на 300 метри пред несреќата со македонскиот автобус на автопатот Струма. Ова го констатирала инспекцијата на подрачното министерство, објасни министерката Виолета Комитова за Нова.бг. Таа објасни и дека делот каде што се случила несреќата нема закон 16 и според документи не се работи за автопат туку обичен меѓуградски пат. -До пред некој ден не знаев дека делот од Струма каде се случи тешката автобуска несреќа не е автопат, туку обичен, широк меѓуградски пат. Со голо око сите гледаме добар пат. Но, со голо око не можеме да ги почувствуваме падините на него, рече министерката. -Патот нема акт 16, бидејќи не се завршени постапките за експропријација. Според проектот, ова е патот Е-79, со максимална дозволена брзина од 90 km/h. Ова не е автопат, додаде министерот како одговор на прашање зошто брзината во оваа делница е зголемена на 120 км/ч. Таа кажа и дека заштитната ограда во кобниот дел била во нормите што важеле во моментот кога била поставена. -Има знаци на местото кои можеби падналe пред неколку месеци. РИА презеде акција за обновување на заштитната ограда. Сепак, нашата најголема слабост е обележувањето. Поставена е само средната централна линија, потенцира Комитова.

Истекувањето воздух на МВС се зголемило петпати

Тале Кристо — Mon, 28 Sep 2020 07:32:18 +0000

Истекувањето на воздухот на Меѓународната вселенска станица се зголеми петпати последниве месеци. Поради тоа се бара двојна изолација кај екипажот на рускиот дел од сателитот, за да се утврди местото на истекувањето, изјави неофицијално претставник од ракетно-вселенската индустрија за тамошните медиуми. Руските астронаути викендов повторно беа изолирани поради потрага по местото на дефектот. Се очекува тоа да заврши денеска. – Кога истекувањето беше забележано во септември 2019 година, станицата губеше 270 грама воздух дневно. Првата изолација на екипажот МВС се случи во август, бидејќи стапката на истекување се удвои – на 540 грама на ден, рече неименуваниот извор. – Во септември, степенот на истекување се зголеми за уште 2,5 пати – на 1,4 килограми на ден, така што екипажот мораше повторно да се изолира, додаде тој. Според руската вселенска агенција Роскосмос, официјално, безбедноста на екипажот на МВС и на самата станица, не е загрозена. „Тимот за управување со летови на рускиот дел на МВС, заедно со астронаутите од другите земји, ја анализира ситуацијата“, велат оттаму. На МВС сега се наоѓаат руските космонаути Анатолиј Иванишин и Иван Вагнер, како и Американецот Кристофер Кесиди.

Рудникот Саса ќе плати до 100.000 евра казна за истекувањето на јаловина во Каменичка Река

Магдалена Андонова — Tue, 15 Sep 2020 10:36:44 +0000

Министерството за животна средина и просторно планирање, во врска со истекувањето на јаловишен материјал од рудникот Саса во Каменичка Река, информира дека Државниот инспекторат за животна средина изврши вонреден инспекциски надзор. Согласно извештајот од направениот увид на водостопанскиот инспектор на ДИЖС во правното лице Рудник Саса направен е теренски увид со фотографирање и увид во документација. Притоа се констатира следното: Во раните утрински часови во 5.45 па се до 7.15 часот се случило испирање на јаловишен песок од 3.000 m3 од хидројаловиште бр.4, поради контактна филтрација во десниот бок. Овој материјал разлеан со вода од реката Каменица довел до заполнување на зафат на мала хидроелектрана и речното корито на реката притоа загадувајќи ја со јаловишен материјал од хидројаловиште бр.4. кое било и се гради од песок на хидроциклони со насипување во влажна состојба.