источен регион – Kurir.mk

Регистрирани два случаја на семејно насилство во Источниот регион

Тале Кристо — Fri, 10 Dec 2021 14:21:01 +0000

Два случаја на семејно насилство регистрирал Секторот за внатрешни работи, првиот се случил синоќа во Карбинци, а вториот денеска во Кочани. – Полициски службеници од Полициската станица Штип го лишиле од слобода 50-годишниот В.С. од село Радање, Општина Карбинци, бидејќи во 19:30 часoт во село Карбинци физички ја нападнал неговата поранешна 37-годишна сопруга. По комплетирање на случајот против В.С ќе биде поднесена соодветна пријава, стои во крими извештајот на СВР-Штип. Во Кочани полициските службеници од ОВР Кочани од слобода го лишиле 28-годишниот Д.А. од Кочани, затоа што во семејниот дом во Кочани физички ја нападнал неговата 54-годишна мајка. Надлежните од СВР-Штип велат дека по комплетирање на случајот против Д.А. ќе биде поднесена соодветна пријава.

Осма жртва во сообраќајка во источниот регион

Магдалена Андонова — Wed, 09 Sep 2020 14:45:12 +0000

Возачот на возилото „опел астра“ рано утринава почина во штипската Клиничка болница, откако пред два дена излета од коловозот кај новиот мост на реката Брегалница. Тој поминал покрај пешачката патека и удрил во дрво. Портпаролот на Клиничка болница-Штип, Марина Шуманска за МИА ја потврдува информацијата и вели дека состојбата на совозачот е стабилна и утре од шок соба ќе биде префрлен на одделение. Портпаролот на СВР-Штип, Гордана Панајотова вели дека од почетокот на годината ова е втора жртва на подрачјето на Полициска станица-Штип, додека на подрачјето на СВР-Штип е осма жртва. Во текот на вчерашниот празничен ден полициските службеници од Полициската станица за безбедност на патниот сообраќај-Штип спровеле и акциска контрола на возачи кои управуваат возила со брзина поголема од дозволената. Од извршената акциска контрола откриени се вкупно 22 прекршоци од нив шест возачи управувале со брзина поголема од дозволената надвор од населено место и 16 во населено место. Преземени се 22 мерки за горенаведените прекршоци. Санкционирани се и 26 останати прекршоци. (MИА)

ВМРО-ДПМНЕ: СДСМ ги излажа и жителите на општините од источниот регион

Тале Кристо — Sun, 05 Jul 2020 13:12:46 +0000

СДСМ целосно ги заборави и ветувањата кои ги даваше за жителите на општините од источниот регион, каде во нивните програми ветуваа проекти за развој и просперитет за овие општини. СДСМ во Пробиштип ветуваа многу проекти, каде како најважни можеме да ги издвоиме ветувањата за гасификација на општината, санација и хортикултурно уредување на старата депонија Јаловишна, уредување на простадот на улица Ленинов, како и изградба на патишта до Пониква (преку Злетово) и до с. Јамиште. СДСМ вети и излажа за овие проекти во Пробиштип. За жителите на Општина Карбинци СДСМ ветија изградба на брана на Козјачка река, ново училиште и старечки дом во Таринци, како и изградба на канализациони мрежи во Козјак и Нов Караорман. СДСМ од сето ова ништо не оствари. СДСМ ветуваа многу и за општина Чешиново-Облешево, како што е изградба на нова индустриска зона, нов регионален водовод и фекални канализации, како и регулирање на коритата на реките Брегалница и Кочанска река. Секако, СДСМ ништо од ова не реализира. За жителите на Општиан Зрновци СДСМ вети и не оствари реконструкција на каналот за водоснабдување на Зрновци, како и изградба на нова индустриска зона со откупен центар. СДСМ пред скоро 4 години ветуваа напредок, проекти, развој и многу работа за овие општини, а испорачаа лаги, корупција и очај. На 15 јули #ОбноватаДоаѓа и доаѓа крајот на најнеуспешната влада во историјата на Македонија, велат во својот Фејсбук статус од Комисиите на ВМРО-ДПМНЕ.