истра – Kurir.mk

Германец и Белгиец уапсени во Истра – снимале голи деца во камп

Ристе Здравков — Mon, 12 Jun 2023 07:39:02 +0000

Истарската полиција уапси 61-годишен Германец и 57-годишен Белгиец, кои се осомничени дека во одвоени случаи снимале голи деца во Пула и Ровињ. Полицијата во Пула товари германски државјанин за експлоатација на деца за порнографија бидејќи на 7 јуни околу 19 часот снимил голо дете како се тушира во камп во областа Премантура. Белгиски државјанин бил уапсен од полицијата во Ровињ поради сомнение дека попладнето на 7 јуни со мобилен телефон снимал и фотографирал деца во нудистичкиот камп. Обезбедувањето брзо го запрело и го задржало додека не дошла полицијата која го привела мажот во полициска станица. Во двата случаи, полициски службеници извршиле претрес во просториите, возилата и мобилните уреди што ги користеле осомничените. Вакви инциденти се случуваат секоја летна сезона на хрватското приморје. Најчесто тоа се странски државјани кои фотографираат голи деца со мобилни уреди, често скриени во чанти и други предмети, пишува Н1 Загреб.

Во југоисточна Истра за два часа 11.000 молњи

Дарко Андоновски — Sun, 08 Sep 2019 13:41:07 +0000

Во југоисточна Истра утрово, за само два часа, евидентирани се 11.000 молња, а две феномени, познати како „пијавици“, се забележани и на морето на јужна Истра и во близина на Брион, соопшти Истрамет. Времето беше нестабилно низ целата Истра претпладне, со локални поројни дождови проследени со грмотевици, кои најмногу ги погодија Пула, Медулин и Премантури. Во текот на ноќта меѓу сабота и недела најмногу дожд паднал во околината на Ровињ.

Дојава за бомба во училиште во Истра, учениците евакуирани

Предраг Кукиќ — Thu, 07 Mar 2019 11:43:20 +0000

Средно економско училиште во Истра утринава доби анонимна дојава за поставена бомба, по што учениците и вработените биле веднаш евакуирани, соопшти истарската полиција. На терен биле испратени полициски и пожарникарски екипи, како и итна медицинска помош. Во тек е претрес на училишните простории од страна на припадници на специјални единици за демонтирање експлозиви. – Полицијата утрово доби дојава од непознато лице дека во Средното економско училиште во Бује е поставена експлозивна направа. Полициски службеници веднаш излегоа на терен, а околу осум часот од училиштето се евакуирани учениците и вработените, се наведува во полициското соопштение.

Силно невреме: Град формира мраз со дебелина од над 40 сантиметри на Истра

Катерина Бојаџиева — Fri, 11 May 2018 18:28:36 +0000

Северот на Истра попладнево го погоди силно невреме проследено со град, при при се формирале купови мраз подебели од 40 сантиметри. Обилен дожд го зафати поголемиот дел од ова подрачје, а град бил забележан на помал дел од полуостровот. Таму каде што паднал градот, површината набрзо забелеала и тој носен од порои создал големи купови мраз. Во попладневните часови, на северот на Истра се развил нов систем на грмотевици и е забележана е појавта т.н. „даунбарст“, односно силен ветер, кој дува во сите правци од центарот на бурата.