Истражителите се сомневаат во овие две причини за пожарот во Тетово – ова ли го предизвикало ширењето на огнот за само неколку минути?

Дарко Андоновски — Thu, 09 Sep 2021 17:21:00 +0000

Истрагата на терен заврши. Од наодите на местото на настанот, Јавното обвинителство соопштува дека работи на расветлување на причината за пожарот. Извори на Алсат во обвинителството велат дека истражниот тим работи на две патеки. Првата е поврзана со сомневањата дека пожарот бил предизвикан од боци со кислород што го прошириле огнот во синџир, а втората дека огнот може да е предизвикан од несоодветна електрична врска, односно од дефибрилатор. Во моментов, Обвинителството не покрена сомневање за намерно подметнување пожар од човечки фактор. Но, Обвинителството тврди дека до затворање на истрагата, секоја верзија објавена во јавноста останува во рамките на шпекулации. Обвинителите ги зедоа и сведоштвата на вработените во модуларната болница, додека за дел од 14 – те жртви се бара ДНК анализа.

Истражители го завршија претресот на резиденцијата на саудискиот конзул во Истанбул

Ристе Здравков — Thu, 18 Oct 2018 09:30:10 +0000

Во рамки на истрагата за исчезнувањето на новинарот Џамал Кашоги, турските истражители го завршија претресот на резиденцијата на саудискиот генерален конзул во Истанбул, јави Анадолија.

Турските експерти од заедничката работна група за истрага на случајот „Кашоги“ рано утрово ја напуштија резиденцијата на саудискиот конзул.

Во текот на синоќешната истрага, истражителите извршија детален преглед на објектот и дворното место на резиденцијата во потрага по траги кои би можеле да го расветлат исчезнувањето на саудискиот новинар.

Саудискиот конзул Мухамед ал Отаиби ја напушти Турција ден пред влегувањето на истражителите во неговата резиденција, а истрагата за случајот и понатаму трае.

истражители – Kurir.mk

Истражителите се сомневаат во овие две причини за пожарот во Тетово – ова ли го предизвикало ширењето на огнот за само неколку минути?

Истражители го завршија претресот на резиденцијата на саудискиот конзул во Истанбул