истрели – Kurir.mk

ВЕЧЕРВА ОД 22 ДО 02 ПО ПОЛНОЌ ЌЕ СЕ СЛУШААТ ИСТРЕЛИ ВО СКОПЈЕ – во оваа населба ќе се снимаат сцени од македонската серија „Бистра вода“

Дарко Андоновски — Fri, 21 Oct 2022 14:47:36 +0000

Во објект на ул. „Владимир Полежановски“ во Скопје вечер ќе се снимаат сцени за серијата „Бистра вода“, во кои ќе биде употребено огнено оружје. Како што соопшти Министерството за внатрешни работи по информација добиена од страна на продуцентот на играната серија „Бистра вода“, снимањето ќе се одвива во периодот од 22.00 до 02.00 часот.

Четири дена ќе слушаме пукање и ќе гледаме воени возила: Не се вознемирувајте, еве што ќе се случува во Скопје и околината

Ивана Ефремовски — Wed, 04 May 2022 15:11:01 +0000

Армијата на Република Македонија со цел транспарентно прикажување на активностите кои можат да предизвикаат зголемен интерес, ги информира граѓаните на Скопје и околината дека од вечерните часови на ден 04.05 до 08.05.2022 година, на вежбовниот полигон и стрелиште „Стенковец“ ќе се изведува обука во склоп на која ќе се користат вежбовни артифиции. За време на изведување на планираните активности во склоп на обуката, во одредени периоди ќе се слушаат истрели од вежбовна муниција и други вежбовни средства, а ќе има и зачестено движење на воени возила, додека во утринските часови на ден 06.05.2022 година ќе има и активности во воздух. -Наведените активности се дел од редовните планови за изведување на неопходната обука на припадниците на армиските единици на овој полигон, при што се преземени сите неопходни превентивни мерки за безбедност на учесниците и околината. Согласно процедурите, со наведената активност се запознаени и надлежните институции на територијата на град Скопје, информираат од АРМ.

Правеле семејна веселба и пукале во воздух, полиција влезе во Џепиште

Ивана Ефремовски — Mon, 20 Jul 2020 15:38:08 +0000

На 19.07.2020 во 16:50 часот во Полициската станица Џепиште било пријавено дека во с.Џепиште се слушнале неколку истрели од огнено оружје. По тоа полициски службеници излегле на местото на настанот и констатирале дека во куќа, сопственост на Е.Е.(48) од с.Џепиште, при семејна веселба, Џ.И.(62) од с.Октиси испукал неколку куршуми од пиштол „Застава М-57“ кал. 7,62мм, за кој што поседувал дозвола. Џ.И. бил приведен во Полициска станица Дебар за понатамошна постапка, а пиштолот му бил одземен.

Пукале пред кафеана без престан- полицијата излегла на терен но не пронашла никој

Дарко Андоновски — Sat, 14 Dec 2019 15:50:38 +0000

Ноќеска во СВР Скопје било пријавено дека во временскиот период од 00,05 часот до 00,10 часот пред угостителски објект во Долно Блаце биле испукани неколку истрели. Полициски службеници од Полициска станица „Долно Блаце“ излегле на местото на настанот и на паркинг просторот во близина на угостителски објект пронашле чаури од пиштол. Повредени лица нема. Се работи на расчистување на случајот, информираат од МВР.

Истрели врз американската Амбасада во Анкара, нема повредени

Ивона Петрова — Mon, 20 Aug 2018 06:12:20 +0000

Врз американската Амбасада во Истанбул утрово околу пет часот по локално време, било пукано од возило во движење. Погоден е објектот за обезбедување, но никој не е повреден. Непознатиот напаѓач или напаѓачи избегале. Инцидентот се случува во време на затегнати турско-американски односи поради американскиот пастор Ендру Бренсон, што доведе до ескалација на трговскиот и дипломатскиот спор.

Истрели во близина на ресторан во Гостивар

Ивона Петрова — Fri, 05 Jan 2018 10:12:25 +0000

Истрели од огнено оружје вчера околу 23 часот се слушале во близина на ресторанот „Албис“ во Гостивар. Од страна на полициски службеници излезено е на лице место при што покрај паркирано возило „Сеат Ибица“ со австриска национална ознака забележале повеќе чаури, а во внатрешноста на возилото забележале кутија од муниција за сигнално оружје. -Идентификувано е лицето кое го управувало возилото, се работи за Г.Н.(25) од Австрија, и при проверка во системот на МВР утврдено е дека истиот добил отпуст од македонско државјанство, а моментално бил со привремен престој во Република Македонија. На подот во возилото, кај предното седиште пронајден е сигнален пиштол „Валтер Р88 компакт“, информираат од МВР. Со потврда за привремено одземени предмети сигналниот пиштол е одземен од Г.Н., а против истиот ќе биде поднесна соодветна пријава.