исвиркување – Kurir.mk

Битиќи: „Исвиркувањето на македонскиот јазик го доживеав многу тешко“

Магдалена Андонова — Wed, 17 Aug 2022 17:17:23 +0000

Живееме во општество на голема недоверба, општество во кое меѓусебно не се почитуваме и се уште не сме дораснати да ги прифаќаме различностите, рече вечерва вицепремиерот за економски прашања Фатмир Битиќи, коментирајќи го исвиркувањето на македонскиот јазик на прославата по повод 21-годишнината од потпишувањето на Рамковниот договор. -Исвиркувањето на македонскиот јазик го доживеав многу тешко. Тоа ни покажува во какво општество живееме, во општество на голема недоверба, во кое не се почитуваме и се уште не сме дораснати да ги прифаќаме различностие. Јас сум еден од тие и ќе останам да се борам за концептот на „едно општество“, истакна Битиќи во гостувањето на Канал 5 телевизија. На прашањето за барањето на ВМРО-ДПМНЕ да се одржат предвремни избори, тој уште еднаш повтори дека во време на криза сите треба одговорно да се однесуваат. -Уште во 2020 година кога ми беше дадена можноста да бидам вицепремиер, кажав дека во период на криза сите треба разумно да се однесуваме. Сметам дека наместо да повикуваме на избори и референдум, треба заедно да седнеме и да видиме кои се решенијата за излез од кризата, нагласи Битиќи. (МИА)

Скандал на прославата на ДУИ за Рамковниот договор: Водителката исвиркана кога проговори на македонски јазик (ВИДЕО)

Магдалена Андонова — Sun, 14 Aug 2022 17:43:36 +0000

Наместо да се слави мултиетничкиот карактер, што е еден од главните столбови на Рамковниот договор, синоќешната прослава на 21-годишнината од неговото потпишување мина во сенка на однесувањето на дел од присутните на забавата.. Дамка на прославата фрли исвиркувањето на водителката, кога таа прозборе на македонски јазик.. Од Владата засега нема реакција на однесувањето на присутните на настанот, кој според најавите, треба да стане традиционален и да прерасне во фестивал налик на Егзит..

Бејл: Не разбирам зошто нашите навивачи не исвиркуваат

Тале Кристо — Wed, 27 May 2020 09:12:21 +0000

Фудбалерот од средниот ред на Реал Мадрид, Герет Бејл изрази зачуденост од критиките на навивачите на „кралскиот клуб“. – На секој натпревар сме под огромен притисок. Ако играте лошо, вие сте во центарот на вниманието. Кога играв лошо, целиот стадиодн, 80.000 ме исвирка. Непријатно е. Наидов на ова неколку пати. Кога се случи ова за прв пат, помислив: „Што се случува ?! Тоа ја уништува вашата доверба. Јас не разбирам. Затоа што ако не успеете на теренот, навивачите треба да ве поддржат за да се издигнете и да им дадете радост. Тие го прават спротивното. Почнуваат да свиркаат, се чувствувате уште полошо и ја губите довербата. Почнувате да играте уште полошо и ова ги вознемирува уште повеќе, истакна Бејл. Ова е одлика на Реал Мадрид и во другите клубови се случува истото, но Реал е најпознат по ваквите нешта. Се случува да не реализирам добра шанса. Тие почнуваат да свиркаат, а вие си мислите: Довербата опадна по нереализираната шанса и сега ќе падне уште пониско. И во следниот момент, противничкиот гол ви изгледа минијатурен, како да е дупка во голфот, рече велшкиот репрезентативец.