италијанска репрезентација – Kurir.mk

Манчини: Оваа репрезентација на Италија можеше да го освои Светското првенство

Дарко Андоновски — Mon, 28 Mar 2022 12:15:36 +0000

Селекторот на италијанската фудбалска репрезентација, Роберто Манчини уште еднаш зборуваше за своето разочарување од отсуството на неговите избраници на Светското првенство 2022. – И покрај големото разочарување, задоволен сум што се цени работата што ја направивме во изминатите четири години. Освојувањето на еврото не е наше единствено достигнување. Момците заслужуваат признание за постигнатото. Имаме посебен тим. Требаше да победиме во нашата квалификациска група за Светско првенство со најмалку два бода предност пред Швајцарија. Во Базел требаше да победиме со 3:0. Од септември постојано немаме среќа, но не можам да ги обвинувам играчите, тие покажаа добар фудбал. Направивме грешки и не ги претворивме нашите шанси во голови. Сега имаме можност да додадеме млади играчи во тимот, кои, се надевам, ќе ги добијат своите шанси во клубовите. Можеме да го следиме потенцијалот на младите момци. Овој тим со мало засилување можеше да го освои Светското првенство, изјави Манчини. Тој најави промени во составот на следните натпревари на Италија. – Треба да ја подготвиме репрезентацијата за Европското првенство кое ќе се одржи за две години. Ова е наша работа. Сакав да го освојам Еврото и Светското првенство. Сепак, за Мундијалот ќе мора да почекам, но ми се допаѓа оваа работа и сакам да направам нешто важно овде. Ако го земеме предвид нашето разочарување, тогаш се останато тече како и обично, додаде селекторот на италијанската репрезентација. Италија не успеа да го помине полуфиналето во плејофот за Мундијалот 2022, откако на 24 март во Палермо загуби од македонската фудбалска репрезентација со 1:0.

Манчини ќе го продолжи договорот со италијанската репрезентација до 2026 година

Тале Кристо — Wed, 12 May 2021 09:37:38 +0000

Селекторот на италијанската репрезентација Роберто Манчини ќе го продолжи договорот со репрезентацијата, смета новинарот Николо Шира. Според добриот познавач на италијанскиот фудбал, 56-годишниот фудбалски стручњак ќе потпише договор до 2026 година. Се известува дека годишната плата на селекторот ќе изнесува три милиони евра. Манчини го презеде националниот фудбалски тим на Италија во мај 2018 година.

Кваљарела се враќа во репрезентацијата на Италија по повеќе од 8 години

Дарко Андоновски — Sat, 02 Feb 2019 09:01:40 +0000

Ветеранот од Сампдорија, Фабио Кваљарела доби повик за италијанската репрезентација откако го израмни рекордот на Габриел Батистута по бројот на постигнати голови (11) во последователни натпревари од Серија „А“. Селекторот Роберто Манчини одлучи повторно да ја активира иконата на италијанскиот фудбал и да го врати на списокот на повиканите за прв пат од 2010 година. Триесет и шест годишниот Кваљарела постигна 16 гола во 20 настапи за клубот оваа сезона, и е топ-стрелец во Серија „А“ со гол повеќе од Кристијано Роналдо и Дувана Сапата (15).