италијански државјанин – Kurir.mk

На скопкиот аеродром пронајдена дрога кај италијански државјанин – поднесено обвинение против него

Магдалена Андонова — Fri, 28 May 2021 11:31:15 +0000

Обвинителен акт против едно лице поднесе Основното јавно обвинителство Скопје за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. На 17 мај, на Меѓународниот аеродром Скопје, при личен преглед на обвинетиот 38-годишен државјанин на Република Италија, во неговата патна торба биле пронајдени 8,01 грама марихуана, 3,33 грама хашиш и 18 милилитри хашиш масло. Надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за обвинетото лице.

Oбвинение против италијански државјанин – кај него во багаж била пронајдена дрога

Магдалена Андонова — Wed, 19 May 2021 13:56:20 +0000

Наредба за спроведување истражна потапка против едно лице донесе Основното јавно обвинителство Скопје поради основано сомнение дека осомничениот 38-годишен италијански државјанин сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. На 17 мај, на Меѓународниот аеродром Скопје, при личен преглед на осомничениот, во неговата патна торба биле пронајдени 8,01 грама марихуана, 3,33 грама хашиш и 18 милилитри хашиш масло. Поради опасност од бегство, надлежниот јавен обвинител до Основниот кривичен суд Скопје достави и предлог за определување мерка притвор за осомниченото лице.

Поднесено обвинение против италијански државјанин – прикажал фалсификуван ПЦР тест на скопскиот аеродром

Магдалена Андонова — Wed, 28 Apr 2021 11:13:14 +0000

Основното јавно обвинителство Скопје поднесе Обвинителен предлог против 59-годишен италијански државјанин за кривично дело – Фалсификување исправа од член 378 став 1 од Кривичниот законик. Обвинетиот, на 23 април, се обидел да отпатува преку Меѓународниот аеродром Скопје, прикажувајќи лажен сертификат за негативен ПЦР тест на SARS-CoV-2 вирусот. Иако знаел дека не се тестирал во наведената лабораторија и дека таков документ не му е издаден, тој лажната исправа ја употребил како вистинска пред службените лица на аеродромот.

На Табановце уапсен италијански државјанин, по потерница од Интерпол

Тале Кристо — Sat, 15 Aug 2020 09:29:16 +0000

На Граничен премин „Табановце“вчера во 21:40 часот од слобода бил лишен М.М.(40) од Италија, а со живеалиште во Р.Србија, затоа што при проверка било утврдено дека се наоѓа на листата со мерка „лиши од слобода“, по барање на Интерпол. Тој бил предаден на полициски службеници од СВР Куманово за понатамошна постапка.

Избегал од карантин, а хаосот настанал на граничниот премин од каде избегал и од преполниот автобус во кој се возел- еве ги деталите!

Дарко Андоновски — Thu, 12 Mar 2020 09:30:11 +0000

Патник од автобус кој се движел од Котор кон Белград бил запрен од српските власти поради сомневање дека еден од патниците доаѓа од заразените подрачја, а потоа истиот избегал од автобусот. Црногорскиот медиум „Победа“ пренесува дека тој во моментов се наоѓа во изолација и дека нема симптоми кој би можеле да укажат на коронавирусот. „Тој е сместен во едно преноќиште. Нема никакви симптоми и категорично тврди дека не побегнал. Тврди дека на 27 февруари се одморал во Словенија, Љубљана, а сето тоа ќе го провериме, вели извор за медиумот.“ Друг медиум пак тврди дека Италијанецот негирал дека побегнал од карантин во Хрватска. Српските медиуми пак јавуваат дека вчера еден Италијанец избегал од карантин од Хрватска и е пронајден во автобус на границата со Црна Гора и Србија. Инаку автобусот е застанат на граничниот премин „Шпиљани“. „Според мерките во Србија државјанинот на Италија не е пуштен да влезе во Србија, а останатите патници од автобусот се ставени во домашна изолација“, пренесуваат српските медиуми. Автобусот инаку е однесен во Белград каде ќе биде превентивно дезинфициран, а црногорската полиција се уште се нема огласено официјално за овој случај, но потврдуваат дека стапиле во контакт со хрватската полиција каде не бил регистриран ниту еден случај на бегство.