Ива Митева од ИТН одби да биде предложена за нов претседател на бугарскиот парламент

Тале Кристо — Sat, 18 Jun 2022 10:26:41 +0000

Ива Митева од партијата „Има таков народ“ на Слави Трифонов одби да биде предложена за претседател за нов претседател на 47. Народно собрание на Бугарија, соопшти таа за БНР по вонредниот состанок на пратеничката група на „Има таков народ“.

Како што јави дописникот на МИА од Софија, според Митева, немало ништо страшно доколку не се избере нов претседател во рокот од 14 дена предвиден во собранискиот деловник.

Митева најави дека нема да биде кандидат за претседател на Народното собрание на Бугарија. Сè додека не се смири ситуацијата, таа смета дека претседател на Собранието треба да биде човек кој ќе има согласност од целиот парламент, Митева не гледа кој од нејзините колеги би ја преземал оваа функција, бидејќи никој нема да сака да биде на оваа функција, бидејќи никој нема да сака да се неоѓа во ситуација да биде понижуван секој ден. Според Ива Митева, нема потреба ситуацијата во Бугарија да биде толку тензична и немало потреба се да се прави со инает.

Ива Митева смета дека е грешка смената на Никола Минчев од функцијата, порака која изненади многу политички набљудувачи во Бугарија. Како што потсетува дописникот на МИА од Софија, Ива Митева, беше претседавач со 45. и 46. Народно собрание на Бугарија.

Ива Митева избрана за претседател на Народното собрание на Бугарија

Тале Кристо — Wed, 21 Jul 2021 08:30:28 +0000

Бугарскиот Парламент со 137 гласа „за“ за претседател ја избра адвокатката Ива Митева од партијата „Има таков народ“, која беше претседател и во претходниот состав на парламентот, јави дописникот на МИА од Софија. Митева беше избрана и со гласовите на Движењето за права и слободи, додека ГЕРБ и БСП беа воздржани. За кандидатот на БСП за претседател на Националното собрание, Кристијан Вигенин гласаа 35 пратеници, колку што е бројот на нивната пратеничка група. Во својот прв говор новоизбраната претседателка на 46. Народно собрание му посака успех и среќа на новиот бугарски Парламент. Лидерот на ГЕРБ и поранешен премиер, Бојко Борисов, вчера објави дека неговата партија нема да номинира кандидат за претседател на Националното собрание, туку само заменик претседателката Росица Кирова, која до пред неколку месеци беше активист на „Има таков народ“ од Видин, но беше исклучена од партијата заради средба со тогашниот бугарски премиер Борисов за време на неговата посета на регионот.

Ива Митева – Kurir.mk

Ива Митева од ИТН одби да биде предложена за нов претседател на бугарскиот парламент

Ива Митева избрана за претседател на Народното собрание на Бугарија