иван чупиќ – Kurir.mk

Чупиќ: Некои гледаат ракомет само во јануари и си земаат за право да плукаат и навредуваат!

Ристе Здравков — Sun, 15 Jan 2023 08:37:24 +0000

Хрватската ракометна легенда и поранешен играч на Вардар, Иван Чупиќ распали по оние кои упатуваа жестоки критики кон хрватските ракометари по убедливиот пораз од Египет. Хрватска доживеа неочекуван дебакл на стартот од Светското првенство, загуби од Египет со 31-22. Чупиќ од дома го прати Светското првенство, но живее како се уште и тој да е дел од репрезентацијата. По високиот пораз, ракометарите на Хрватска добија жестоки критики од јавноста во нивната земја. Тоа го погоди Чупиќ кој напиша колумна за официјалниот сајт на Хрватската ракометна федерација. „За жал кај нас има многу луѓе кои ракометот го гледаат само во јануари, а потоа на него забораваат во наредните 11 месеци, но си земаат за право да плукаат и навредуваат се по ред. Дел од нив го чека јануари само за да земат некоја куна во обложувалница и ако тоа не се случи, бидејќи тие емотивно се обложуваат на Хрватска, почнува лавина навреди и омаловажувања“, вели меѓудругото Чупиќ. „А тие момци, мои пријатели, исто како и јас не спиеа цела ноќ. Бев со нив на телефон до 3 часот наутро и знам како се чувствуваат. Луѓето не сфаќаат дека на нив им е најтешко. Ги поминаа последните три недели, по исклучително напорна сезона, одвоени од своите семејства во време на божиќните и новогодишните празници, крваво тренираат и не успеаа“. Целата колумна на Чупиќ можете да ја видите на овој ЛИНК.

Хрватска без Иван Чупиќ на Мундијалот!

Бошко Тасиќ — Fri, 30 Dec 2022 06:12:34 +0000

Ракометната репрезентација на Хрватска ќе настапи ослабена на претстојното Светско првенство бидејќи порадиповреда искусното лево крило Иван Чупиќ (36 години) нема да биде на располагање на селекторот Хрвоје Хорват. Поранешниот играч на Вардар има повреда на коленото, која е пречка да биде во составот. „Чупиќ е голем борец. Ние бевме подготвени да го чекаме до последен момент. Знаеме колку неговото искуство значи за нашата репрезентација, но лекарскиот тим не даде „зелено светло“ за негов настап на првенството, по дуелот со Италија изјави селекторот Хорват. Во отсуство на екс вардарецот се очекува на неговата позиција да настапат Филип Главаш и Паоло Краљевиќ. Хрватите ќе играат во шведскиот град Јончепинг во група со Египет, САД и Мароко.

Чупиќ се присетува на Вардар

Бошко Тасиќ — Mon, 13 Dec 2021 19:25:07 +0000

Хрватскиот ракометар Иван Чупиќ го замени дресот на Вардар 1961 со оној на ППД Загреб, но и покрај тоа навивачите засекогаш ќе го паметат по добро. Во интервју за магазинот „Темпо“, Чупиќ говореше за периодот во Вардар и ја откри тајната на успехот на тимот кој двапати се искачи на кровот на Европа. " Кога постојат амбиции и желба, кога се синхронизира соблекувалната како што беше синхронизирана во Вардар, кога постои глад за победа и кај искусните и кај помалку искусните играчи, тогаш не е важно кој е на другата страна. Тогаш ние сме важни. Уживавме во играта, се стававме во корист на тимот. Така размислуваа 20 играчи и не беше важно дали играш една или 60 минути. Во Вардар се скаутираа амбициозни играчи, а сопственикот Сергеј Самсоненко ги придобиваше нив со тоа што на маса ги увери сите дека овој клуб станува голем клуб. Мислам дека сите играчи, вклучувајќи ме и мене, дојдоа со желба за докажување и успех во Вардар, баш според тој разговор кој го имаа со газдата на клубот. Сите играчи кои дојдоа во Вардар подоцна се продадоа во уште поголеми клубови и со традиција каде се носители и каде играат“, изјави Чупиќ. На прашањето: „Дали некој помислил дека е невозможно во Скопје да се создаде еден европски првак или се плашел дека проектот ќе трае само шест месеци?“, Чупиќ даде свое мислење. „Не беше баш така. Знаевме дека Самсоненко е сериозен бизнисмен кој има безброј бизниси и во Македонија Ракометот за него беше хоби. Тргна на здрав начин, низ инсфраструктура, направи сала, изгради хотел и тоа пред да почне да носи сериозни играчи. Скопје е голем град, убав за живот, целата приказна беше вокомпонирана. Не одеше целата работа преку ноќ, како на пример да се донесат двајца-тројца играчи и да се очекува инстант успех. Самсоненко повеќе не е во клубот, ама целата инфраструктура остана на Вардар и тој потег се покажа како исправен“, додаде Хрватот.

Иван Чупиќ е најдобар десен бек во Лигата на шампионите за оваа коло

Бошко Тасиќ — Sun, 21 Feb 2021 07:40:58 +0000

Македонскиот ракометен шампион Вардар два пати во серија беше поразен од унгарскиот ПИК Сегед, но овојпат само со еден гол разлика, 34-33. Еден од најдобрите натпревари оваа сезона ги одигра хрватскиот репрезентативец Иван Чупиќ, а тоа не остана незабележано од ЕХФ.

Хрватот не играше на својата позиција десно крило, затоа што играше на десната бековска позиција Постигна девет гола, а подели и асистенции за соиграчите, па поради тој факт ЕХФ го смести во идеалниот тим.

Чупиќ: Не сме се откажале од Вардар, имавме состанок со Самсоненко!

Ивана Ефремовски — Thu, 20 Feb 2020 08:13:54 +0000

Вардар повторно е во фокусот на Европа, овој пат поради новата криза која ги стресе „црвено-црните“. Финансиите се главна тема низ медиумите, некои си одат, а некои остануваат, а од оние вторите е хрватското крило Иван Чупиќ. Европскиот првак доминантно го победи Мотор Запорожје иако непосредно пред мечот остана без двајца важни играчи во ростерот, Даинис Кристопанс и Павел Атман, кои ги раскинаа договорите и заминаа во Фуксе Берлин, односно Спартак Москва. -Знаевме дека мораме да победиме со Мотор затоа што со некој друг резултат си го ризикувавме пласманот во вториот круг. А, ќе беше навистина глупаво да упропастевме се. Се собравме, добро го отворивме мечот и потоа беше полесно. Дека ќе победиме така убедливо и ние самите не верувавме, вели Чупиќ во интервју за „Јутарњи“. Вардарци се свесни дека ситуацијата не е сјајна, но Чупиќ е дециден - никој од актуелниот тим не планира да се предаде. Воедно, тој откри дека се имало состанок со сопственикот Сергеј Самсоненко, на кој било соопштено дека до крајот на месецот ќе се знае повеќе. -Навивачите и ние не сме се откажале од Вардар, мислам дека тоа никогаш нема да се случи, а се останато е висока политика во која јас лично не се разбирам. Не се знае ништо. Имавме состанок со Сергеј Самсоненко и Михајло Михајловски, разговаравме. Ни кажаа дека ќе се знае повеќе до крајот на месецот. Што конкретно, не знаеме. Но, како и да е, до крајот на сезоната сум тука, а мислам исто размислуваат и останатите. Би сакал така да остане, да се стабилизираат работите, но засега навистина не знам ништо, додаде Хрватот. Чупиќ коментира и како се живее во Скопје без редовна плата. -Не е идеално, но тоа не е никаква новост. Семејството ми е во ред, тоа ми е најважно. Секој си има своја работа, некој оди во градинка, некој во училиште, некој игра ракомет... Се навикнавме на тоа. Добро е, открива тој. „Црвено-црните“ сега ги чекаат битки за подобра позиција во групата на ЛШ, како и борба за Ф4-турнир во СЕХА-лигата. -Имаме уште два меча во ЛШ, па доаѓа осминафинале. Ќе видиме со кого ќе играме, можеби тоа ќе биде Алборг. Имаме и четвртфинале во СЕХА со Нексе, па, се надевам ќе играме на Ф4 и таму. Така што не ни недостасува работа. Колку сме, толку сме, се „крпиме“. Ни кажаа дека можеби ќе дојдат уште двајца ракометари, но искрено не знам како ќе биде тоа изводливо во оваа ситуација. Одиме од ден во ден, ќе видиме каде ќе стигнеме. Едно е сигурно, ќе биде штета се да згасне, заврши Чупиќ. Извор: ГОЛ

Чупиќ е играч на колото во Лигата на шампиони (ВИДЕО)

Предраг Кукиќ — Wed, 25 Sep 2019 18:11:06 +0000

Левото крило на Вардар, Иван Чупиќ е прогласен за најдобар играч во 2.коло во Литата на шампионите од навивачите. Хрватот со своите седум голови против Порто изминатиот викенд, заслужено се најде во идеалната постава на колото, а навивачите му дадоа најмногу гласови во изборот за најдобар играч.

Congratulations to Ivan Cupic, best player of Round 2! Cupic was back in our best 7, and the left-hander guided @HCVardar to victory against @FCPorto with his 7 goals. #veluxehfcl #ehfcl ?? pic.twitter.com/oWj2is8QE1
— EHF Champions League (@ehfcl) September 25, 2019

Херојот на Вардар од минатата година: Не мора да биде Чупиќ, само нека биде титула

Дарко Андоновски — Fri, 25 May 2018 15:21:45 +0000

Минатата година тој беше стрелец на голот за историската титула на Вардар во Лигата на шампионите. Иван Чупиќ и сега е подготвен да го даде најдоброто од себе и да му помогне на својот тим да го одбрани трофејот. – Не треба да биде Чупиќ, само нека биде титула. Сакам да го направиме она што никој досега не успеал, да ја одбраниме титулата. И лани и оваа година ситуацијата е иста за нас, одиме на титулата без оглед на тоа што ќе се случи. Монпеље е незгоден тим, изненади во Лигата на шампионите бидејќи почна од долниот ешалон, а стигна до завршниот турнир. – Наша шанса може да биде што не менуваат многу, играат со мал број ракометари, исти играчи играат во одбрана и напад, а на некои позиции се и послаби од нас. Нашата шанса е Арпад Штербик и одбраната 5-1, изјави херојот на Вардар од ланскиот фајнал-фор.

ВИДЕО: Со голови во последните секунди Вардар ја испиша историјата- голот на Македа е само еден во серијата

Матеја Петровски — Sun, 22 Apr 2018 17:43:35 +0000

Голот во последните секунди за победа во пеколната „Шпаркасен Арена“ во Кил, а уште повеќе психичката стабилност која ја покажуваат избраниците на Раул Гонзалес, потврдуваат дека Вардар не е случајно европски шампион. Сепак, овој гол во последните секунди на Македа не е единствен кој на Вардар му донел голем резултат. Да се потсетиме, Вардар лани со головите во последните секунди на завршниот турнир од Лигата на шампионите во Келн, прво обезбеди пласман во финалето на ова натпреварување, а потоа и стигна до историскиот прв трофеј од Лигата на шампионите, а воопшто и од некое европско натпреварување за еден македонски тим. На полуфиналниот меч лани во Келн, при резултат 25:25, Циндриќ постигна злато вреден гол на четири секунди до крајот, гол за 26:25 и секако гол вреден пласман во финалето од Лигата на шампионите. Она што Македа успеа да го направи на пет секунди до крајот, Лука Циндриќ на 4, вардаровиот херој, Иван Чупиќ успеа да го направи на две секунди до крајот, и тоа гол вреден европска титула. При резултат 23:23 во финалето против ПСЖ, откако доби одлична топка од Алекс Дујшебаев, Иван Чупиќ постигна злато вреден гол, кој секогаш ќе остане запишан во срцата на вардаровите фанови. А последен во серијата доста важни голови во последните мигови од натпреварите е Хорхе Македа.

Чупиќ: Не ме боли толку овој пораз, колку една друга работа вечерва…

Курир — Tue, 16 Jan 2018 23:23:48 +0000

Репрезентативците на Хрватска жалат за вечерашниот пораз од Шведска (31:35), но се надеваат дека ќе победат на следните неколку натпревари во следната фаза, каде ќе издејствуваат и пат кон полуфиналето на ЕП. Задачата ќе им биде тешка, тоа уште сега им е јасно на Хрватите, па им преостанува да се сконцентрираат на останатите мечеви, кога веќе вечерва направија непотребен кикс. Ракометарот на Вардар, Иван Чупиќ ги искажа своите импресии од натпреварот со Шведска. „Не ми падна така тешко поразот, повеќе ми пречи што ги разочаравме навивачите кои не бодрат уште од првиот ден на ова ЕП, немаше воопшто свирежи, не испратија на најдобар можен начин, од срце им се заблагодарум ва за тоа“. „Се повтори старата скандинавска школа, ако ги пуштиш на почетокот и ги разгалиш, после тешко ќе ги фатите и контролирате. Шведска овој пат беше подобра од нас. Првите два меча постигнавме по 22,23, а сега 17 на полувремето. 35 голови е сериозна бројка за еден сериозен ракомет кој се игра на турнири. Не е лесно, но кога противникот е подобар од почеток до самиот крај, поразот и не паѓа така тешко“, истакна Чупиќ

ГИ ЗАСЕНИ И ГОЛМАНИТЕ: Херојот на Вардар со најдобрата одбрана на Европското првенство досега (ВИДЕО)

Матеја Петровски — Mon, 15 Jan 2018 13:37:10 +0000

Вардаровиот херој, златната лева рака на Вардар и на македонскиот ракомет, левата рака која донесе европска круна за црвено- црните, вчера одбрани и спаси гол за својата репрезентација Хрватска. Хрватска вчера дојде до втората победа на Европското првенство откако го совлада Исланд со 29:22, а Иван Чипиќ го имаше потегот на мечот. Вардарците блескаа во дресот на Хрватска, Циндриќ и Карачиќ беа најдобрите играчи на теренот, а Чупиќ го имаше потегот на мечот кога голмански пожртвувано се фрли по топката и не дозволи празната мрежа да биде затресена.