иван иванов – Kurir.mk

Ова е голем ден за нив во семејството – убавите вести ги објави синот на поранешниот претседател Иванов (ФОТО)

Дарко Андоновски — Fri, 06 May 2022 19:03:03 +0000

На 4-ти април нашиот поранешен претседател Ѓорѓе Иванов стана дедо, а неговиот син Иван Иванов татко. По повод доаѓање на новиот член и прво внуче во семејствата Иванови и Кочови беше организирана традиционалната прослава на која веселиот татко славеше до раните утрински часови. На крајот на месец февруари, Иван и Јана ја озаконија својата љубов во кругот на своите најблиски пријатели и семејтвата. Нежниот розов фустан кој тогаш го носеше невестата откри дека саканата на Иван е во поодмината бременост. „Во ова невино време што измина, во животот ми влезе личност која ми го облагороди моето време. некако си се надополнивме, си знаев дека тоа е тоа уште на почетоците кога започнуваше нашата врска… љубовта не е нешто егзактно што можеш да го пресметаш. едноставно тоа го чувствуваш во себе. не за џабе велат дека пеперутките во стомакот, не лажат. кога ќе го почувствувате тоа, ќе знаете дека станува збор за она вистинското и дека таа е личноста со која сакате да ја испишете една од најубавите приказни во животот“, пред скоро половина година изјави синот на нашиот поранешен претседател, ѓорге иванов, иван иванов во интервју за емисијата „бекстејџ“ откривајќи дека ја пронашол својата сродна душа – јана . Само месец и пол по свадбената прослава семејството Иванови и Кочови го добија своето прво внуче – малиот Ѓорге Иванов – Јуниор кој ќе го носи името на својот дедо, нашиот поранешен претседател. Денес малечкиот Ѓорѓи го слави својот прв именден. Заедно со тато Иван и мама Јана малиот Ѓорѓи го помина во Градскиот парк: „СВ. Георги – Ѓурѓовден, прв именден! За многу години!“ – напиша иван во описот на фотографијата.

Внукот на Ѓорѓе Иванов го доби името на својот дедо

Ивана Ефремовски — Thu, 07 Apr 2022 17:23:41 +0000

Иван Иванов, синот на поранешниот претседател Ѓорге Иванов пред два дена стана татко. По раѓањето на синот, Иван направи забава на која присуствуваа и бројни познати личности. Меѓу нив беше и славниот музичар Владимир Четкар кој го откри името на бебето. Внукот на Ѓорѓе Иванов го доби името на својот дедо.

РАДОСНА ВЕСТ ВО СЕМЕЈСТВОТО НА ПОРАНЕШНИОТ ПРЕТСЕДАТЕЛ: Иван и Јана станаа родители, а Иванов дедо (ФОТО)

Тале Кристо — Mon, 04 Apr 2022 16:48:34 +0000

Синот на поранешниот претседател Ѓорѓе Иванов, Иван и неговата сопруга Јана станаа родители. Младиот пар доби синче, а убавата вест на социјалните мрежи на споделија и двајцата родители. Инаку, сега веќе новопечените родители во брак стапија во февруари месец, откако претходно изминатата година парот направи и веридба.

ФОТО: Се ожени синот на Ѓорѓе Иванов – Иван и Јана официјално стапија во брак

Магдалена Андонова — Sun, 20 Feb 2022 11:13:30 +0000

Синот на поранешниот претседател Ѓорѓе Иванов се ожени. Иван официјално стапи во брак со прекрасната Јана откако во октомври минатата година се верија. https://kurir.mk/scena/poznati/foto-se-veri-sinot-na-gjorge-ivanov-ja-skrati-i-kosata-teshko-deka-kje-go-prepoznaete/ Судејќи по фотографиите, венчавката била во потесен круг на роднини и пријатели, а среќата на новиот брачен пар е повеќе од забележлива. На една од објавените фотографии на Инстаграм стори кај младоженецот Иван се примети еден мал детал, односно стомакот на невестата Јана. Дали новопечениот млад брачен пар очекува принова останува да дознаеме понатаму. На Иван и Јана им честитаме за стапувањето во брак и им посакуваме вечна љубов и слога.

Иван Иванов нов в.д. директор на Комуналното јавно претпријатие „Водовод“ – Кочани

Тале Кристо — Wed, 01 Dec 2021 16:03:50 +0000

Иван Иванов е новиот в.д. директор на Комуналното јавно претпријатие „Водовод“ – Кочани. Иванов доаѓа на местото на досегашниот директор Андреј Киров. Во присуство на градоначалникот Љупчо Папазов, утрово беше извршено примопредавање на раководната позиција.

ФОТО: Се вери синот на Ѓорге Иванов, ја скрати и косата- тешко дека ќе го препознаете

Дарко Андоновски — Tue, 26 Oct 2021 12:33:52 +0000

Иван Иванов, синот на поранешниот претседател Ѓорѓе Иванов пред неколку дена ја промовираше својата збирка поезија „Невино време“ и со помош на стиховите откри една нова и досега непозната за јавноста страна од себе и својата личност. Освен тоа, тој ја побара за жена својата дологодишна девојка, а тоа се дел од причините за гостувањето во Бекстејџ. Во интервјуто зборува за љубовта, но и плановите за свадба. Крајот на разговорот бил резервиран за музиката. Малкумина знаат дека Иван е голем љубител на музиката и има свој бенд.

Иванов: Здравството е во толку лоша состојба што Стив Џобс да се стави заменик министер таму нема да има никакво подобрување

Дарко Андоновски — Tue, 12 Nov 2019 14:13:30 +0000

Иван Иванов, пратеникот од редовите на ВМРО-ДПМНЕ денеска на собраниска седница посочи дека здравствениот систем е во очајна состојба, можеби власта треба да прошета по клиниките низ градовите да увиди во каква состојба се наоѓаат. -Два месеци пред избори да разговараме за заменик министер во сектор во кој што владее целосен хаос верувајте дека нема да има никаков ефект, нагласи Иванов. Иванов додаде дека ситуацијата во здравството е во толку лоша состојба што сега да се воскресне или Стив Џобс да се стави заменик министер таму нема да има никакво подобрување. -Односно ситуацијата е повеќе од алармантна односно катастрофална. Верувам дека правите анкети за одредени области сигурно имате и за здравството. Дали постои барем еден човек во Македонија кој што е задоволен од здравствените услуги во Република Македонија, запраша Иванов. Иванов истакна дека Власта треба да прошета низ клиниките посебно во оние кои што не се реновирани за да видат дека тие се во очајна состојба. Таму здрав човек да влезе за две недели ќе се разболи.

Иванов: СДСМ уште еднаш го потврди несериозното носење на закони, со Предлог-Законот за изменување и дополнување на Законот за служба во АРМ по скратена постапка

Дарко Андоновски — Wed, 06 Nov 2019 13:57:51 +0000

СДСМ уште еднаш го потврди несериозното носење на закони, со Предлог-Законот за изменување и дополнување на Законот за служба во АРМ по скратена постапка. Самата скратена постапка на носење на Законот е дискутабилна затоа што се работи за закон кој е суштински и кој е од големо значење за целната група која што ја третира, ова денеска преку изјава за медиумите го истакна Иван Иванов од ВМРО-ДПМНЕ. -Зошто овој закон се носи пред да биде усвоен Законот за одбрана кој е во собраниска процедура и кој што е системски закон ? Имено, носењето на ваков суштински закон по скратена постапка е чиста манипулација со јавноста и предизборен маркетинг. Во недостаток на свои проекти и решенија поврзани со прашањата на стандардот на воените лица, очајни од сознанието дека ништо не направиле за војската, а се ближат избори, СДСМ се принудени да се фалат со туѓи проекти и решенијата на проблемите да ги присвојуваат како свои. Во Предлог-Законот за служба во Армијата на Република Македонија, што СДСМ сака набрзина да го помине, нешто што е исклучително важно е зошто во фискалниот образец стои бројка 0, односно зашто не се предвидени средства во буџетот на Министерството за одбрана за намените кои се спомнати во законот?, прашува Иванов. Тој исто така прашува на чиј терет ќе паднат на пример трошоците за здравствено осигурување и лекување? -На чиј терет ќе паднат закупнините? Од каде ќе бидат обезбедени тие средства? Како е можно да немаат предвидено средства или донесувањето за овој закон е само предизборен маркетинг ? Впрочем, она што остава впечаток е потребата за обезбедување на еднакви можности за администрацијата со оние на припадниците на Армијата, бидејќи на крајот безбедносниот кадар е неделив. И едните и другите се подеднакво заслужни за се што е направено за патот до НАТО и затоа треба да ги уживаат истите бенефиции. Оттаму спрoведување на реформи на армиската без цивилната компонента би било несоодветно и на долги патеки демотивирачки. Тоа што цилвилниот дел е преобемен не се појавува како проблем од сега иако и во такви услови постои појава на секојдневни вработувања и унапредувања во безбедносниот сектор. Бараме итно да се повлече Предло-законот за изменување и дополнување на Законот за служба во АРМ и во најкусо време да се формираат работни групи кои ќе изготват законско решение кое ќе биде поволно за оваа група која се третира односно АВП и цивилниот персонал, вели Иванов.

Иванов до Димковски: Ако имавте елементарно познавање од земјоделието, зошто земјоделците го фрлаат својот род

Предраг Кукиќ — Thu, 31 Oct 2019 11:10:00 +0000

На денешната седница за пратенички прашања се обрати и пратеникот од редовите на ВМРО-ДПМНЕ и Коалицијата за „Обнова на Македонија“, Иван Иванов кој посочи дека неговото прашање беше во врска со бројот на издадени картички за зелена нафта. Прашањето беше дека бројот на издадени картички не се совпаѓа со бројот на регистрирани земјоделци. Во вашиот одговор министер за земјоделие, кој го имате напишано и во кој што имате наведено многу небитни работи и на крај за да заклучите дека, ќе цитирам – „Покажува дека имате основно непознавање на Програмата за финансиска поддршка во земјоделството“. И дека оваа влада не ги делела земјоделците по никаков однос, истакна Иванов. Иванов констатира дека за оваа Влада земјоделците не само што не ги дели туку и земјоделците воопшто за нив не постојат. Ајде што сте напишале дека имам елементарни непознавања од тоа, еве на некој начин јас сум дипломиран машински инженер, да речеме дека на некој начин личи. Меѓутоа како може Вие да мислите дека имате елементарни познавања и ако имате елементарни познавања од земјоделието, како го доведовте земјоделието до ова дереџе, Иванов го запраша министерот за земјоделие. Иванов додаде во прашањето до министерот Димковски, како успеа земјоделието да дојде до ова дереџе. Доколку Димковски има елементарно познавање зошто површините за ориз се намалуваат. Зошто земјоделците упорно го фрлаат својот род, зошто откупните цени се ниски, зошто се намалува сточниот фонд, прашања кои заслужуваат одговор од министерството. Но на сето ова земјоделците својот одговор ќе го дадат на 12-ти април, што мислат за оваа власт.

Иванов: Од законот за класифицирани информации спорни се членовите 60 и 75

Дарко Андоновски — Tue, 22 Oct 2019 11:34:23 +0000

На денешната Собраниска расправа се обрати и пратеникот на ВМРО-ДПМНЕ, Иван Иванов кој посочи дека во оваа фаза на законот за класифицирани информации поддршка ќе даде ВМРО-ДПМНЕ. -Имено од материјалите кои што ги добивме гледам дека акцентот е ставен пред се на усогласување со законот за инспекциски надзор, понатаму постои дел во кој што има обезбедување на лица кои ќе пријават класифицирана информација која се прикрива пречекорување на овластување, злоупотреба на функција или некое друго незаконско дејствие. Односно казниво дело, надлежен орган согласно законот за заштита на укажувачите како и давање на инкриминации на лицата кои што ќе одадат класифицирана информација со понизок степен на класификација од државна тајна, појасни Иванов. Иванов истакна дека се има соодветни забелешки на законот, тие ќе бидат додадени во вид на амандмани во негово понатамошно разгледување. Спорен ни е членот 60 во која една од формулациите каде што мое да се одземе безбедносниот сертификат е: „Намалена ментална способност за постапување со класифицирани информации“. Тоа треба да се допрецизира, да се доуреди кој е тој орган што ќе каже дали одредено лице има намалена ментална способност за постапување со класифицирани информации. Исто спорен ни е членот 75 во кој се воведува функцијата заменик директор, појасни Иванов.