Иван Стоиљковиќ – Kurir.mk

Стоилковиќ: ВМРО-ДПМНЕ и коалицијата со сигурност нема да гласаат за уставни измени, а има и неколку пратеника од владејачкото мнозинство што нема да гласаат

Ристе Здравков — Thu, 09 Feb 2023 19:13:01 +0000

„Од владејачкото мнозинство да имаат 80 пратеника тие ќе ја достават до Собранието иницијативата за промена на Уставот. Но, немаат, значи далеку се од 80 пратеника“, истакна Иван Стоилковиќ, претседателот на Демократската партија на Србите во Македонија и пратеник во емисијата „Само интервју“ на Канал 5 телевизија. Стоилковиќ додаде дека од толку што е способна власта говорат и анкетите последниов период. Последната анкета на „Брима - Галуп“ укажува дека околу 72% од граѓаните во Македонија мислат дека државата се движи во погрешна насока. „Такво едно неодговорно однесување од власта, мислам јас искрен да бидам немам видено за овие 20-тина години. Едноставно не знаат што работат и кај тераат“, нагласи Стоилковиќ. Стоилковиќ уште еднаш во емисијата „Само интервју“ потенцираше дека неколку пратеници од владејачкото мнозинство нема да гласаат за уставни измени. „Какви 80 пратеника, па неколку од нив нема ниту да гласаат. Она што можам со сигурност пред македонската јавност да кажам дека има сериозна кохезија во пратеничката група на ВМРО-ДПМНЕ постои по ова прашање за уставни измени. И нема теоретски шанси ВМРО-ДПМНЕ и коалицијата да гласа за уставни измени. Дури можам да ви кажам дека има неколку пратеника од другата страна кои нема да поддржат уставни промени“, укажа Стоилковиќ. Во текот на емисијата Стоилковиќ говореше за можното влегување на Алијанса во власта. Според него некоја од албанските партии требаше да остане во опозиција. „Не станува збор за албанскиот политички фактор, јасно е дека се штака на ДУИ, така функционираат и така ќе завршат на следните избори. Тоа е сосема јасно. Но, тоа што сериозно загрижува унисониот однос на албанските политички партии кон било што се случува во Македонија. И тој унисон пристап на албанските партии ќе се одрази на наредните избори каде што мислам дека македонскиот блок ќе издвојува поприлично голема победа“, укажа Стоилковиќ. „Шест месеци пред изборите јас ќе влегувам во Влада, зошто? Знаете каде е Алтернатива по влегувањето во Влада? Никаде. По испитување на јавно мислење скоро бележи нула“, појасни тој.

Стоиљковиќ: Во вакви околности нема да гласаме за уставни измени, и граѓаните кажуваат дека власта носи погрешни одлуки

Ристе Здравков — Thu, 09 Feb 2023 18:33:26 +0000

Во вакви околности нема да гласаме за уставни измени. Владата решава некои прашања без политички консензус, навлегува во политички процеси и прави политички отстапки, реагира опозицијата која е исклучена од целиот процес, и потоа владата после донесена одлука бара опозицијата таа одлука да ја поддржи. Некоректно и политички полуписмено, зошто опозицијата да презема ризик за туѓи одлуки кои не се адекватни на реалните состојби, рече лидерот на Демократската партија на Србите во Македонија, и пратеник Иван Стоиљковиќ за „Само интервју“ на Канал 5. Стоиљковиќ потсети дека и лидерот на ВМРО-ДПМНЕ, Мицкоски соопшти дека нема да ги поддржи уставните промени под вакви политички услови. - Сами донесоа одлука и сега викаат дојдете исперете ги нашите погрешни одлуки. Дека одлуките се погрешни покажува јавното мислење. Опозицијата го гледа расположението на граѓанство. Не може да носите решение кога едната страна е апсолутно незадоволна од тоа решение, рече тој. Стоиљковиќ посочи дека власта треба да се подзамисли што прави кога на испитување на јавно мислење од „Брима галуп“, граѓаните се незадоволни и додаде дека не е точно дека не може да се променат условите во преговорите. - Не е се согласувам дека условите не може да се променат, животот е борба, да се успее да се поправи. Граѓаните го сметаат ова понижувачки и не може да се очекува да биде долготрајно, рече тој.

Стоиљковиќ: Во државата се случуваат низа на бесмислици затоа се неопходни предвремени избори

Ристе Здравков — Wed, 18 Jan 2023 18:16:06 +0000

Во државава се случуваат серија бесмислици, се случува ерозија на се, во сите институции. Власта нема реална перцепција за состојбите во општеството, рече Иван Стоиљковиќ, претседател на Демократска партија на Србите во Македонија на гостување во емисијата Што не е јасно што се емитува на телевизија Алфа. „Македонија има крајно некомпетентно раководство кое прави сериозни пропусти и наместо да ги решава проблемите тие само се собираат на купче. Состојбата е лоша и на економски и политички план. СДСМ која се декларираше како државотворна партија стана слуга на еден коалициски партнер и го изгуби чувството за срам и за државните интереси. А многу работи зависат од СДСМ во моментов“, рече Стоиљковиќ. Стоилковиќ се осврна и на уставните измени. „Партиите од власта ја залажуваат јавноста. Уставни измени јасно е дека нема да поминат и тие се подготвуваат за предвремени избори. Сега имаат проблем поради внатрепартиските превирања, во ДУИ е почнато и сега остнува да се види што ќе се случува во СДСМ. Тоа е партија која ја чека губење и на оној малку преостанат рејтинг“, рече Стоиљковиќ. Според него како и да е изборите ќе бидат брзи. „Ние во секој случај сме во изборна година, кога и да се случат изборите“, кажа Стоиљковиќ.

Власта со одбивањето на предлогот на Стоиљковиќ- да се разгледува случајот со Ковачевски на затворена седница, признаа дека нема ништо доверливо во документот на МО

Катерина Бојаџиева — Wed, 21 Sep 2022 17:51:33 +0000

Господине претседателе со оглед на дискусиите кои што ги слушнав и предлозите кои што ги слушнав, и со оглед на реакциите кои ги слушам, а и со оглед на гласањето очигледно дека работите не се сфаќаат ниту сериозни, ниту одговорно. Зошто? Од проста причина затоа што ако продолжиме вака да зборуваме за нешто што веќе министерството го квалификувало како тајна, нели и на која повикува дека ќе повлече одговорност некој за тоа, тогаш сметам дека и ние со ваквите расправи и со ваквото однесување внесуваме уште поголема забуна или правиме конфузија во јавноста. Конфузија во јавноста од една страна што е тоа толку тајно? И од друга страна да ви дадат бел лист хартија, и да ви кажат дека треба да гласате за црн, вие ќе гласате за црн, истакна Иван Стоиљковиќ, пратеник од редовите на Коалицијата „Обнова на Македонија“ при своето излагање во собраниската комисија за одбрана и безбедност. Стоиљковиќ додаде дека одредени пратеници од власта не знае што значи служење на воен рок. „Затоа мојот предлог ќе биде сериозен затоа што темата е сериозна, затоа што овој проблем со кој што ние се соочуваме не е само правно политички проблем. Па, дури и не е само безбедносен проблем, овој проблем е длабоко коруптивен проблем кога ќе се навлезе во неговата суштина. Затоа што за да некој добие било каков документ дека не е способен, треба да поминете серија од лекарски предмети. И за тоа морал некој да потпишува! Мора да постои евиденција! Мора да постои записник, и на крајот тоа мора некој да го верификува со потпис и со печат“, појасни Стоиљковиќ. Пратеникот додаде дека издавањето на црвен печат дека некој не е способен за служење на воен рок е сериозна работа. И тука степенот или вртенето на корупцијата која произлегува не е работа само на Комисијата за одбрана и безбедност туку е и работа на Јавното обвинителство. „Мојот предлог е во насока за оваа тема да се разговара, но позади затворени врати, за да можеме и ние повеќе да ви кажеме на вас како што очекувам дека и вашето знаење ќе го просипете кон нас, па би можеле да разговараме на многу посериозен начин отколку да си довикуваме едни на други. Така да од тој аспект тој коруптивен ланец од една страна, правно политичките последици и безбедносните последици, простор за работа на јавното обвинителство, реагирањето на министерството за одбрана, безбедносните агенции, сето она што значи систем на една држава треба да бидат вклучени. И затоа мојот предлог е господине претседателе седницата да биде затворена за јавноста“, нагласи пратеникот. Тој рече дека темите кои се отвораат и за кои се зборува предизвикуваат сериозни импликации не само во јавноста туку и во безбедносниот сектор. Затоа неговиот предлог е седницата да се затвори за јавноста. По дадениот предлог на пратеникот Иван Стоиљковиќ, владејачкото мнозинство изгласа дека темата не е од доверлив карактер за да биде затворена седницата за јавноста.

Стоилковиќ: Власта на СДСМ не се грижи доволно за српската заедница, Костадиновска Стојчевска ускрати средства за чествување на важни настани за српскиот народ во Македонија

Ристе Здравков — Fri, 05 Aug 2022 19:02:41 +0000

Што се однесува на припадниците на српската заедница во Македонија и припадниците на македонската заедница во Србија не можете да направите ни поблиски споредба затоа што припадниците на македонскиот народ во Србија уживаат сериозна поддршка од државата, преку милион евра добиваат за негување на своите културна национални особености, смета Иван Стоилковиќ, пратеник и претседател на Демократска партија на Србите во Македонија во вечерашното гостување во Тема на денот во централниот дневник на телевизија Сител. Стоилковиќ потенцираше дека покрај важните манифестации за српската заедница во Македонија, министерката за култура Бисера Костадиновска Стојчевска нарекувајќи ја госпоѓа Скафандер ги ускратила средствата за невладините српски организации и ја повика доколку смета поинаку да го демантира, меѓутоа како што рече тој ова што го говори е тотална и апсолутна вистина. Ќе ја потсетам јавноста и госпоѓа Скафандер, односно госпоѓа министерка за култура дека српските невладини организации во Македонија оваа година се тотално ускратени за средства од министерството за култура, кога станува збор за манифестации кои се од важност за српската заедница во Македонија, рече тој. Јас ја повикам министерката доколку грешам или доколку овие аргументи не мис е точни, да ме демантира. Меѓутоа јас гарантирам дека сето ова што го зборам е тотална и апсолутна вистина, изјави Стоилковиќ. На прашањето дали е за внесување на Бугарите во македонскиот устав, Стоилковиќ рече дека неговиот став е јасен и е ист како на опозициската ВМРО-ДПМНЕ во кој е во коалиција, а тоа значи против внесување на бугарите во Уставот. Да нема забуни за мојот став јас сум од страна на опозицијата и мојот став тука бил и до крај ќе остане јасен, вели Стоилковиќ.

Стоиљковиќ: Ако бугарската влада на чело со Петков падна и покрај прифаќањето на бугарските услови, сосема оправдано се наметнува прашањето како треба да заврши владата на Ковачевски?

Ристе Здравков — Wed, 22 Jun 2022 17:13:57 +0000

Ако бугарската влада на чело со Петков падна и покрај прифаќањето на бугарските услови, сосема оправдано се наметнува прашањето како треба да заврши владата на Ковачевски? Праша на Фејсбук, Иван Стоиљковиќ, пратеник во македонското собрание.

Стоиљковиќ: Власта да даде одговор каде исчезнаа една третина од припадниците на српската заедница во Македонија

Тале Кристо — Mon, 04 Apr 2022 17:35:49 +0000

Власта мора да даде објаснување за резултатите од пописот, а штом нема објаснување тоа отвора сомнеж дека се работи за некаков вид на инженеринг, бидејќи бројките не содејствуваат со реалноста, вели Иван Стоиљковиќ пратеник и претседател на Демократската партија на Србите во Македонија за „Што не е јасно“ во Алфа. Тој вели дека она што сериозно загрижува и нема објаснување е како бројката на припадниците на српската заедница е за третина и повеќе намалена односно од 36.000 на минатиот попис на 23.000 сега. - Кај нас во партијата има 7.000 поединечни пристапници, секоја кампања како политичка партија посетуваме од 6 до 8.000 српски семејства, а што е со припадниците на српската заедница кои членуваат во другите српски партии, со тие во ВМРО-ДПМНЕ, СДСМ и другите партии? Само по себе се наметнува дека бројките не содејствуваат со реалноста, рече тој. Стоиљковиќ истакна дека исчезнување на една третина од некоја национална заедница е невозможен, а државата треба сериозно да се запраша каде е таа една третина. - Ние сме граѓани на Македонија и државата е должна да ни го даде тој одговор. Од пописот зависи степенот на остварување на правата. Така е наметнато со Охридскиот рамковен договор кој е составен дел од Уставот. Затоа е потребна контрола, нагласи Стоиљковиќ.

Стоиљковиќ: Изјавите на власта не кореспондираат со преговорите во позадина со Бугарија, јавноста мора да знае за што се преговара

Катерина Бојаџиева — Thu, 10 Jun 2021 16:07:51 +0000

Тоа што се случува позади сцената во преговорите со Бугарија не кореспондира со изјавите на власта и затоа бараме јавно и пред јавноста да се објави за што се преговара, но и да се донесе одлука кој ќе биде од заеднички интерес на граѓаните на Република Македонија, изјави пратеникот Иван Стоиљковиќ на денешниот протест „Доста е, Излези за Македонија“. Стоиљковиќ потенцира дека владата за штетните политики кои ги носи не дава никакво објаснување, така беше со кризната состојба, така е и со договорот со Бугарија и затоа се овие протести за алармирање на јавноста и да се доведе власта до ситуација да не донесе штетно решение за македонските граѓани. - На овој начин се решивме да ја алармираме македонската јавност да види што се случува и претставниците на власта јавно да се соочат пред се во Собранието на Република Македонија, каде што треба да се носат одлуки за најважните државни прашања како што се меѓународните договори, а овој договор длабоко засега во европската Конвенција за човекови права и слободи, така од ние ќе продолжиме со протести, истакна Стоиљковиќ. Тој вели дека со оваа власт единствено што има е пад на демократските процеси и затоа е многу важно Владата да излезе и пред граѓаните и пред пратениците со сите информации за да можеме да имаме одлука која ќе биде во заеднички интерес на граѓаните на Република Македонија.

Стоиљковиќ: Пилињата на крајот се бројат, зар не?

Ристе Здравков — Sat, 05 Sep 2020 19:02:39 +0000

Никој не го спори идивидуалното видување на настаните во нашето опкружување, но со години се докажува дека антисрпскиот став провејува скоро секогаш и од секаде, медиуми, медиумски работници, политичари, од оние за една упореба или тнр. корисни идиоти во јавниот живот па се до највисоките званични претставници на државата. Се однесува ли Пендаровски како претседател, што се случува со македонската дипломатија и каде се јаничарите на српскиот народ во Македонија, знаат ли што прават и мислат ли дека нема да дојде време да ги израмнуваме сметките. Секој ден, се повеќе се претерува со непринципиелни ставови и политика и наместо да ја оправаме сопствената бедотија, делиме памет кој и така највеќе ни недостасува. Премногу свежи се сеќавањата, а на жалост се уште постојат оние кои и покрај што и мафијашот Ѓукановиќ под притисок на меѓународниот фактор се повлече од криминалните активности, како што е поткуп на пратеници и слично, а што нашите медиуми и јавност како врв на демократијата го промовираа, со цел промена на изборната воља на граѓаните. А случаи кои кореспондираат со ваквото однесување беа и повеќе од видливи и кај нас. Абе имате ли срам, зар не гледате дека ќе се удавите во сопствениот смрад и за чудо паметот не ви доаѓа. Па така и денес по средбата во Вашингтон на српскиот претседател Вучиќ и претставникот на привремените институции на Косово, иста мета исто одстојание. Ви реков неколку пати, ќе повторам, а што се однесува до вчерашниот настан не заборавете, “пилињата на крајот се бројат”. Што се однесува до политиките кои ги водите и застапувате и состојбата во која је доведовте Македонија не заборавете дека распердушените пилиња не само што никој не ги есапи туку и никој не ги брои. Еве на кратко, прво, трамповањето од вчера беше и е во функција на изборниот процес во Америка, каде во игра се големите, српската и албанска заедница. Нема сомнеж секој од актерите вчерашниот договор ќе си го прикажува како свој политички успех. Трамп тоа ќе го прави да му то помогне во претседателската кампања. Второ, односот на трамповата администрација кон званичниот претставник на српската држава беше под секое ниво. Но целта ги оправдува средствата, дури и од авион се гледа дека претседателот Вучиќ заврши голема работа за Србија, за нејзината економија и регионален статус. Трето, Србија доби најповеќе, мини шенген во целина, значителна финансијска помош и мижност во наредните десет година да биде економска локомотива во регионот. Мини шенгенот може да доведе до проблеми со парламентарното мнозинство кај Албанците, бидејки мини шенгенот ја укинува границата со нели окупаторската Србија и ја воведува Србија во целост на Газиводе. Четврто, не се сомневајте дека претседателот Вучиќ до максимум ќе го искористи овој настан и шансата која му е дадена економски да го предводи регионот и во политички цели. Петто, нема признавање на Косово ни во назнака! Шесто, онаа што е и што не е напишано во документот на кој впрочем нема ни заеднички потпис, ќе има свој живот, позитивен или не, во зависност од изборите во Америка. Седмо, да го направиме Трамп повторно претседател на Америка.

Анализа: Анкети како алиби за бегството од избори

Ивона Петрова — Thu, 26 Dec 2019 12:16:08 +0000

Ќе користи ли Заев нарачани анкети како алиби за бегство од избори? Ова прашање се наметнува во јавноста откако вчера се појавија анкети на кои Заев и актуелната Влада доколку утре се одржат избори ќе победат. Познавачите на ваквите политички ситуации коментираат дека анкетите со предност на Заев ќе имаат за цел, доколку има потреба, премиерот да ги искористи за да се оправда во случај на одложување на договорените поредвремени парламентарни избори. Идејата е Заев да презентира водство во јавноста, кое треба да ги сокрие реалните бројки и стравот од пораз на изборите, за носењето на законите во законодавниот дом да останат како единствена пречка, односно ултиматум поставен од премиерот. Фадил Зендели од БЕСА во телефонски разговор за Курир вели дека оваа изјава на Заев ја смета за начин за избегнување на веќе планираните избори на 12 април со договор постигнат кај претседателот на државата. -Сметаме дека тоа е само изговор, донесувањето на суштинските закони кои премиерот сака да ги помине во овој период каде е натрупана работата на Собранието, на последната седница ќе имаме 126 точки на дневен ред. Лично, би сакал да одиме на избори и целото општетство зборува за тоа, оди во таа насока и не гледам посебна причина за одложување. Тоа што го вели премиерот за мене не е некоја посебна причина затоа што законите кои тој ги споменува се предизборни ветувања на премиерот во насока на предизборието, а не во насока дека тоа е некоја реална економска и политичка ситуација во земјава, вели Зендели за Курир. Според Иван Стоиљковиќ од Демократската партија на Србите, секој збор изречен во политичкиот живот за одложување на изборите ја намалува шансата на оние кои тој збор го употребуваат во најмалку 5 проценти во избирачкото тело. -Зборот одложување на изборите значи страв, несигурност, страв од губење на изборите, несигурност во сопственото делување и во резултатите на изборите, како и последиците кои би можеле да произлезат од таквата одлука, вели Стоиљковиќ за Курир. Тој е дециден дека изборите треба да се одржат на 12 април. За потсетување, и претседателот Стево Пендаровски истакнува дека сега не постои никаква логика за преместување на изборите. Според него закажување на датумот на изборите по 6 месеци беше неопходно заради формирањето на Техничката влада 100 дена пред изборите. –На само неколку месеци по 12 април влегуваме во термин за редовни избори и не можам да видам која партиска или државна логика би барала тие избори да се одложат, изјави Пендаровски во емисијата „200“ на Алсат. Дека Заев бега од избори зошто се плаши од пораз и одговорност вчера со обвинување излегоа од ВМРО-ДПМНЕ. -Зоран Заев работи на сценарио за одложување на изборите затоа што се плаши од избори и се плаши од соочување со народот. Зоран Заев многу добро знае дека изборите за него значат крај на политичката кариера, а потоа следи одговорност. Зоран Заев знае дека сето ова негово владеење, кое е препознатливо по виткање на кичмата, рекет, изнуди, уцени, трговија со националните интереси, тепање на граѓаните и праќање на рекетари, народот не го одобрува. Затоа Зоран Заев не сака соочување со народот. Сака да одбегне пораз и да одложи соочување со одговорноста за своето работење, истакна Александар Николоски, потпретседател на ВМРО-ДПМНЕ. ДУИ пак, со нетрпение ги очекува изборите и, како што изјави пратеникот на оваа партија Артан Груби, следната победа. -Ние сме за избори. Ги очекуваме изборите, спремни сме, реформирани и готови да ја преземеме повторно одговорноста од граѓаните за реализација на нивните очекувања. Исто така, ги поддржуваме сите законски решенија, било да е тоа Законот за Армијата, Законот за ЈО, па дури и инкорпорирањето на препораките од ОДИХР и ОБСЕ во Изборниот законик кои би сакале да се усвојат во текот на јануари, по изборот на преодната влада, која ќе треба да ги организира изборите, рече Груби во Собрание.