иван стоилковиќ – Kurir.mk

Демократска партија на Србите во Македонија: Уставни промени?! НЕ, бладодарам!

Катерина Бојаџиева — Mon, 05 Jun 2023 20:40:33 +0000

Уставни промени?! НЕ, бладодарам! Во пресрет на оддржувањето на лидерската средба Демократската партија на Србите во Македонија го реафирмира порано утврдениот став дека нема да подржи ниту едно решение, спротивно на интересите на македонскиот народ, овојпат изразено во двотретинското мнозинство против измените на Уставот, вели Иван Стоилковиќ. -Тоа е став на целокупната пратеничка група на Колицијата за обнова на Македонија, кој на лидерската средба уште еднаш силно ќе биде афирмиран од Христијан Мицковски, како лидер на коалицијата. Собранието во овој состав нема легитимитет за носење на таква одлука против која е огромното мнозинство македонски граѓани, одлука која е без национален консензус, која е резултат на диктат и која е спротивна на европските вредности и стандарди. Онаа што следи е одговорот на прашањето што ќе прави власта после пропаѓањето на иницијативата за промена на Уставот во Собранието, ако нели се осмелат да ја поднесат, но секако од авион се гледа дека “царот е гол”, додава тој.

Стоилковиќ: Уставни измени во овој парламентарен состав нема да има, во односите со Бугарија македонската дипломатија покажа неодговорен однос

Дарко Андоновски — Fri, 27 Jan 2023 18:55:08 +0000

Прашањето со уставни измени е завршена работа, во овој парламентарен состав нема да има уставни измени. Моите ставови се јасни на јавноста и ние нема да направиме конкретен чекор кој е против интересите на македонската држава и македонскиот народ, изјави лидерот на Демократската партија на Србите во Македонија, и пратеник Иван Стоилковиќ за „Тема на денот“ на Сител телевизија. Во врска со настаните на Бугарија тој се сомнева во две работи, едното дека е можно сценарија за да мора да интервенира меѓународната заедница и Македонија да биде принудена на отстапки и уставни измени, а како што рече второто е дека се ова води кон предвремени парламентарни избори. - Дали ќе има обиди некој да се спаси, да избегне одговорност, најверојатно да, но се е јасно дека македонската дипломатија покажа неодговорен однос, ако оди по линија на попуштање дека работите ќе се средат сами по себе. Тоа е многу наивен пристап. Се покажа дека тоа не е така, но се разголи и пристапот на Бугарија. Тие се заинтересирани да Македонија и Македонците ги нема од историјата, јазикот е споредна работа затоа што ако го нема народот ќе го нема ни јазикот. Така да од тој аспект работите стануваат се појасни, истакна Стоилковиќ. Според Стоилковиќ главен проблем е што македонската дипломатија го прави како грешка е што влезе во историски ревизионизам. - Владата влезе во процес на историски ревизионизам и Бугарија од фашистички окупатор стана администратор и тоа е сосема обратно од историската вистина, а тоа е дека Македонија и македонскиот народ беа дел од антифашистичката коалиција. Тоа е скапа цена за Македонија, рече Стоиљковиќ

Стоилковиќ: На референдумот граѓаните ќе имаат прашање кое не е манипулативно и подложно на толкувања

Ивана Ефремовски — Tue, 06 Sep 2022 19:33:32 +0000

“Преспанскиот договор е само врв на ледениот брег, договорот со Бугарија ќе произведе потешки и посериозни последици и ќе доведе до состојба на современ етноцид на македонскиот народ, македонскиот јазик и македонската држава.” Така говорев кон крајот на 2017 и почетокот на 2018 година, истакнува Иван Стоилковиќ од Демократската партија на Србите во Македонија. Во продолжение ја пренесуваме неговата објава на Фејсбујк: И ако уште од тогаш предупредував какво зло носи за македонската држава и народ Договорот со Бугарија, се надевам дека на никој нема да му падне памет да ми спори дека и после толку време имам право не само на сатисфакција, туку и чувство на кредибилитет пред македонската јавност да соопштам дека не само лично, туку и со одлука на партијските органи апсолутно ќе ја подржиме иницијативата да се организира референдум ЗА ПОНИШТУВАЊЕ на Договорот со Бугарија. 1.Жал ми е што веднаш може да приметам дека еден дел од тогашните истомисленици, не сум сигурен која “мака” ги натерала да ја променат страната, но можеби е добро што е така, затоа што продадените души мора кога тогаш како г.... да испливаат на површина и не е добро со истите да сме во исто друштво.

Оние што тврдат дека е глупаво прашањето за распишувањето на референдумот без оглед на нивното образование би требало да знаат дека подобро е Собранието да распише референдум за закон кој е донесен во Собранието (Закон за ратификација на договорот со Бугарија) отколку за било која друга импровизација која би се однесувала на акти кои не ги донело Собранието.
Референдумот е препорачлив затоа што ќе ја узбурка вештачки креираната жабокречина во политичкиот живот и ќе внесе нова енергија кај се повеќе зомбираното граѓанство.
Испитувањата на јавното мислење кои говорат дека од осум Македонци само еден би ги прифатил последиците предизвикани од договорот со Бугарија се императив за опозицијата да поентира стопроцентно, од сите аспекти.
Опозицијата треба да биде власт за да може да го поништи договорот со Бугарија, иако истата веќе тоа и го потенцираше во неколку наврати, а со референдумот дефинитивно истото и го превзема како обврска.
Можеби би било најдобро бидејки некако и референдумските рокови кореспондираат со можни вонредни избори истите да се случат истовремено, бидејки на тој начин најдобро ќе биде отсликана вољата на македонските граѓани визави Договорот со Бугарија и неговите последици.
Иницијативата и пристапот на опозицијата во однос на формулацијата на референдумското пражање кој значи конечно напуштање на негативистичкоит пристат кон проблемите со кои се соочува државата и граѓаните и отворање на позитивистичкиот пристап, замена на НЕ со ДА ќе се преточи во отворање на нова надеж за македонските граѓани.
На референдумот граѓаните ќе имаат прашање кое не е манипулативно и подложно на толкувања, што значи чесен пристап кон граѓаните, но во исто време и можност за едноставен и разбирлив одговор, а со тоа и разбирање на последиците од нивното изјаснување.
Да ги потсетам оние кои однапред почнаа кампања против референдумот, оваа се однесува на оние кои бараат влакно во јајцето, дека може да им се случи да најдат неколку влакна, но истите на крајот ќе може да им послужат само да “преду вуну, драгоме за гуњу”.
И на крајот, не бидете корисни идиоти во жестоката кампања, која почна уште пред референдумот, против опозицијата и нејзиниот предводник Христијан Мицковски, таквата кампања само укажува дека нема договор на Мицковски со мафијашките структури за нивна амнестија.

Стоилковиќ: Среќна Нова 1941 година во 21 век

Ивона Петрова — Thu, 14 Jul 2022 11:02:01 +0000

Пратеникот Иван Стоилковиќ се огласи на социјалните мрежи по повод францускиот предлог кој денеска е пред пратениците во Собранието. -Додека се подготвувам да одам на денешната парламентарна фарса која по пратеник не значи ништо во материјална смисла, каде доволен е само 41 глас да се одглуми демократија, ми паѓа на памет дека деновите кои изминаа и оние кои доаѓаат ќе бидат раскажувани како денови во кои „црвената олигархија“, т.н. носители на комунистичките власти, по 81 година се обидуваат да ја вратат во Македонија во 1941 година кога „администраторот“ односно бугарскиот фашистичли окупатор зазема своја позиција во Македонија, пишува Стоилковиќ. Вели историјата се повторува, но овој пат како фарса. -Бадијала викате, бадијала се глупирате, бадијалата одите против волјата на народот, но вие си знаете. Урсула Фон дер Лајен ќе дојде и ќе си отиден, сите ние ќе останеме тука, никој нема да ги решава нашите проблеми освен самите. Да ве потсетам дека немате, ниту ќе имате двотретинско мнозинство. Така да каде почнувате, тука и завршувате. Среќна Нова 1941 година во 21 век, пишува пратеникот на Фејсбук.

Стоилковиќ: Рејтинзите и довербата се поразителни за власта, во сабота пред Влада

Ивона Петрова — Wed, 15 Jun 2022 05:39:11 +0000

Ги гледам резултатите од најновото испитување на јавното мислење спроведено од “Ипсос” и веднаш во очи ми паѓа бројката дека лидерот на опозицијата Христијан Мицковски ужива најголема доверба кај македонските граѓани, дури пет пати повеќе во однос на претседателот на македонската Влада Димитар Ковачевски, кој ужива помалку доверба кај македонските граѓани дури и од Димитар Апасиев, пишува на Фејсбук претседателот на Демократската партија на Србите во Македонија, Иван Стоилковиќ. Вели дека резултатите од анкетата, кога станува збор за партијските рејтинзи исто така се поразителни за власта. -Затоа сосема оправдано се поставува прашањето зошто при ваква поставеност на резултатите, во време кога опозицијата предводена од Христијан Мицковски отвара фронт против власта, во исто време власта, нејзините прислужни елементи и криминалното политичко подземје отвараат фронт против Христијан Мицковски? Мислам дека одговорот на оваа прашање ќе ве одведе право на митингот пред Владата на 18.06.2022 година со почеток во 20 часот. П.С. Без оглед на нели тврдиот став на власта, анализата на состојбите покажува дека работите стојат сосема поинаку и дека ВМРО ДПМНЕ и коалицијата се во таква позиција да можат да донесат одлука дали треба дополнително да се притисне власта и кон крајот на годината да се оди на избори. Но, со оглед на катастрофалната состојба во државата кога станува збор за сите сфери на општественото живеење ВМРО ДПМНЕ исто така може да го продолжи притисокот, но и да остави власта да се удави во настапувачката сопфатна криза, заради тоа што повеќе од сигурно е дека истата нема капацитет да се справи со кризата од една страна и од друга страна неподносливата неспособност и ароганција која секојдневно ја демонстрираат и не дава некоја надеж дека работите ќе се променат на подобро. Kако резултат на тоа во некое блиско идно време ВМРО ДПМНЕ би можело само да се прошета на изборите. Ова би требало да ви го напишам после митингот, но еве однапред го преземам ризикот за предвреме изнесениот став во јавноста, стои во објавата на Стоилковиќ.

Стоилковиќ: Не ги прифаќаме лажните резултати од пописот, ќе организираме вистинско пребројување на српскиот народ!

Дарко Андоновски — Fri, 01 Apr 2022 08:38:15 +0000

Не ги прифаќаме лажните резултати од пописот, немаме доверба во официјалните органи на актуелната власт и немаме намера да дадеме легитимитет на перфидното поништување на нашиот народ. Се надеваме дека со официјална поддршка на нашата татковина, во втората половина од годинава ќе спроведеме попис, електронски и теренски, на кој ќе може да се изјаснат сите оние кои се сметаат за припадници на српскиот народ, најавуваат од Демократската партија на Србите во Македонија и Српската заедница во Македонија. „Попишувањето ќе биде доброволно, а попишаните лица ќе добијат службено уверение кое ќе можат да го користат при остварување на правото на образование, стекнување имот, добивање државјанство, како и за други привилегии во нашата татковина, Република Србија. Исто така, лицата чии презимиња се на „иќ“, а ја немаат оваа потврда, нема да бидат третирани како валидни претставници на српскиот народ во македонската администрација, туку како кукавички јајца спуштени во нашето гнездо. Ова важи и за политичките и за невладините организации со префиксот „српски“, а всушност основани за потребите на одредена политичка партија како привремено покритие за немањето на српски партнер во нивната коалиција, кои со своето неработење, односно со поддршката на криминалните пописните активности од позиција на власт ги десеткуваа Србите и се директни виновници за оваа ситуација. За се ќе бидете навремено информирани“, напиша пратеникот Иван Столковиќ, претседател на Демократската партија на Србите во Македонија на својот фејсбук-профил.

Иван Стоилковиќ одликуван со крстот на Ѓорѓи Стратимировиќ

Тале Кристо — Mon, 21 Feb 2022 17:28:57 +0000

Орденот, одликувањето, беше востановено минатата година по повод пренесувањето на посмртните останки на Ѓорѓи Стратимировиќ во Србија после 113 години. -Одликувањето дојде како резултат на тоа што со големо внимание ги следев знаците што ги оставија нашите предци, знаци кои му помогнаа на нашиот народ лично и колективно да го зачува споменот на предците и понизно да зачекори во иднината, осврнувајќи се на нивните херојски дела. луѓето како целина. Исклучително сум благодарен што по повод 200-годишнината од раѓањето на водачот Ѓорѓи Стартимировиќ, Центарот за развој на Шајкашка со благослов на Неговото Високопреосвештенство епископ Сремски Васил и со согласност на семејството Стратимировиќ од Кулпин ми ја додели наградата Големиот крст на Водачот Ѓорѓи Стратимировиќ, рече Стоилковиќ. - Иако меѓу носителите на Крстот се највисоките државни или црковни претставници, не може да се измери чии заслуги се поголеми или помали: секој во својата област работи и ќе прави што е, да ги користи зборовите на принцот Милош, во корист. на народот, објаснува Иван Стратимировиќ, потомок на благородниците Стратимировиќи од Кулпин. Како што додаде Стоилковиќ, Александар Вучиќ, Александар Вулин, Иринеј Буловиќ, д-р Дарко Танасковиќ и други најзаслужни личности од свештенството го добија ова високо одликување како симбол и доказ за почит и благодарност за досегашната работа и посветеноста на напредокот и просперитет на Србија и на сите Срби Српската православна црква, српската војска, како и културниот, академскиот, политичкиот и јавниот живот на Србија, наведувајќи дека се нашол во високото општество. Додавајќи дека се надева дека е достоен за одликувањето и посочениот дел.

Стоилковиќ: Самиот факт дека немаме амбасадор во Бугарија говори дека преговарачите не сакаат да остават трагови за тоа што тие преговараат и што ветуваат

Тале Кристо — Mon, 20 Dec 2021 19:21:24 +0000

Самиот факт дека немаме амбасадор во Бугарија што го потенцирав говори дека преговарачите очигледно не сакаат да остават трагови за тоа што тие преговараат и што ветуваат. Затоа што ние како пратеници слично како и со Преспанскиот договор ќе бидеме информирани, односно дознаваме повеќе од нашите пријатели од Грција нашите колеги пратеници, отколку што бевме информирани внатре каде што требаше да биде информирањето“,истакна Иван Стоилковиќ од Демократската партија на Србите во „Само вистина“ во Канал 5 телевизија. Стоилковиќ додаде дека неколку пати имаше напор за да се појави Бујар Османи и да ги информира пратениците за што се говори во преговорите со Бугарија. -Доаѓаме во ситуација да имаме паралелни врски во регионот и преку паралелни врски да дознаваме она што се случува во преговорите. На пример кај нас со голема доза на оптимизам беше дочекан изборот на новиот бугарски премиер Петков, со првичните најави. Но, меѓутоа оној што посериозно ја познава бугарската политичка сцена знае дека господинот Петков иако е хрватски ученик тој е тука само за економијата и за контакти со Брисел. Дека вистинската односно главната сила во Република Бугарија се наоѓа во рацете на Радев. А, тој маестрално изигра една политичка игра преку три круга на парламентарни избори и дојде на власт и инсталираше сопствена Влада. Втората работа што македонската јавност доволно не е информирана тоа е дека министер за надворешни работи стана од партијата на Слави Трифонов, Теодора Генчоска која е историчар и е позната по многу рестриктивни ставови кога станува збор за македонскиот народ, за македонскиот јазик и воопшто за македонската држава, рече Стоилковиќ. Стоилковиќ посочи дека можни позитивни решенија со Бугарија тешко дека ќе има. Во мај се е поочигледно дека Македонија нема да добие датум за преговори.

Стоилковиќ: Македонија е единствена држава која со закон се соочува со три кризни состојби поради неспособноста на власта

Тале Кристо — Mon, 20 Dec 2021 18:13:52 +0000

Ние сме единствена држава во светот можеби во овој момент која живее со три со закон прогласени кризни состојби. Тоа се кризната состојба по повод КОВИД пандемијата, кризната состојба по повод мигрантската криза, и кризната состојба во однос на недостатокот на електричната енергија. Ако првите две се со надворешни влијанија предизвикани од влијание кои немаат допир со внатрешните прилики во нашата држава Република Македонија, третата односно кризната состојба со недостатокот на електрична енергија можеме слободно да кажеме дека е и изворна, и таа е резултат на неспособноста на министрите, на Владата да се справат со предизвиците пред кои се исправени, истакна Иван Стоилковиќ од Демократската партија на Србите во „Само вистина“ во Канал 5 телевизија. Стоилковиќ додаде дека уште летово се говореше за слабите акумулации, тој период дури се зборуваше дека претстои енергетска криза. -За тоа време ние продававме струја наместо да ја чуваме струјата. Така да ги потсетам само граѓаните на Македонија дека на почетокот на ноември плаќавме струја 180 евра по киловат час, а некаде десетти ноември плаќавме по 250, а сега плаќаме преку 400 евра по мегават час, појасни Стоилковиќ. Стоилковиќ посочи дека ако првите две се резултат на надворешната кризна состојба, третата е поради неспособноста на власта да се справи со предизвиците. -Она што може на прв поглед да се заклучи кога станува збор за политичкиот живот во Собранието, е тоа дека првпат во Македонија се случува амбдибајремизација на политичкиот корпус на Албанците. И таа амбдибајремизација која прв пат се појавува во политичкиот живот во Република Македонија, а тоа би го објаснил како прелет на политичари и политички партии и политички личности од една во друга опција со што се нарушува и изборната волја на граѓаните востановена во текот на изборите се сериозен предизвик не за албанскиот политички блок, тие се сериозен предизвик за целокупната државна номенклатура затоа што таа амбдибајремизација на политичките партии кој како процес се појавува во политичките партии на Албанците ќе видиме каков одговор ќе предизвика кај македонското избирачко тело и воопшто кај граѓаните, рече Стоилковиќ.

Стоилковиќ: Премиерот е како човек на кого на половина пат му се дупнала гумата и мора да оди на вулканизер

Ивана Ефремовски — Fri, 12 Nov 2021 10:34:56 +0000

Иван Стоилковиќ, претседателот на Демократската партија на Србите, со свој коментар за вчерашните случувања со осврт на реакциите и изгледот на премиерот Зоран Заев. „Во Куманово имаше вулканизер чија работилница се викаше ЦЕПИ ЛЕПИ, фацата на премиерот на синоќешната седница (која нели не беше отворена, а беше затворена и која патем се одржа без присуство на пратеници) личи на човекот кого на половина пат му се дупнала, исцепила гумата па мора да оди на вулканизер да ја залепи… Цепи лепи политиката продолжува на највулгарен начин, се додека не се уверат дека исцепаната гума може да…лоадинг„ - истакна Стоилковиќ.